Fotos da conferencia de Julio Barrera [VENRES EMAO]

Fotos da presentación do libro "La ambición de las sombras " una historia de Danny del Toro ilustrada por Raúl Maya [VENRES EMAO]

 

25-4-2025. Venres da EMAO presenta "La ambición de las sombras " una historia de Danny del Toro ilustrada por Raúl Maya [DEBUXO]

 

"La ambición de las sombras". Unha historia de Danny del Toro ilustrada por Raúl Maya

Neste venres presentamos o libro "La ambición de las sombras". O seu autor, Danny del Toro, é un home polifacético, músico harmonicista, actor e escritor. Visitaranos acompañado dun coñecido da EMAO, Raúl Maya. Este exalumno de Debuxo actualmente traballa como ilustrador. "La ambición de las sombras" é o seu segundo libro ilustrado.

Presentado por Federico Fernández (mestre de Debuxo artístico da EMAO)
Data: 25 de abril de 2025
Hora: 19.00h
Lugar: Biblioteca da Escola Municipal de Artes e Oficios de Vigo

Entrada libre ata completar aforo.

Monotipia con Ramón Trigo [DEBUXO]

Ramón Trigo é un artista multidisciplinar, pintor, ilustrador, escultor..., que é ben coñecido na nosa Escola. Foi invitado en varias ocasións a presentar os seus traballos literarios que realiza en colaboración co seu irmán Xosé. Na última desas visitas presentou CASA QUEIMADA, un proxecto ben bonito que narra a historia en forma de BD dunha traxedia na que o lume destrúe unha casa familiar, e a súa rexeneración posterior nun espazo artístico. Cando os irmáns Trigo viñeron a presentar o libro, Ramón trouxo orixináis daqueles debuxos. Estaban realizados ca técnica de estampación da monotipia.

Eu son un enamorado deste tipo de técnicas indirectas, xa que o resultado, ainda que sexa un desastre sempre te sorprende. 

Fotos da presentación de Raúl Maya: soños e ensoñacións dun debuxante noctámbulo [VENRES EMAO]

                              

Venres da EMAO 16-2-2024. Presenta a Raúl Maya: soños e ensoñacións dun debuxante noctámbulo. [DEBUXO]

A EMAO acolle desta vez a un debuxante formado aquí, na nosa Escola, Raúl Maya.

Defínese como debuxante de bar, curtido en salas de concertos baixo barras con pouca luz, onde os noctámbulos contan as súas historias quizais con algunha copa de máis. Raúl é un escoitador de historias, historias que logo debuxa e fai súas. Eses ambientes nocturnos, hábitat de músicos, de poetas urbanos, de heroes da cultura subterfuxia son o seu combustible, a súa inspiración e boa parte da súa temática.

Contaremos ademais cun gran agasallo en forma sonora Felix Slim, músico co que Raúl colabora.

Presentado por Federico Fernández (mestre de Debuxo da EMAO)
Data: 16 de febreiro de 2024
Hora: 19.00h
Lugar: Biblioteca da Escola Municipal de Artes e Oficios de Vigo

Entrada libre ata completar aforo

RAÚL MAYA [DEBUXO]

 

O BARRIO

A mediados dos anos 80 os barrios de Vigo eran Heavy Metal. Teis, un territorio hostil case de película navegaba a década sorteando o paro motivado pola reconversión naval, e a droga, que facía estragos entre unha xuventude que miraba cara o futuro cun pesimismo case intrínseco. Os veciños realizaban patrullas nocturnas para botar aos yonkis, fillos doutros veciños, que eles mesmos viran crecer. A tasa de suicidios era alta, a de alcohlismo tamén; é de todos coñecido que algúns homes pegaban ás súas mulleres, pero mirábase cara a outro lado pensando na "mala sorte que tivo a pobre" . Ese era o contexto no que Raúl Maya e eu medramos, penso que felices pero acostumados a esas cousas habituais do barrio. Os rapaces fixemos pandilla desde moi novos e nos refuxiamos nos amigos crecendo na rúa e xogando nos descampados. Raúl e mais eu   coñecemonos deses grupos. Raúl sempre destacou por ser un debuxante precoz ao que eu admirei, xa que é un ano maior ca min e cando es pequeno iso é moito. Sempre admiras e imitas aos maiores....quen sabe, igual me dediquei ao debuxo porque admiraba a aquel rapaz do barrio que debuxaba. Logo chegada a adolescencia e a xuventude cada un tomou camiños distintos e o barrio quedou atrás.

