Venres da EMAO 7-10-2022. Casa Queimada [DEBUXO]

VENRES DA EMAO COS IRMÁNS TRIGO

Este venres 7 de outubro ás 19:00 horas teremos a Ramón e a Xosé presentando este proxecto de crowdfunding.

No ano 2017 o sur de Galicia foi asolado por unha ola de incendios que arrasaron montes, bosques, fincas e vivendas. O Proxecto Casa Queimada recupera un destes espazos naturais que foron arrasados polo lume: unha leira arborizada, cunha vivenda que tamén ardeu no incendio.

Sen seguro e sen axuda institucional, os Trigo reconstruíron a casa e rehabilitaron a leira. Durante a recuperación deste espazo expuxéronse transformalo nun espazo dedicado á creación artística, onde se poidan realizar talleres, exposicións, recitais, performances, etc.

Casa Queimada é un proxecto artístico que abarca diversas disciplinas, como pintura, escultura, ilustración, cómic, video, etc.

Presentación do libro "Todo chega desde o mar" de Santiago Ferragud [OUTRAS NOVAS]

 

Este venres 30 de setembro ás 19:30 presentación na hemeroteca  do libro "Todo chega desde o mar" de Santiago Ferragud. Coincidindo co 50 aniversario da folga que paralizou Vigo,  o Ateneo Atlántico presenta este libro de Santiago Ferragud que se inicia con este feito. Esta novela conta o encontro entre dúas mulleres: Irene, contemporánea da folga do 72, profesora na universidade, a piques de xubilarse; e Xoana, unha nova licenciada, recentemente chegada a Vigo; diferentes por xeneración e por vivencias, moi pronto lles unirá a paixón pola historia da cidade.

Acomparán ao autor Xoán Carlos Abad, presidente do Instituto de Estudos Vigueses, e Luisa Abad.

136 Aniversario da creación da Escola de Artes e Oficios de Vigo

 

Hoxe estamos de aniversario, hai 136 anos inaugurabase na antiga rúa do Circo, a Escola de Artes e Oficios. 

No ano 1886 un fato de ilustres cidadáns, nomeadamente Eduardo Chao, Eugenio Montero Ríos, Augusto Bárcena, Manuel Diego Santos, imbuídos do espírito ilustrado da Institución Libre de Ensinanza (ILE) e convencidos de que o grande pulo social e industrial que Vigo encetaba nos finais do século XIX sería imposible sen unha acción sistemática e organizada de formación cultural e profesional das súas clases traballadoras, deciden impulsar e crear en Vigo a Escola de Artes e Oficios (EAO). Comeza así a desenvolverse un ambicioso programa de estudos dirixido á capacitación básica dos e das traballadoras. O 26 de setembro de 1886 verificábase a apertura do primeiro curso nun acto solemne presidido polo ex ministro da Primeira República, Eduardo Chao, que fixo o discurso inaugural. 

Ante o éxito da iniciativa, axiña foron insuficientes os locais elixidos para a súa sede na rúa do Circo (hoxe Eduardo Iglesias). Consciente da necesidade de dar cobertura ás crecentes necesidades de formación e ao propio éxito da implantación da Escola, no ano 1900 José García Barbón fai xenerosa doazón á cidade dos edificios que albergarán ata os nosos días a EAO. Ao tempo, créase a primeira Biblioteca Pública de Vigo e o Concello de Vigo pasa a ser o xestor e principal financiador da Institución. Un dos seus primeiros directores, Fernando García Arenal, fillo da inesquecible Concepción Arenal, testemuña a relación expresa da EAO coa filosofía e práctica da ILE. 

O 27 de setembro ábrese o prazo de matrícula na Escola Municipal de Artes e Oficios de Vigo (EMAO). [ADMINISTRACIÓN]

 

Listado de alumnos/as admitidos (resultante de sorteo)

Listado de alumnos/as admitidos (resultante de probas de acceso)

 

FORMALIZACIÓN DE MATRÍCULA

ALUMNADO DE NOVO INGRESO NA EMAO CURSO 2022-23 

 

1. As persoas incluídas nos listados cos resultados do sorteo e das probas de acceso deberán formalizar a súa matrícula presentando na Unidade Administrativa da EMAO a seguinte documentación:

• Ficha cumprimentada (Recóllese e entrega na Unidade Administrativa da EMAO).
• Fotocopia simple do seu DNI.
• DATAS E HORARIO DE MATRÍCULA: do 27 ao 29 de setembro (de 10 a 13 h. e de 16 a 20 ) o 30 de setembro (de 10 a 13 h)
  

2. De non confirmarse a matrícula nas datas indicadas daráselle de baixa na lista de admisión, pasando a ocupar o seu posto a persoa que figure no lugar correspondente na lista de agarda.

