xoves, 23 de decembro de 2021

Novas Adquisicións para a Biblioteca García Barbón/EMAO [BIBLIOTECA]


Estamos a recibir novos títulos que pronto estarán ao dispor dos nosos/as usuarios/as. Mentres a Biblioteca deséxavos a todos Felices Festas!!!

Vémonos á volta das vacacións.

mércores, 15 de decembro de 2021

Exit Through the gift shop: DEBUXO

Durante este curso académico o obradoiro de Debuxo vai presentar tres películas documentais cuxo late motiv é a arte urbana. Desde fai varios anos, e sobre todo ca aparición de Banksy como artista acaparador de portadas nos medios, tanto polo seu arte como pola súa enigmática personalidade, a arte urbana xa está presente no que poderíamos denominar "mercado", cando este nacera dun xeito puramente vandálico e subcultural.

Nos anos 90 o que anteriormente coñecíase como "graffiti" comenza a ter outras características para pasar a chamarse Street art. Figuras como Shepard Fairey, dan un xiro técnico, estético e conceptual as obras que utilizan o entorno urbano como soporte,  ca utilización de plantillas e carteis que queren sorprender aos peóns, pero tamén remover conciencias e provocar cambios na sociedade.

Obra de Farey da campaña OBAY

Presentación do libro "A Barcelonesa" de Xabier Paz [OUTRAS NOVAS]


 

Esta tarde na nosa hemeroteca o Ateneo Atlántico organiza a presentación do libro “A Barcelonesa”, de Xabier Paz, acompañado por Xulio Abalde e Nones Araújo.

xoves, 9 de decembro de 2021

Presentación do Libro "Memorias dun exgalego" por Josiño Araújo Pérez [OUTRAS NOVAS]


Hoxe xoves, 9 de decembro ás 19:30, presentación do libro "Memorias dun exgalego" de Josiño Araújo Pérez, na hemeroteca. Participarán ademais do autor , o poeta X.M. Cáccamo e Alberto Ardiz, ilustrador da cuberta do libro.

Entrevista a George Hurst [COIRO]

George Hurst traballando no seu obradoiro

Galician first, English below.

Hoxe temos a oportunidade coñecer algo máis sobre George Hurst, premio Al Stohlman Award do ano 1991.

-Canto tempo levas traballando o coiro? 
- 71 anos 

-Como empezaches no coiro?
- Comecei a facer marroquinería en 1950 como estudante de último ano na escola secundaria. Tiven que elixir dúas materias optativas para completar o meu horario de clases, así que agreguei mecanografía e artesanía en coiro. Tivemos un novo mestre que introduciu a marroquinería na escola e inspirou o meu amor de toda a vida polo oficio. -

sábado, 4 de decembro de 2021

Fotos da Conferencia "Os Tesouros da Penzol" [VENRES DA EMAO]




Este pasado venres tivemos a sorte de ter na nosa hemeroteca a Pilar Vilaboy Freire, bibliotecaria da Casa Galega da Cultura que nos falou dos Tesouros da Biblioteca Penzol, unha xoia pouco coñecida polos cidadáns de Vigo, que posúe unha das maiores e mellores coleccións bibliográficas que existen de folletos, libros, documentos, xornais e revistas, cartas e material manuscrito referente á lingua e á historia galega. 
Moitas grazas a Pilar polas súas interesantes explicacións e por colaborar con nos neste proxecto que son os Venres da EMAO.

luns, 29 de novembro de 2021

Charla con Viviana e Alejandro de El Taller Impresiones serigráficas [SERIGRAFÍA]

Viviana e Alejandro son dous apaixonados do oficio serigráfico e así o amosan día a día cos seus traballos no obradoiro El Taller Impresiones Serigráficas. Cabe destacar a súa enorme xenerosidade ao compartir con nós o seu saber facer na conferencia do pasado venres amosando procesos e traballos que demostran a experiencia de máis de 20 anos de profesión. 
No seu taller fan un servizo personalizado que permite imprimir produción sen mínimos axustándose ás necesidades do cliente e asesorando dende o deseño, a preimpresión a parte técnica (tintas, acabados, etc). As súas impresións destacan por ser manuais, baseadas na serigrafía tradicional e artesá.


 


 

 

 

 

 

 

 

 

 

Fotos da Conferencia "Serigrafiando no Taller" [VENRES DA EMAO]


mércores, 24 de novembro de 2021

Venres da EMAO: programación fin 2021 [OUTRAS NOVAS]


 

Gravado á punta seca con tetrabrik. Taller no Museo MARCO [SERIGRAFÍA]

A área de didáctica do MARCO afronta este trimestre consolidando e renovando a súa oferta de actividades, entre as que destaca unha nova proposta de obradoiros para adultos. A actividade proposta enlaza co que estamos a facer de gravado na aula. Fixemos punta seca sobre tetrabrik, estupenda técnica de grabado non tóxico que aproveita o material de refugallo.

