Xoves 27 de abril ás 19:30 no Salón de Actos, José Luis Mateo, membro do Instituto de Estudios Vigueses e historiador con acompañamento de Cándido Cabaleiro, pianista e profesor de música.
O historiador e investigador José Luis Mateo Álvarez, membro do Instituto de Estudios Vigueses fará un percorrido sobre a imaxe da cidade de Vigo a través das publicacións seriadas do século XIX. A obra pictórica, o debuxo e o gravado como soportes artísticos utilizados polos artistas e editores en publicacións españolas ou estranxeiras.
José Luis Mateo é licenciado en Xeografía e Historia da Arte pola Universidade de Santiago, Máster en edición pola Universidade de Vigo. Foi membro do Equipo Técnico redactor do “Inventario do Patrimonio Etnográfico de Vigo"
É autor de varios libros, o último foi publicado recentemente: A Sociedade de Amigos da Arte de Vigo. Unha década de actividade cultural (1931-1941) que se presentou nesta hemeroteca o ano pasado. Son habituais o seus artigos no Faro de Vigo, no Glaucopis, o Boletín do Instituto de Estudios Vigueses. Tamén colaborou coa Enciclopedia Galega Universal da editorial Ir Indo na elaboración e redacción de entradas de términos do área de arquitectura e arte.
Ademais de todo isto ha comisariado numerosas exposicións tales como: Vigo ten swing no 2014, Teatro Keyzán: 50 anos de creación escénica... no 2016, ou Vigo na Aurora do século XX. Um ollar inédito no 2018.
Na nosa Escola foi o comisario de tres importantes exposicións: Emilio Fernández Rodal. Retrato de Sociedade dun artista vigués (2013), Ángel Mareque e a creación do taller de ourivaría na Escola de Artes e Oficios de Vigo" (2014) e a máis recentemente "A Escola de Artes e Oficios. 130 anos na historia de Vigo... no 2019.
Agora está a piques de inaugurar unha nova exposición no Museo Municipal de Vigo “Quiñones de León” no vindeiro mes de xullo.
Presenta: Mª Jesús Cuesta. Bibliotecaria da EMAO
Data: 28 de abril de 2023
Hora: 19:00
Lugar: Biblioteca da Escola Municipal de Artes e Oficios de Vigo
Entrada libre ata completar aforo
O martes 25 de abril o Ateneo Atlántico rende homenaxe a Xosé Manuel Beiras. O acto terá lugar ás 19:30 horas na nosa biblioteca. A
asistencia será aberta previa solicitude por correo electrónico
(ateneo@ateneoatlantico.gal) e a correspondente confirmación por parte
da organización.
 |
| Mario López e Sandra de Jesús |
 |
| Praza de España, A Coruña |
Onte unha nutrida representación do persoal da Escola de Artes e Oficios fixo unha saída a cidade da Coruña na que visitamos a exposición Steven Meisel 1993 A Year in Photographs na Fundación MOP, que se centra principalmente no traballo do fotógrafo neoiorkino durante 1993, un ano verdadeiramente decisivo na súa carreira. Doce meses de intenso traballo onde destaca, sobre todo, a colaboración coa revista Vogue, na que chegou a asinar 28 portadas e máis de 100 editoriais.
Continuamos cun apaixonante percorrido pola exposición "Picasso branco no recordo azul" no Museo de Belas Artes da Coruña, da man do seu comisario Antón Castro. Unha exposición organizada conxuntamente polo Estado español e o Estado francés nos principais museos das cidades picassianas con motivo do cincuenta aniversario da morte de Pablo Picasso, o 8 de abril de 2023, e no marco da Celebración Picasso 1973-2023. Moitas grazas a Antón pola excelente visita guíada.
Pola tarde e para rematar a xornada visitamos o estudio do deseñador, artesán e artista, Arturo Álvarez, que nos recibiu marabillosamente. Arturo Álvarez nos seus primeiros anos explora e traballa con conceptos figurativos, baseados na natureza. Nun segundo período, avanza cara á abstracción explorando formas xeométricas simples. Na actualidade, está a desenvolver novas formas de expresión e linguaxe, coa luz como tema principal e o ser humano e as súas relacións como protagonista. O recoñecemento do seu traballo, ao longo dos seus vinte e cinco anos de carreira, chegou en forma de prestixiosos premios internacionais e numerosos premios como innovador no campo da luz.
Estas visitas inscríbense dentro do programa formativo e de relacións
interinstitucionais para o profesorado e persoal da Escola. Aquí tedes
algunhas fotos deste día tan extraordinario.
O Ateneo Atlántico presenta Unha historia da arte galega, editorial Laiovento, o novo libro dE Carlos L.Bernárdez. O acto terá lugar o mércores 19 de abril, ás 19.30 horas, na nosa biblioteca . O autor estará acompañado polo historiador José Luís Mateo.