Fotos da Presentación da Presentación de AGPI e a Conferencia de Tomás Hijo [VENRES EMAO]

Descargar guía

Tomás Hijo, Alba Pardo, Federico Fernández e Laura Romero

Sergio Covelo, Laura Romero, Alba Pardo e Federico Fernández

Os dragóns de Tomás Hijo aterrarán mañá na escola! [DEBUXO,SERIGRAFÍA]

Mañá co galo do XX Encontro Galego de Ilustración que celebra anualmente a Asociación Galega de Profesionais da Ilustración (AGPI ) Teremos a enorme sorte de contar coa presenza de Tomás Hijo que falará da súa traxectoria profesional e proceso de traballo. 

Tomás é ilustrador de máis de setenta libros (dos cales escribiu algúns) en editoriais de España, Reino Unido, Estados Unidos, Irán e China. 

Co-creador do Tarot do Toro (en colaboración con Guillermo del Toro) e de Labyrinth Tarot, con licenza e supervisión de The Jim Henson Company (ambos os publicados por Insight Editions e Titan Books). Prop designer para Nightmare Alley (dirixida por Guillermo del Toro), storyboard artist para Concursante (dirixida por Rodrigo Cortés), ilustrador para Cuarto Milenio (dirixido by Iker Jiménez) e pórteslles du temps (dirección de arte de John Howe). 

 

Creador de merchandising para Stranger Things (Netflix). Profesor de Ilustración e deseño na Universidade de Salamanca (España). 2010-2022. 

 

Expón regularmente en galerías europeas e de Estados Unidos. Gañador do Tolkien Society Best Artwork Award in 2015. 

Logo para o podcast «Aquí hai dragones», de Podium Podcast. Gravado en linóleo. Proceso: Bosquexo, plancha de linóleo, gravado e logo editado. Ademáis de facer o logo participou no programa número 66 AHD- "De pseudónimos, gubias e pobriños" minuto 35:25 onde fala do proceso da técnica do linogravado, sí, ollo, entre Rodrigo Cortés e él falan de procesos de técnicas de grabado pola radio!

 Na súa interesante páxina web obviamente podedes ver os seus traballos pero o marabilloso é que tamén nos achega aos procesos, por exemplo, neste vídeo onde amosa o proceso de realización da ilustración e deseño de cubertas, gardas e capitulares para ‘A Raíña Negra’, novela de Chairos Campos publicada por SM:

 Preguntas frecuentes que atopamos na súa web e respostas:

 ¿Cómo fas os teus gravados?

O proceso empeza cun bosquexo en papel. Despois de redibujalo e refinalo varias veces, transfíroo a unha plancha de linóleo. Traballo esa plancha coas gubias Pfeil moi precisas e despois estámpoas sobre papel de calidade museística cun tórculo que aplica unha tonelada de presión (máis ou menos). É un proceso á vella usanza. Duro, perfecto e laborioso.

 ¿Cómo iluminas a man os teus gravados?

Cando se indica, un gravado pode estar total ou parcialmente coloreado a man con acuarelas Daniel Smith de máxima calidade. É posible encargar gravados coloreados a man mesmo nos casos nos que a opción non aparece apuntada na tenda.

 

 Incluso aporta consellos sobre a utilización dos ex libris:

Recomendamos tintas de scrapbooking como Versafine. Cobre o ex libris completamente de tinta dando lixeiros toques e fregando o tampón pola superficie. Apreta o ex libris firmemente contra o papel. É máis fácil estampar sobre papeis con pouca textura (ou sen textura algunha). Non fai falta limpar o ex libris entre usos. De feito, non fai falta limpalo nunca. Se excepcionalmente satúrase de tinta seca (non creo que poida pasar) ou queres cambiar de cor, frégao cunha toalliña húmida. Non poñas o ex libris baixo a billa nin o mergulles, pois o mango podería deformarse.

 

 

Paréceme interesantísima e moi didáctica a charla que deu para as xornadas online das escolas de arte de Castela e León: 

 

E aquí unha entrevista sobre o proceso creativo para Radio El Respeto:

“Tomás Hijo é, na miña opinión, un dos grandes gravadores modernos. A súa obra é vital, moderna, pero inscrita nunha gran tradición”.

Guillermo del Toro

Esperámosvos mañá na hemeroteca da escola! 

Saúdos, papel e tinta!