 

Visita Guiada ao Órgano da Concatedral de Vigo [OUTRAS NOVAS]

 
Onte mestres e persoal da EMAO tivemos a sorte de visitar o órgano da Concatedral Santa María de Vigo, acompañados por Manuel Martínez Álvarez-Nava, director da Orquesta Clásica de Vigo, Manuel M. Torres, o director técnico e do restaurador do mesmo, Federico Acitores. Moitas grazas a todos polas súas explicacións.
Estas visitas forman parte do programa de actividades organizadas en torno ao primeiro Festival “8 Pés que comezou onte e concluirá o próximo día 27, que ten por obxectivo dar a coñecer este instrumento construído por Alberdi en 1909.



O restaurador Federico Acitores



Para todos os interesados mañá, xoves 25 de novembro ás 18:00 na nosa hemeroteca terá lugar  Mesa Redonda sobre “O órgano na igrexa: formación, liturxia e interpretación”: mesa redonda con Marisol Mendive, profesora, e Daniel Goberna, prefecto de música da Concatedral (modera: Daniel Sanmartín).

A historia do órgano como “instrumento musical” está inequivocamente ligada á historia da Igrexa e á función que este exerce ao interno da liturxia. Por este motivo, a práctica do instrumento e o uso que del teñen feito os compositores sempre se desenvolveu a cabalo entre a creatividade artística e a funcionalidade axeitada ao contexto sacro. Esta dualidade supón un reto para os estudantes do instrumento, que deben adecuarse ás novas necesidades e contextos do século XXI.

martes, 23 de novembro de 2021

Mesa redonda “O órgano na igrexa: formación, liturxia e interpretación” na Biblioteca da EMAO [OUTRAS]


O xoves 25 de novembro ás 18:00 na hemeroteca Mesa Redonda sobre “O órgano na igrexa: formación, liturxia e interpretación”: mesa redonda con Marisol Mendive, profesora, e Daniel Goberna, prefecto de música da Concatedral (modera: Daniel Sanmartín).

A historia do órgano como “instrumento musical” está inequivocamente ligada á historia da Igrexa e á función que este exerce ao interno da liturxia. Por este motivo, a práctica do instrumento e o uso que del teñen feito os compositores sempre se desenvolveu a cabalo entre a creatividade artística e a funcionalidade axeitada ao contexto sacro. Esta dualidade supón un reto para os estudantes do instrumento, que deben adecuarse ás novas necesidades e contextos do século XXI.

Reserva aqui a túa invitación

http://orquestaclasica.com/
 

luns, 22 de novembro de 2021

Presentación do libro Clase y Política en España I (1986-2008) de Modesto Gayo [OUTRAS NOVAS]

 

O mércores 24 de novembro, ás 19 horas, e na nosa biblioteca, o Ateneo Atlántico presenta o libro Clase y política en España I (1986-2008), de Modesto Gayo (editorial Siglo XXI España, 2021).

Viguísimo [SERIGRAFÍA]

O proxecto Viguísimo de María Lago consistiu na creación dunha marca comercial dedicada á producción de obxectos artesanais promocionais da cidade de Vigo.
A mostra exposta no Espazo EMAO é o resultado do traballo creativo de ilustración e deseño e a selección de orixinais para a súa adaptación á técnica serigráfica que permitirá a reprodución artesanal seriada das imáxes e estampados cos que se realizan os productos inspirados na  da cidade de Vigo.

 

venres, 19 de novembro de 2021

Exposición no ESPAZO EMAO: Mostra de Pintura de Santomé [OUTRAS NOVAS[

 


Conferencia "O Órgano da Concatedral de Vigo" na Biblioteca da EMAO [OUTRAS NOVAS]

 

 
 
Este martes, 23 de novembro ás 18:00 na hemeroteca: "O órgano da Concatedral de Vigo": conferencia de Acitores (restauradores) e mesa redonda sobre a súa historia con Manuel Martínez Álvarez-Nava, Pablo Abreu e Acitores (modera: Daniel Sanmartín)
 
O órgano foi construído polo organeiro de orixe vasca Lope Alberdi no ano 1909 e na actualidade é único órgano en funcionamento da cidade. Nel pódese interpretar boa parte do repertorio organístico romántico-sinfónico do século XIX e comezos do século XX, para o que constitúe, polas súas características sonoras e estado de conservación, un dos instrumentos máis axeitados de toda Galicia.