3. Establécese unha lista de agarda para cada especialidade, para os casos de substitución por baixa ou por renuncia do alumnado durante o primeiro trimestre do curso 2022-2023. Por razóns prácticas, o número de persoas que figuran na lista de agarda que se publica é, como máximo, o número de prazas ofertadas para cada especialidade.

4. A admisión definitiva está condicionada á veracidade dos datos de empadroamento. 

Toda a información en: Curso 2022-2023

Casa queimada [DEBUXO]

Ramón Trigo e o seu irmán Xosé volven a sorprendernos con outro proxecto  apadriñado polo colectivo "A Madriña". Desta vez non se trata de dar forma a través da Banda Deseñada a unha historia de trama histórica como foi "Ricardo Mella" ou "Kartofel"; desta vez a historia é de actualidade, en concreto dun acontecemento cercano e persoal: A destrucción dunha casa no monte que foi absorbida polas lapas nun incendio devastador no ano 2017. A historia do desastre, e cómo daquelo levantouse algo novo, é o late motiv deste proxecto tan interesante.

CASA QUEIMADA

O proxecto abarca varias disciplinas artísticas, entre elas a ilustración, a escultura, a pintura e o documental entre outras, porque tamén poderíamos falar do propio proxecto arquitectónico, cuxa primeira parte está rematada, pero como me contou Ramón, queda moito por facer.

Kurt Schwitters Space, Image, Exile. Autora: Megan R. Luke [BIBLIOGRAFÍA]

Kurt Schwitters Space, Image, Exile.
AUTORA:
Megan R. Luke.
EDITORIAL:
The University of Chicago Press.
O artista alemán Kurt Schwitters (1887–1948) é mellor coñecido polo seu traballo pioneiro na fusión da colaxe e a abstracción, as dúas innovacións máis transformadoras da arte do século XX.

AUTORA: 

Megan R. Luke é profesora asociada de historia da arte na Universidade do Sur de California.

KURT SCHWITTERS-MERZ ART [BIBLIOGRAFÍA]

Novas adquisicions da Biblioteca:

KURT SCHWITTERS-MERZ ART
AUTORA: Isabel Schulz.
EDITORIAL: Hirmer Art

Kurt Schwitters:
Artista visual ademais de escritor, Kurt Schwitters pertence aos protagonistas máis influentes da vangarda europea.

Autora:

Isabel Schulz é directora executiva da Colección Kurt and Ernst Schwitters e curadora do Arquivo Kurt Schwitters no Museo Sprengel en Hannover.

89. Kurt Schwitters. Sublime refugallo [PINTURA]

Kurt Schwitters
Alemaña,1887–1948.

O artista alemán Kurt Schwitters foi un dos principais protagonistas do movemento Dadá (movemento cultural e artístico creado co fin de contrariar as artes, que xurdiu en 1916 (Zúric), unha característica fundamental do dadaísmo é a súa oposición ao concepto de razón instaurado polo positivismo racional.

Convocatoria de Sorteo e Probas de Acceso para Alumnado de Novo Ingreso no Curso 2022-2023 na Escola Municipal de Artes e Oficios [ADMINISTRACIÓN]

 

CURSO 2022-2023

CONVOCATORIA DE SORTEO E PROBAS DE ACCESO PARA ALUMNADO DE NOVO
INGRESO NA EMAO

1. Calendario das probas de acceso: todas referidas a setembro de 2022.

• CAIM (Gaita e Zanfona): día 13, ás 16.00 horas (Aula de CAIM)
• Artesanía do Coiro: día 14, ás 16.00 horas (Aula dePintura)
• Talla e escultura en madeira: día 13, ás 16.00 horas (Aula deTalla)
• Moda e confección: día 14, ás 16.00 horas (Aula deDebuxo)
• Serigrafía artística: día 13, ás 16.00 horas (Aula deDebuxo)
• Ourivaría: día 13, ás 16.00 horas (Aula dePintura)

