Venres da EMAO 4-11-2022. El Alcalde de Zalamea [CAIM ZANFONA]

 

 

 

Nas producións cinematográficas os músicos adoitan estar representados por figurantes que, na maioria dos casos, desvirtúan tanto a propia figura do intérprete coma a do instrumento que supostamente tanxen.

Nesta versión da obra de Calderón de la Barca, o músico Gregorio Paniagua representa con criterio o que foi un dos oficios máis vencellados á zanfona.

 

Día: 4 de novembro

Hora: 18:30 (erro no cartaz)

Lugar: Biblioteca EMAO

Presenta: Xaime Rivas (Mestre de CAIM Zanfona)

Fotos da Presentación do libro "Serendos Obsolimos" de Pepe Cáccamo [VENRES DA EMAO]

Resumo en Imaxes das Actividades de Extensión Cultural na Biblioteca da EMAO [OUTRAS NOVAS]

Este é un pequeno resumo en imaxes da semana do 24 ao 28 de outubro...

(25-10-2022). Primeira das conferencias do Ciclo Lembrando a María Casares. Ciclo organizado polo Ateneo Atlántico

 

(27-10-2022). Conferencia "Vigo e o mar" por Manuel Rodríguez Vázquez organiza FORUM Instituto de Estudios Vigueses 2022.

 

(28-10-2022). Presentación do libro Serendos Obsolimos de Pepe Cáccamo. Venres da EMAO, Pintura.

Conferencia "Vigo e o mar" por Manuel Rodríguez Vázquez [OUTRAS NOVAS]

 

Miguel Vázquez, Ceramista Mayor [OUTRAS NOVAS]

Fernando Franco na súa sección Mira Vigo no Faro de Vigo, publica unha reseña sobre  o noso mestre de cerámica Miguel Vázquez, recentemente xubilado. Nesta foto, na porta da Escola, aparece cos seus compañeiros e compañeiras de traballo durante a emotiva despedida que lle renderon xunto co seu alumnado.

Lembrarvos que no Espazo EMAO (Sala de exposicións da Escola Municipal de Artes e Oficios de Vigo (Entrada polas rúas Pontevedra e Rosalía de Castro), pódese visitar a exposición de Miguel Vázquez ata o 23 de decembro no  horario de luns a vernes, días laborables de 19:00 a 21:00 horas.

Conferencia "María Casares. A súa relación co republicanismo e co galeguismo" na Hemeroteca [OUTRAS NOVAS]

Mañá as 19:30 terá lugar na nosa hemeroteca a primeira das conferencias do Ciclo Lembrando a María Casares. Ciclo organizado polo Ateneo Atlántico

O proximo 21 de novembro cúmprese o centenario do nacemento de María Victoria Casares Pérez (A Coruña, 21 de novembro de 1922 – Alloue, Charente, Francia, 22 de noviembre de 1996) e o Ateneo Atlántico quere sumarse aos actos de recoñecemento á actriz coa celebración dun ciclo de charlas co nome xenérico de “Lembrando a María Casares”.
Despois do seu exilio a Francia en 1936 (era filla de Casares Quiroga, presidente do goberno da República española con Manuel Azaña) trunfou como actriz de teatro e cine española nacionalizada francesa que triunfó como exiliada en este último país, donde residió desde su juventud desde 1936, a raíz del exilio de su padre, el político Santiago Casares Quiroga, que había sido ministro y jefe de Gobierno de la Segunda República Española bajo la presidencia de Manuel Azaña.

Nacionalizada francesa en 1975, é considerada francesa por los franceses e integrou, xunto a Edwige Feuillère e Madeleine Renaud o grupo de tráxicas máis notable da súa xeración en Francia.

O ciclo estará composto por tres actividades:

María Casares, a súa relación co republicanismo e co galeguismo.
Martes 25 de outubro ás 19.30 horas.
Biblioteca da EMAO.
Con Sabela Hermida e Miguel Anxo Fernán-Vello

Memoria viva de María Casares
Martes 15 de novembro ás 19.30 horas.
Biblioteca da EMAO
Con María Lopo
Coa proxección de diversos documentos audiovisuais.

 

María Casares, Actriz
Martes 22 de novembro, ás 19 horas
Biblioteca da EMAO
Con Carmen Becerra.

Proxección de Les dames du Bois de Boulogne.

Día das Bibliotecas 2022 [BIBLIOTECA]

 

Desde o ano 1997 cada 24 de outubro celébrase en varios países o Día Internacional das Bibliotecas. Unha data que busca resaltar a importancia que teñen estas entidades para a historia humana como resgardo da súa cultura, dos seus escritos, das súas crenzas. En España o Día da Biblioteca foi creado en 1997 pola Asociación Española de Amigos do Libro Infantil e Xuvenil co patrocinio do Ministerio de Cultura e Deporte en recordo da destrución da Biblioteca de Saraievo, incendiada en 1992 durante o conflito balcánico.

