Máis Títulos para o Fondo Moderno [BIBLIOTECA]

Recibimos a primeira entrega do novo pedido de libros para o fondo moderno da biblioteca, especializado en arte e oficios artísticos e tradicionais.Tras pasar por un proceso técnico pronto estarán a disposición dos nosos usuarios.

XIV Premio Internacional Compostela para Álbumes Ilustrados [OUTRAS NOVAS]

Convocatoria do XIV Premio Compostela

O Departamento de Educación do Concello de Santiago de Compostela e KALANDRAKA convocan o XIV Premio Internacional COMPOSTELA para Álbums Ilustrados, cunha dotación de 9000 € e a publicación da obra distinguida nas cinco linguas oficiais da Península Ibérica. 

O prazo de presentación dos traballos rematará o 14 de maio de 2021 e o fallo do xurado anunciarase durante a última quincena de xuño.

Cómpre presentar: cinco copias do texto, tres ilustracións orixinais e cinco fotocopias en cor de cada unha, e unha maqueta acabada do proxecto.

Máis información: Bases de participación

68. ¿QUEN TEN MEDO O NEGRO? PIERRE SOULAGES. CAP:10 [PINTURA]

Pierre Soulages, nado en Rodez (Aveyron) o 24 de decembro de 1919) é un pintor, gravador e escultor francés, representante do taquismo.

É coñecido como "o pintor do negro" debido ao seu interese por ista cor.

"O negro é unha cor e unha non cor. Cando a luz se reflicte en negro, transfórmaa e transmútaa. Abre un campo mental de seu ".

Pierre Soulages.

67. ¿Quen ten medo ao preto? Leopoldo Novoa. Cap.9 [PINTURA]

Leopoldo Nóvoa (Salcedo, Pontevedra, 1919 – París, 2012) é un dos grandes referentes da arte abstracta tanto dentro coma fóra de Galicia na segunda metade do século XX.

Bibliografía para Encaixe de Palillos [BIBLIOTECA]

Almofada de Urania Mella Serrano, alumna entre os anos 1909-1922*

 

Encaixe de palillos é unha das especialidades que actualmente se imparten na nosa Escola que ten máis soleira, incluíuse por primeira vez no plan de estudos alá polo ano 1915 dentro dos "ensinos especiais da muller" entón co nome de Encaixes de Camariñas. A súa primeira profesora foi Dolores Vicetto,  pouco tempo despois en 1916 e debido ao gran número de alumnas, foi nomeada profesora auxiliar desta especialidade Alianza Mella Serrano que impartiu clase de maneira voluntaria e sen remuneración ata 1923, ás alumnas de primeiro curso. Nos inicios da Guerra Civil Española foi sometida xunto con outros mestres a un proceso de depuración política e separada definitivamente do servizo en 1937.

O nome da especialidad cambiou cos sucesivos planes de estudos, quedando inluida na denominación máis xeral de Bordados e labores ou Encaixes e labores. A profesora Vicetto foi a titular da especialidade ata comezos dos anos 40. En 1942 fíxose cargo da clase de Bordados e labores Ramona López de Neira que desde 1936 exercía de profesora auxiliar de Corte e confección de vestidos. Despois da súa xubilación no ano 1960 continuó esta tarefa Mª de la Consolación Estevez Alonso, nomeada titular da clase de Encaixes, labores e confección de lenzaría.

Desde finais dos 80 ata 1995, impartiu clase xa entón co nome de Encaixe de palillos Mª Ángeles Rodríguez Carreras, labor continuado por Amalia Durán Solano ata o ano 2006 en que se fixo cargo da especialidade a nosa actual profesora de encaixe, Marian Núñez Rodríguez. 

No Plan de Estudos 2015 (PEMAO15) pasou a denominarse Deseño e Encaixe de Palillos para adecuar o nome da especialidade ao programa de encaixe contemporáneo que se estaba desenvolvendo.

Podemos concluír que a pesar das diferentes denominacións segundo os sucesivos plans de estudo, a especialidade de Encaixe de palillos leva impartíndose na Escola de Artes e Oficios 106 anos. 

Para todas aquelas persoas interesadas nesta artesanía cuxo orixe pérdese na noite dos tempos, presentamos unha relación de títulos que se poden atopar no fondo moderno da nosa biblioteca, especializada en artes e oficios artísticos e tradicionais.

 

*Foto da exposición A Escola de Artes e Oficios, 130 anos na  historia de Vigo. Parte I: 1886-1976

 

S.O.S Arte/Cultura. Axudas á Creación 2021 [OUTRAS NOVAS]

 

VEGAP (Visual Entidad de Gestión de Artistas Plásticos) dentro da súa campaña S.O.S ARTE/CULTURA puxo en marcha un ano máis a convocatoria para outorgar 100 axudas á creación de 2.500€ cada unha. 

Estas axudas á creación diríxense á totalidade do sector das artes visuais: artes plásticas, fotografía, ilustración, deseño gráfico ou videocreación. 