2. Contidos das probas

 

As probas de acceso para as especialidades citadas terán dúas partes. A primeira será un cuestionario no que o/a aspirante deberá cumprimentar preguntas xenéricas. Estas preguntas nunca serán referidas a cuestións técnicas sobre a especialidade. A segunda parte será un exercicio práctico co material específico de cada especialidade, no que non se valorarán coñecementos específicos previos relativos á especialidade, senón conceptos, como habilidade, actitude, recursos e creatividade.
A nota final sairá da valoración conxunta do cuestionario e mais a proba práctica, e ponderarase conforme aos criterios que para cada especialidade se recollen no Anexo á presente convocatoria.
O tempo para realizar a proba de acceso a estas especialidades será aproximadamente de 30 minutos en total.
O aspirante presentarase no horario previamente publicado na web e mais no taboleiro de anuncios da escola (EMAO), segundo a especialidade. Deberá portar o DNI e un bolígrafo. 

Segundo a asistencia, irán facendo a proba entrando por orde alfabética.

 

3. Sorteo para o acceso ás especialidades de Debuxo artístico e de Pintura

Segundo o previsto no Plan de Estudos e no apartado E) da Convocatoria do curso 2022-2023, para o acceso ás especialidades de Debuxo artístico e de Pintura realizarase un sorteo público o día 16 de setembro de 2022, ás 12.00 horas, na Biblioteca da EMAO.  

AFORO LIMITADO a 60 persoas.

Adeus a José Crespo Abalde, antigo alumno da Escola [OUTRAS NOVAS]

José Crespo Abalde (1928-2022)

Onte deixábanos uns dos mellores tallistas que tivo a cidade de Vigo. Nacido na parroquia de Beade, comezou os seus estudos na nosa Escola no curso de 1943-44 (Gramática, Caligrafía, Aritmética, Xeometría práctica, Debuxo xeométrico e Prácticas de taller). Formouse en varias disciplinas da Sección Artística (Debuxo de Figura e Adorno) e da Sección de Artesanía (Modelado e baleirado e Talla en madeira). Recibiu clases de prestixiosos mestres como Maximiliano Vidales Espinosa, Carlos Sobrino Buhigas, Manuel Longa Campos, etc. Ata 1950 conciliou a súa formación na Escola co seu traballo de ebanista. No curso 1945-46 obtivo o Premio Extraordinario José Curbera de Gramática Castellana e Modelado e Baleirado e en 1950 gañou o 2º Premio Nacional de Talla Artística.

Tivo o seu propio taller na rúa Regueiro onde mantivo unha notable traxectoria como ebanista (Retablo da Capela das Servas, o Altar do Colexio de A Ramallosa...), realizou exposicións de debuxo e talla en madeira de forma regular. Colaborou durante anos como Mestre-Tallista coa Ebanistería Arjones, S.L. creada por outro antigo alumno da Escola, Manuel Arjones, quen mantivo a súa amizade e admiración polo mestre ata o final.

José Crespo foi un home de moitas inquietudes, ademais da talla artística, o debuxo e a pintura, gustou da poesía e participou no grupo poético Brétema. 

Agradecido á Escola polos coñecementos aquí recibidos, mantivo toda a súa vida unha boa relación con outros compañeiros de estudos. No ano 1987 creou xunto co antigo director Ricardo Torres Quiroga a Asociación de Antigos Alumnos da Escola de Artes e Oficios que estivo activa algo máis dun lustro. Estas vivencias quedaron reflectidas nos dous libros de memorias que escribiu: "Guijarros, pelouros de río" e "Mosaico de recuerdos".

Colaborou e prestou obra para a Exposición histórica "A Escola Municipal de Artes e Oficios: 130 anos na Historia de Vigo" Ata comezos do ano 2020 puidemos velo a miúdo por aquí, acudía con frecuencia a moitas das actividades culturais que se desenvolvían na hemeroteca.

Desde aquí queremos enviar o noso máis sentido pésame á súa familia e amigos, quedará sempre na nosa memoria polo home bo que foi. Descanse en paz!

Algunhas obras de José Crespo:

Así foi o Monográfico de TÉCNICAS DE TORNEADO APLICADAS A OURIVARÍA [CAIM GAITA] [OURIVARÍA]

 Este xullo os obradoiros de CAIM Gaita e Ourivaría 

unímonos para realizar o monográfico de "Técnicas de torneado aplicadas a Ourivaría". 