A edición deste ano, baixo o lema 'BiblioTEcuida', céntrase en destacar o papel das bibliotecas de diferente tipoloxía como espazos libres e abertos que, a través dos seus diversos servizos e recursos, preocúpanse por atender as necesidades dos seus usuarios e das comunidades ás que pertencen.

A ilustradora e autora de cómics Xulia Vicente (A Coruña, 1993) foi elixida este ano para deseñar o cartel conmemorativo.

Venres da EMAO 28-10-2022. Presentación do libro Serendos Obsolimos de Pepe Cáccamo [PINTURA]

 

O próximo venres, 28 de outubro, ás 19:00, celebrarase na EMAO o acto de presentación do libro de Pepe Cáccamo serendos obsolimos. Trátase dun experimento poético cuxas claves se revelarán o día da súa estrea pública. Cada exemplar –dunha tiraxe limitada a un total de 120- foi confeccionado a man polo narrador e poeta Antonio Piñeiro, un auténtico artista da edición, responsábel da xa dilatada e brillante existencia da editorial Bourel.

Participarán no acto, ademais do autor e o editor, os escritores Gonzalo Navaza –autor el mesmo de obra literaria de liña experimental- en función de presentador e os escritores Rexina Vega e Xavier Rodríguez Baixeras, que, na compaña de Pepe Cáccamo, lerán poemas de serendos obsolimos.

Fotos da Inauguración da Exposición de Miguel Vázquez [ESPAZO EMAO]

 

 

Fotos da montaxe da Exposición de Miguel Vázquez [ESPAZO EMAO]

Inauguración este venres 21 de outubro ás 19:00 no Espazo EMAO (Sala de exposicións da Escola Municipal de Artes e Oficios de Vigo. (Entrada polas rúas Pontevedra e Rosalía de Castro). 

Pódese visitar desde o 21 de outubra ata o 23 de decembro no seguinte horario: de luns a vernes, laborables de 19:00 a 21:00 horas .

Presentación do libro "A Sociedade de Amigos da Arte de Vigo. Unha década de actividade cultural (1931-1941)" de José Luis Mateo Álvarez [OUTRAS NOVAS]

 

Este xoves 20 de outubro ás 19:30 presentación na hemeroteca do libro "A Sociedade de Amigos da Arte de Vigo. Unha década de actividade cultural (1931-1941)" de José Luis Mateo Álvarez, editado polo Instituto de Estudios Vigueses.

Exposición do cerámista Miguel Vázquez no Espazo EMAO, 21 de outubro-23 de decembro [ESPAZO EMAO]

 

 

Este venres 21 de outubro ás 19:00, inauguración no Espazo EMAO da exposición "Os formatos aleatorios veñen dados polas sucesivas mutacións que sufriu o módulo" sobre a obra do ceramista contemporáneo Miguel Vázquez, ata hai uns días mestre de cerámica artística na nosa Escola.

Esperámosvos!!!

Catálogo (calidade alta)

Fotos da Conferencia de "La Canalla" [VENRES DA EMAO]

Visita de estudantes Erasmus [CAIM GAITA]

Onte, día 13 de outubro, tivemos o pracer de recibir no obradoiro a un grupo de 6 estudantes polacos, concretamente orixinarios de Byalistok, que se atopan de ERASMUS no noso país.

Acompañados por Xaime Estévez, e a pesares de non ter ningunha vinculación especial coa música, amosaronse moi interesados, e nalgúns casos sorprendidos, polos nosos instrumentos e música tradicional, incluso algúns deles atrevéronse a facer sonar o ORGANISTRUM que temos na escola, dende que no ano 1.984 fixeramos unha reproducción totalmente funcional.

A continuación tedes una pequena mostra gráfica da súa estadía con nós.

Conferencia "O Vigo que soñamos" por Patricia García [OUTRAS NOVAS]

Esta tarde ás 19:30 na nosa hemeroteca.

Despedida ao mestre Miguel Vázquez [OUTRAS NOVAS]

Onte foi un día cheo de emocións, o noso querido mestre de cerámica, Miguel Vázquez, remataba a súa última xornada laboral, atrás quedan 36 anos dedicados ao ensino da cerámica artística. O seu labor, a súa profesionalidade, a súa calidade humana están a dar froitos, son moitos os obradoiros e os cerámistas que traballan na nosa cidade ou na provincia que tiveron o seu primeiro contacto coa arxila na nosa Escola, aos que Miguel transmitiu a súa paixón pola cerámica e aí seguen, enganchados a esta actividade artesanal cuxo orixe se perde na noite dos tempos.

Foron moitos os alumnos e exalumnos desta especialidade que onte achegáronse á Escola para despedirse del, unha merecida homenaxe, ao mestre, ao artesán e ao artista que é.

As túas compañeiras e compañeiros de traballo desexámosche o mellor. A túa nova vida comeza agora. Estás no momento perfecto para facer todo aquilo que che apaixona. Feliz xubilación, Miguel!  Botarémosche de menos!

Grazas a todos e todas os que colaboraron para facer de onte un día inesquecible.

Aquí tedes algunhas fotos para o recordo...