9-10-2026. Venres da EMAO presenta "Urban Sketchers" [DEBUXO]

O periodista e debuxante Gabriel Campanario crea na rede, aló polo ano 2007, o colectivo Urban Sketchers. Esto aconteceu na cidade de Seatle, pero extendeuse por todas as cidades do mundo en pouco tempo. Xente reunida nas rúas co único fin de debuxar a contorna, pasar un bo rato e compartir en redes sociais os seus debuxos.

O colectivo Uskriasbaixas creouse no ano 2018 e foise diversificando en Uskvalmiñor, Uskpontevedra e Uskcangas. Finalmente pasou a ser Uskvigo no ano 2022. Desde esa data, o número de persoas tan diversas que se van unindo ás quedadas Uskvigo vai crecendo día a día.

Agora invitamos a este colectivo tan vencellado á EMAO a contar as súas experiencias como debuxantes, así como os seus proxectos futuros.

Presentado por: Federico Fernández, mestre de Debuxo artístico da EMAO
Data: 9 de outubro de 2026
Hora: 19.00h
Lugar: Biblioteca da Escola Municipal de Artes e Oficios de Vigo

Entrada libre ata completar aforo.

Giovanni B. Piranesi: catálogo completo de grabados [BIBLIOGRAFÍA]

 

Hai uns días que podedes ver na vitrina da sala de lectura o libro sobre a obra de Piranesi, aquí tedes unha breve reseña.

Giovanni Battista Piranesi : catalogo completo delle acqueforti = catálogo completo de grabados = catálogo completo das águas-fortes / [textos de] Luigi Ficacci.-- Köln : Taschen, cop. 2011

Giovanni Battista Piranesi (1720-1778) foi un arqueólogo, arquitecto, investigador e excelente gravador italiano. Destacou realizando, entre outras moitas cousas, miles de gravados de edificios reais e imaxinarios. Formouse como arquitecto, na década de 1740 trasladouse a Roma. Na Cidade Eterna inició a súa carreira como gravador, colaborando na edición das primeiras guías ilustradas de Roma.

Piranesi foi un artista que realizou toda a súa produción en debuxo e gravado. Todos os seus gravados fíxoos coa técnica chamada gravado á augaforte. Nalgunhas das súas estampas atopamos outras técnicas complementarias ao gravado á augaforte que tiñan a función de enriquecer a imaxe con valores tonais de grises, técnicas como o gravado á punta seca, que achegaba á imaxe negros aveludado. Tamén o gravado ao buril, co que intensificou as liñas dos primeiros planos ou o gravado lavado, onde se aplica directamente o mordente sobre o ferro para crear grises moi sutís.

A excepcional destreza de Piranesi coa técnica da augaforte atopou o seu medio de expresión nunha serie de publicacións centradas, maioritariamente, na Roma antiga.

Exposición de debuxos da hemeroteca na vitrina de acceso á biblioteca [DEBUXO]

Este días podedes ver unha pequena mostra de debuxos da biblioteca na vitrina de corredor da pranta baixa, Como explica o mestre Federico Fernández, estes debuxos son exercicios do alumnado desta especialidade. O tema tratado foi a perspectiva oblicua. Debuxados do natural, in situ co lapis, e rematados do estilógrafo na aula. Son debuxos do inicio do segundo trimestre realizados polo grupo de básico. Parabéns!!!

 

Fotos da conferencia "Outras técnicas... o azar ou a reformulación do Action Painting. 2007-2012" de Juan Carlos Román [VENRES EMAO]

6-3-2026. Venres da EMAO presenta "Outras técnicas... o azar ou a reformulación do Action Painting. 2007-2012" [DEBUXO]

Nesta conferencia, Juan Carlos Román, artista e profesor da Facultade de Belas Artes de Pontevedra, mostrará outras técnicas e materiais para facer arte da man dunha xeración de artistas norteamericanos que tiveron relevancia internacional a finais da década de dous mil e principios do dous mil dez.


Presentado por Federico Fernández (mestre de Debuxo artístico da EMAO)
Data: 6 de marzo de 2026
Hora: 19.00h
Lugar: Biblioteca da Escola Municipal de Artes e Oficios de Vigo

Entrada libre ata completar aforo.

ROSA REY. Proxecto Debuxo

O proxecto quere ilustrar a infancia da autora a través de debuxos dos lugares onde pasou a infancia na casa dos seus avós. Dese xeito reivindica tanto o lugar dourado da súa vida, como os lugares onde os viviu, como unha guía de viaxe de vida, nuns momentos concretos da súa infancia en paralelo a lugares fermosos dese lugar de Galiza, unha igrexa románica, unha ferbenza, unha ponte romana.

LIBRETA

Fotos da conferencia de Julio Barrera [VENRES EMAO]

24-10-2025. Venres da EMAO presenta a Julio Barrera [DEBUXO]

 

Julio Barreira é avogado de formación. A súa vocación artística chegou tarde, influída polo regreso a Galicia, a terra natal, e o redescubrimento da marabillosa contorna, despois de residir en Madrid durante moitos anos. Os inicios no debuxo son de xeito autodidacta co lapis e o pastel, pero no seu paso pola EMAO na especialidade de Debuxo descobre a acuarela, formándose paralelamente en técnicas pictóricas no estudio de Ana Soler. Estas formacións danlle pulo para dedicarse profesionalmente á actividade artística. Julio, como antigo alumno, vén á EMAO a contar a súa experiencia e os seus proxectos futuros.