Pezas feitas por Rubi Frank Soria neste monográfico 

Alumnado traballando no taller de Ourivaría

Este monográfico xurdiu dun exercicio que realizamos na especialidade de ourivaría durante os primeiros meses de curso para aprender a limar e coller soltura cos limatóns.

Este traballo manual pode realizarse en parte de maneira mecanizada empregando o torno, 

así que decidimos que poderíamos aplicar os procedementos que empregan en Gaita e a súa maquinaria para aplicalo aos exercicios propostos. 

Explicación práctica de Carlos Corral ao alumnado deste monográfico

Para complicar un pouco máis a cousa e conseguir unhas pezas atractivas engadimos aos exercicios o engaste en tubo, e o resultado foi excelente, pois en 36 horas que durou o curso, os alumnos a maioría sen coñecementos previos realizaron tres pezas acabadas e como mínimo un engaste. 

O monográfico formulouse da seguinte maneira: 

• Exercicios obrigatorios para aprender as técnicas básicas: 

1. Limado básico de un tramo de 10cm de barra de latón a man practicando diferentes figuras libres.
2. Limado básico de un tramos de 10cm de barra de latón no torno practicando diferentes figuras libres. 
3. Construción de un pincho para o cabelo: limado a man e co torno mais engaste en tubo no extremo superior para unha circonita talla brillante de 3mm de diámetro. 
4. Construción de unha pulseira tipo torque: limado a man en curvo, coa posibilidade de engadir tubo para engastar circonitas talla brillante de 5mm de diámetro ou de 3mm de diámetro. 

• Exercicio obrigatorio combinando limado a man e co torno, a escoller entre: 

Con estes exercicios o alumno ideou a súa peza partindo do seu deseño propio e aplicando na súa construción as técnicas aprendidas: limado a man, limado co torno, conformado, soldado, esmerilado, pulido e brillado e engastado. 

1. Deseño e construción de un broche con engaste en tubo
2. Deseño e construción de un centro de colar con engaste en tubo

Pezas de Mª Aurea Paz

Pezas de Jose Manuel Cerdeira

Pezas de Luis Cerrada 

Pezas de María Crespo

Pezas de Trinidad Vila

Pezas de Iria Lojo

Faltan as imaxes da pezas de Mª Amelia pero xa as engadiremos ;DDD

En Setembro exporemos todos estes traballos na entrada principal da Escola para que os poidades ver de cerca.

E por último dar os nosos parabéns dende o obradoiro de CAIM Gaita e de Ourivaría aos alumnos participantes, polo moito que traballaron en tan pouco tempo e polo marabilloso resultado 

que acadaron ;DDD

E con todo isto FELIZ VERÁN a todos e vémonos ao regreso en Setembro

Grazas por visitarnos ;DDD 

Presentación do Catálogo "A Escola de Artes e Oficios: 130 Anos na Historia de Vigo" [OUTRAS NOVAS]

 

Exercicio de serigrafía sonora [SERIGRAFÍA]

 Esta proposta sonora trátase dun exercicio da aula de serigrafía artística en colaboración coa Orquestra Clásica de Vigo e Honorino García e foi realizada durante o monográfico da escola de verán de iniciación á serigrafía.

O exercicio consistía en realizar texturas con métodos directos en serigrafía. A partir destas formas creouse un rede de dispositivos que posibilitan a interactuación  co son. 

Honorino García é licenciado en Composición na especialidade de música electroacústica. Na súa labor como docente ensina tecnoloxía aplicada á música, programación e electrónica creativa na arte. Como investigador colabora en proxectos relacionados con intelixencia artificial e redes neuronais, tanto no ámbito artístico como no educativo. Graciñas a él e a Manu e Inés da Orquesta Clásica foi posible esta experimentación coa cal podedes interactuar no espazo expositivo da entrada da escola.

 

38 º Mostra da Olería en Buño [OUTRAS NOVAS]

 

 Buño inicia conta atrás para a súa 38.ª Mostra de Olería que se celebrará do 4 ao 7 de agosto.