“Desde as mámoas e os petróglifos até as tendencias estéticas das últimas décadas, o obxecto do libro é realizar un achegamento á imaxe artística galega, un anaco da tradición cultural europea producida nun país que posúe unha singularidade histórica marcada. Na arte galega foron proxectándose ao longo da historia as grandes correntes artísticas da Europa Occidental, con variábeis ritmos de incorporación e en sintonía con diferentes procesos históricos, e neles maniféstanse as peculiaridades, as diferenzas locais, as discontinuidades e os achados laterais a respecto dos períodos unificados da historia da arte. Alén diso, desde o século XIX, asistiremos ao intento de definir unha arte nacional, con diferentes denominacións segundo o momento histórico (rexionalismo, nacionalismo), nun contexto onde artistas e pensadores propiciarán coas súas reflexións unha lectura do pasado e presente artístico galego. (Texto do propio libro e da web da editorial Laiovento)
Carlos López Bernárdez (Vigo, 1958) é historiador da arte e desenvolve o seu labor como ensaísta de temas artísticos e literarios e comisario de exposicións.
O artista e ourive Mario López adicado a xoiaría artística destaca por ter unha obra persoal e particular. Nesta conferencia levaranos por unha restrospectiva da súa obra, para falarnos dos seus inicios, das súas creacións, das influencias na súa obra tales como o debuxo, a pintura, a reciclaxe e actualmente a cerámica, na que nos amosará o seu estilo propio e maneira de traballar.
 |
| Iria F. Mouriz |
Nesta segunda parte da exposión de Proxectos 2022 dende o obradoiro de Moda e Confección presentamos dous conxuntos baixo o título de Maruxa e Coralia. Un homenaxe a vida das “Marías” de Santiago de Compostela e inspirado no traxe tradicional galego.
Xoves, 13 de abril ás 19:30 tera lugar na hemeroteca a conferencia "José Gil, o iconauta de Vigo" a cargo do historiador e profesor Manolo González. Organiza o Instituto de Estudios Vigueses.
O venres 14 de abril ás 19:00 inaugúrase a 2ª parte da Exposición Proxectos 2022 que dada a cantidade de proxectos participantes tivo que realizarse en dúas partes. Esta segunda parte exhibirase entre os días 14 de abril e 26 de maio de 2023.
A orixe dos proxectos:
O novo Plan de Estudos da Escola Municipal de Artes e Oficios de Vigo (EMAO), aprobado polo Concello no ano 2015, implantou o nivel educativo Avanzado, co que se rematan os estudos de cada especialidade. Ese nivel que pecha o currículum académico das persoas matriculadas, está destinado a completar a formación técnica e artística do alumnado coa redacción, selección e posterior desenvolvemento dun proxecto titorizado polo/a mestre/a. Este proxecto pode orientarse cara á investigación, á produción, á creación ou á ampliación de coñecementos.
A exposición que agora presentamos recolle o producto final dos proxectos individuais do alumnado deste nivel seleccionados no curso 2021-22; en concreto, das especialidades de:
FICHA DA EXPOSICIÓN
Nome: Proxectos 2022 [Proxectos de fin de estudos do alumnado do curso 2021-22 -parte 2]
Lugar: Espazo EMAO (Sala de exposicións da Escola Municipal de Artes e Oficios de Vigo. (Entrada polas rúas Pontevedra e Rosalía de Castro)
Datas: do 14 de abril ao 26 de maio de 2023
Horario: De luns a venres, laborables de 19:00 a 21:00 horas
Comisariado: Alba Pardo Cartelle, mestra de Serigrafía artística e Pepe Pereira Somoza, mestre de Artesanía do coiro coa colaboración do profesorado de Debuxo, Pintura, Talla e escultura en madeira, Ourivería, CAIM zanfona e Moda e confección.
Cartaz: Federico Fernández Alonso
Produción e montaxe: Escola Municipal de Artes e Oficios de Vigo, 2023
Axudante de montaxe: Eduardo Sánchez Arteaga
A semana pasada o alumnado da especialidade de Serigrafía Artística visitamos a nave do Taller Impresiones Serigráficas e ao Museo do Gravado de Ribeira da man do seu director Xoán Pastor que nos fixo un percorrido moi ameno e didáctico polas exposicións e a biblioteca. Graciñas Xoán!. Comezaremos este breve resumo do que foi a visita coa expo dos Gravados ao linóleo de Picasso e o texto introductorio de Carlos L. Bernárdez:
No contexto español, o primeiro lugar onde se desenvolve este tipo de estampación é no noso país, en Galicia. A orixe deste fenómeno está na viaxe de formación de Castelao a Francia, Bélxica e Alemaña en 1921. Xa na solicitude que presenta á “Junta de Ampliación de Estudios” o rianxeiro subliñaba o desexo de estudar diferentes técnicas de gravado como a augaforte ou a litografía. En París ve gravado clásico e estampas xaponesas e compra material para gravar e en Múnic aprende a técnica da lineografía.
De volta a Pontevedra, Castelao vai ensinar a técnica a artistas da súa cidade e o novo tipo de gravado vai ter axiña unha importante presenza en diversas publicacións. O rápido espallamento da técnica é unha historia ben coñecida, contada por Xosé Filgueira Valverde que foi testemuña deste fenómeno. Castelao e o seu amigo o pintor Carlos Sobrino desenvolven e melloran o traballo no novo medio, técnica que tamén é aprendida por un núcleo de artistas locais: Pintos Fonseca; Manuel Méndez; Xosé Sesto; Ventura de Dios, Turiñas… Rapidamente a técnica é tamén utilizada por artistas do movemento renovador da arte galega como Manuel Torres en Pontevedra, Candido Fernández Mazas e Xaime Prada en Ourense, Luís Huici e Francisco Miguel na Coruña ou Ánxel Johán en Lugo.