Presentado por Federico Fernández (mestre de Debuxo artístico da EMAO)
Data: 24 de outubro de 2025
Hora: 19.00h
Lugar: Biblioteca da Escola Municipal de Artes e Oficios de Vigo

Entrada libre ata completar aforo.

Fotos da inauguración da exposición Homenaxe a Aurora Murias [Exposicións EMAO]

Exposición-Homenaxe a Aurora Murias [EXPOSICIÓNS EMAO]

Este martes, 21 de outubro ás 19.00 horas tera lugar a inauguración da exposición Homenaxe a Aurora Murias, situada nas escaleiras da entrada de García Barbón 5 e nas vitrinas do corredor de acceso á biblioteca, poderase visitar ata o martes 11 de novembro. 

 

Aurora Murias (1960-2025) foi alumna da EMAO nas especialidades de Cerámica, Debuxo e actualmente cursaba Pintura cando faleceu de xeito repentino no mes de abril. Estivo tamén neste último ano vinculada ao grupo dos Urban Sketchers de Vigo, asistindo a algunhas das convocatorias propostas ás que se suma alumnado e antigo alumnado da EMAO, polo que Aurora era moi coñecida e recoñecida. 

 

Aurora foi mestra de ioga e de infantil, sendo a primeira mestra en Galicia de atención pedagóxica domiciliaria. Elaborou un proxecto pioneiro para nenos e nenas con déficit de atención onde puxo en práctica a base do ioga para tratar estes casos: Como atallar os problemas de comportamento cunha metodoloxía baseada no control das emocións, 1999-2000. Aurora segue formándose no eido da arteterapia, o debuxo primal e a cerámica. No ano 2005 sofre unha enfermidade cerebral grave que a obriga a xubilarse tomando a decisión de poñer en práctica con ela mesma o que sabía funcionaba co seu alumnado. Ese tesón e vontade de non afastarse e estar presente fíxoa unha persoa moi activa. Nas artes plásticas atopou unha motivación. 

 

Aurora foi unha persoa moi querida e deixou unha pegada en todos aqueles que a coñeceron, por iso desde este pequeno refuxio cultural que é a EMAO, a súa casa en tres especialidades, queremos facerlle unha pequena homenaxe con esta exposición que abrangue pinturas, debuxos e algunha peza cerámica. 

 

Adeus Aurora. Botámoste en falta.

Texto de Federico Fernández
(Mestre de Debuxo na EMAO)

20-6-2025. Inauguración da exposición "Castelao na EMAO" [ESPAZO EMAO]

A inauguración da Exposición "Castelao na EMAO", comisariada polo profesorado das especialidades de Serigrafía artística e Talla e escultura en madeira da Escola municipal de Artes e Oficios (EMAO), terá lugar o venres, día 20 de xuño, ás 19,00h, no Espazo EMAO.

Dentro da programación anual da EMAO prevese, ao remate de cada curso académico, a produción dunha exposición cos resultados dun proxecto que, partindo dunha idea xeradora única, dea lugar a interpretación, despregue do traballo e saber facer dos distintos talleres.

Neste ano 2025, a escola e as súas especialidades renderán homenaxe, no Ano dedicado a Alfonso Daniel Rodríguez Castelao polo 75 cabodano do seu pasamento, ao polifacético persoeiro da cultura e da política, figura clave na historia recente do noso país, e considerado un dos fundadores da Galicia contemporánea.

A EMAO súmase así á multitude de actos e homenaxes que, por toda Galicia, se están a desenvolver neste ano, salientando a obra do pintor, debuxante, humorista, escritor, pensador e político. O alumnado e mestres das diferentes especialidades da Escola presentan a súa particular visión deste personaxe universal. En paralelo á exposición, nas vitrinas do corredor da Biblioteca da EMAO pódense contemplar unha selección bibliográfica de títulos relacionados coa vida e a obra de Castelao, pertencentes aos fondos da Biblioteca da Escola.

Esta exposición estará aberta entre os días 20 de xuño e o 17 de outubro de 2025 (pechada o mes de agosto). 

FICHA DA EXPOSICIÓN

Nome: "Castelao na EMAO"

Lugar: Espazo EMAO (Sala de exposicións da Escola Municipal de Artes e Oficios de Vigo). Entrada polas rúas Pontevedra e Rosalía de Castro.

Datas: do 20 de xuño ao 17 de outubro de 2025 (agosto pechado)

Horario:
- Do 20 de xuño ao 30 de xuño: de luns a venres, laborables, de 19:00h a 21:00h
- Do 1 de xullo ao 12 de setembro (agosto pechado): de luns a venres, laborables, de 10:30h a 13:30h
- Do 15 de setembro ao 17 de outubro: de luns a venres, laborables, de 19:00h a 21:00h

Comisariado: Alba Pardo, mestra de Serigrafía artística e Rosa García, mestra de Talla e escultura en madeira, coa colaboración do profesorado de Debuxo, Pintura, CAIM Gaita, Moda e confección, Ourivería, Artesanía en coiro, Deseño e encaixe de palillos e CAIM Zanfona.
Cartaz: Federico Fernández Alonso
Produción e montaxe: Escola Municipal de Artes e Oficios de Vigo, 2025
Axudante de montaxe: Eduardo Sánchez Arteaga