Fotos do Laboratorio de Son [OUTRAS NOVAS]

Este venres pasado rematou o Laboratorio de Son que organizou a Orquesta Clásica de Vigo e que tivo o seu espazo físico na nosa Escola. Aquí tedes algunhas fotos...

O Bum da EMAO tras Domingo Villar... [OUTRAS NOVAS]

Foto de Sonia Daponte en Vigo-e

 

Recomendamos o artigo que publica o xornal dixital VIGO-e sobre a nosa Escola no que se repasa desde o seu significado histórico para a cidade de Vigo á súa situación actual. Fai incapé no impulso a nivel de popularidade que supuxo a publicación no 2019 da novela de Domingo Villar, O último barco, que situou gran parte da súa trama nos espazos desta centenaria Escola. 

Resalta a importancia da nosa biblioteca que na actualidade desenvolve unha dobre función por unha banda,  a conservación de todo o seu patrimonio histórico e por outra, a a consolidación dunha biblioteca moderna especializada no ensino das artes e dos oficios tradicionais e artísticos. 

O artigo acompáñase dunha variada selección de fotos das diferentes aulas e talleres e da Biblioteca.

Ver artigo

Residencias artísticas do Gaiás 2022. Cidade da Cultura de Galicia [OUTRAS NOVAS]

 

As Residencias artísticas do Gaiás - REGA lanzan a súa convocatoria de 2022 na procura de proxectos culturais vencellados a algunha das seguintes categorías: artes visuais, artes escénicas, artes musicais e deseño. Os creadores e creadoras seleccionadas recibirán unha bolsa dotada con 8.000 euros para materializar as súas propostas e realizarán unha residencia de entre tres semanas e mes e medio na Cidade da Cultura. O Gaiás pon así á disposición dos e das artistas os seus espazos, recursos e equipos técnicos para que desenvolvan proxectos, consolidándose como viveiro e motor creativo.

Serán seleccionados como máximo catro proxectos, un deles por cada unha das áreas, e a convocatoria valorará positivamente a ligazón con outras disciplinas non recollidas nas bases, tendo en conta o carácter híbrido da cultura actual.

As residencias deberán desenvolverse entre os meses de setembro e decembro de 2022. O resultado das mesmas poderá ter unha vertente de investigación, unha dimensión práctica ou mixta, e os proxectos poderán formar parte do programa cultural da Cidade da Cultura de Galicia. Máis información...

Bases da convocatoria 

Prazo aberto do 7 Xul ao 8 Ago 2022.

Convocado o 37 Premio BMW de Pintura [OUTRAS NOVAS]

 

A 37ª edición do Premio BMW de Pintura abre as súas portas ata o próximo 29 de xullo de 2022. O Premio, un dos máis prestixiosos certames de pintura do noso país, ten como fin promover a creación artística en España e fomentar e impulsar aos novos talentos. Por iso, nesta edición preséntase unha nova categoría dedicada a impulsar a creación dixital dos nosos artistas: O Premio BMW de Arte Dixital, dotado con 6.000 euros e aberto a calquera obra realizada con técnicas dixitais, fóra das pezas que requiran interacción do usuario a través de dispositivos periféricos como lentes, joysticks ou teclados. Ademais, as obras que opten ao Premio de Arte Dixital non poderán optar ao resto de premios e viceversa. 

Esta edición preséntase con catro categorías: Premio BMW de Pintura, Bolsa Mario Antolín á Investigación Pictórica, Premio BMW de Arte Dixital e Premio BMW ao Talento Novo.

Le as bases e presenta a túa obra!

Consulta as bases

Tarde de Reencontros e Despedidas [OUTRAS NOVAS]

 

Onte celebramos o reencontro coas nosas queridas compañeiras pero tamén a despedida do que ata onte foi o noso director, Rafael Ojea, que emprende unha nova travesía na súa vida. Desde aquí desexamos que os ventos che sexan favorables.

Gozamos dunha tarde para o recordo, cordial e emocionante, diversas circunstancias impediron que puidésemos estar todos/as. Botámosvos de menos compañeiros/as!!!

Algunhas Fotos da Entrega de Diplomas Fin de Curso 2021-2022 [OUTRAS NOVAS]

Alumnado de Artesanía en Coiro

Alumnado de Debuxo

Alumnado de Moda e Confección

 

 

Alumnado de Ourivería

Alumnado de Pintura

Alumnado de Cerámica Artística