 

http://tomashijoart.bigcartel.com/

https://tomashijo.carbonmade.com/

https://www.instagram.com/tomashijo

https://twitter.com/tomashijo

Venres da EMAO 20-10-2023. AGPI & Tomás Hijo [SERIGRAFÍA ARTÍSTICA / DEBUXO ARTÍSTICO]

 

A EMAO acolle parte das actividades do XX Encontro Galego de Ilustración que celebra anualmente a Asociación Galega de Profesionais da Ilustración (AGPI). Nesta xornada, a asociación, representada pola súa presidenta, Laura Romero, falará da súa traxectoria no seu vinte aniversario e traerá á Escola a Tomás Hijo, ilustrador recoñecido como gravador en relevo, que nos presentará baixo o paraugas do "Aquí hay dragones" a súa obra, traxectoria profesional e proceso de traballo.

Presentado por Alba Pardo e Federico Fernández (mestres de Serigrafía artística e Debuxo artístico da EMAO, respectivamente)
Data: 20 de outubro de 2023
Hora: desde as 16,30h
Lugar: Biblioteca da Escola Municipal de Artes e Oficios de Vigo


Entrada libre ata completar aforo

Presentación da Novela Gráfica "Casa Queimada" de Xosé e Ramón Trigo [DEBUXO]

 Mércores 28 de xuño ás 19:00 na hemeroteca

A novela gráfica "Casa Queimada", percorre o camiño da construción, o incendio e a recuperación da Casa Queimada e a súa contorna, a través das ilustracións e os textos.

Máis información

Fotos da Conferencia de Andrés Magán [VENRES DA EMAO]

Federico Fernández e Andrés Magán

            

         

Andrés Magán [DEBUXO]

 Alá polo ano 2011, apareceu como quen non quere a cousa unha xente nova que viña  renovar con aire fresco o panorama artístico/gráfico vigués. Chegaron ao Halcón Milenario, aquel espazo que tantas alegrías e tristezas nos deu e que tanto botamos de menos, para expoñer un fanzine moi tolo e divertido, cunha estética moi bizarra que encaixaba perfectamente na nosa maneira particular de entender o arte e a vida. O fanzine chamábase Firecream e entre aquela rapazada de artistas atopábase Andrés Magán xunto con Roberta Vázquez, Santy Zubizarreta, Begoña García-Alén, Santiago Paredes... e máis.

Debuxo na parede para a expo Firecream

Venres da EMAO 12-5-2023. Conferencia do Ilustrador Andrés Magán [DEBUXO]

 

Andrés Magán acompañaranos neste Venres da EMAO para falar do seu traballo de Banda Deseñada, cartelismo, debuxos e ilustración. Este autor vigués, compaxina a ilustración coa música para centrarse posteriormente na pintura, a serigrafía e o cómic, traballando neste caso co selo Fosfatina ou en réxime de autoedición. 

Confundó o selo Noche Líquida. Os seus traballos pictóricos e de historieta puidéronse ver en cidades como Vigo, Madrid, Barcelona, Nova York ou Portland. 

Magán ten unha linguaxe visual moi persoal e atractiva que nos traslada co seu traballo aos inicios da BD europea, americana e o manga xaponés. 

Presenta: Federico Fernández. Mestre de Debuxo Artístico

Data: 12 de maio 2023

Hora: 19:00

Lugar: Biblioteca da Escola Municipal de Artes e Oficios 

Entrada libre ata completar aforo.

 

Fotos da Conferencia de Eduardo Baamonde [VENRES EMAO]

Eduardo Baamonde e Federico Fernández

"Eduardo Baamonde o A Arte de Retratar na Vida nas Rúas Galegas" no Venres da EMAO [DEBUXO]

FdV. 10-2-2023

Interesantísimo artigo sobre o mestre, debuxante, ilustrador e pintor, Eduardo Baamonde, que hoxe presenta o seu proxecto editorial no Venres da EMAO. 

Presentado por Federico Fernández (mestre de Debuxo artístico da EMAO)
Data: 10 de febreiro de 2023

Hora: 19:00
Lugar: Biblioteca da Escola Municipal de Artes e Oficios de Vigo

Non volo perdades!!! 

 

Venres da EMAO 10-2-2023. Eduardo Baamonde [DEBUXO]

 

Almacén de Fábulas é o proxecto editorial de Eduardo Baamonde. Este mestre, debuxante, ilustrador e pintor, embarcouse nesta aventura co fin de dar a coñecer o seu traballo como debuxante urbano, onde retrata con moito gusto e oficio cidades e vilas galegas.

Presentado por Federico Fernández (mestre de Debuxo artístico da EMAO)
Data: 10 de febreiro de 2023

Hora: 19:00
Lugar: Biblioteca da Escola Municipal de Artes e Oficios de Vigo