Poden concorrer a solicitalas calquera creador visual residente en España, sexa ou non sexa socio de VEGAP. 

A convocatoria iniciarase o 1 marzo ás 15:00 horas e finalizará o 31 de marzo ás 12:00 horas do mediodía. 

O xurado comunicará o fallo o 31 de maio e, de maneira inmediata, procederase a facer o abono da axuda aos adxudicatarios. 

Trátase dunhas axudas cun forte compoñente asistencial e de apoio á creación visual nun contexto difícil. Quen reciba a axuda haberán de realizar unha obra da cal achegarán a imaxe, sexa esta fixa ou en movemento, para a súa difusión a través das redes sociais. 

Consulta as bases na páxina web http://becassosartecultura.vegap.es/

VII Concurso de Fotografía Museo Liste-Etnográfico de Vigo 2021 [OUTRAS NOVAS]

VIII convocatoria do Concurso de Fotografía convocado polo Museo Liste de Vigo co gallo da celebración do Día Internacional dos Museos. O concurso pretende fomentar o coñecemento e a creatividade a través da práctica da fotografía co fin de destacar variados aspectos históricos, artísticos, etnográficos e antropolóxicos.

Podedes consultar as Bases da convocatoria

Unha selección [DEBUXO]

Xa estamos en marzo. A Primavera está preto. Os días serán máis longos e o inverno deixará o relevo á nova estación que tanto desexamos. Remata un inverno duro, tanto pola climatoloxía como polas circunstancias que todos coñecemos. Tivemos un peche da presencialidade no mes de febreiro pero iso non impediu que nos obradoiros da EMAO seguíramos coa actividade. Quero agradecer a todo o alumnado o compromiso posto. Foi unha alegría recibir os vosos debuxos realizados na casa nese período. Uns rematastes tarefas que quedaran pendentes, outros avanzastes nas novas tarefas e os menos non participastes por cuestións de traballo ou de saúde. Intentamos seguir o itinerario fixado, e así seguimos..agora xa debuxando na rúa.  Estou moi contento co traballo de todas e todos por eso hoxe quero deixar constancia dalgunha destas propostas materializadas nos debuxos que considero que están de nota; eso non quere dicir que non haxa outros traballos moi bos tralos que hai moito esforzo por parte do alumnado. Esta non deixa de ser unha selección subxectiva pero que reflexa moi ben o espírito do obradoiro.  Espero que vos guste.

Natalia: Unha das tarefas para os Grupos Superiores era debuxar do natural alguén cercano, pero xa nun entorno, neste caso o entorno do fogar.

 

Little Nemo in Slumberland [BIBLIOTECA]

Biblioteca Pública García Barbón-EMAO

 Estreamos nova obra no expositor da biblioteca. Trátase de :

The complete Little Nemo 1905-1909 [and] Winsor McCay : a life of imaginative genius / [compiled and edited by] Alexander Braun.-- Köln : Taschen, 2016

Little Nemo in Slumberland, que iniciou a súa publicación na edición dominical do New York Herald o 15 de outubro de 1905, e continuou aparecendo semanalmente no mesmo xornal ata o 23 de abril de 1911, está considerada a primeira obra mestra do cómic, pola súa imaxinación desbordante, a súa perfección técnica, o seu afán de experimentación, o seu dominio da linguaxe e a súa influencia nos artistas posteriores.

 Esta edición da editorial Taschen recolle por primeira vez en edición xigante e a todo cor, os 549 episodios de Little Nemo, acompañados dun completo estudo da vida e obra de Winsor McCay (1869-1934) polo historiador da arte e experto en cómics Alexander Braun. Un volume profusamente ilustrado con documentos e fotografías da época que explora o inmenso valor histórico da narrativa onírica de McCay. 

66. Robert Rauschenberg, ¿Quen ten medo ao branco? CAP. 8 [PINTURA]

Robert Rauschenberg (Port Arthur, Estados Unidos, 1925-Illa Captiva, Estados Unidos, 2008):
A finais dos anos cincuenta, Robert Rauschenberg protagonizou con Jasper Johns a recuperación do espírito dadá en América. Artista multidisciplinar con espírito crítico, buscou constantemente novas formas de expresión artística que o convertían nunha das figuras fundamentais da evolución da arte nas últimas décadas do século XX.

Mulleres na Arte: Selección Bibliográfica [BIBLIOTECA]

Biblioteca Pública García Barbón-EMAO. Fondo moderno

Hoxe, 8 de marzo celébrase o Día Internacional das Mulleres, unha celebración que ten as súas orixes nas múltiples manifestacións e loitas das mulleres a finais do século XIX e principios do XX que reclamaban polos seus dereitos, como o dereito a voto, á igualdade entre sexos e a mellores condicións de traballo.

Na actualidade a loita continua, un dos ámbitos onde aínda hai moita tarefa pendente é o ámbito artístico. Tradicionalmente as mulleres non aparecían como creeadoras nas Historias da arte a pesar de que protagonizaron, como modelos e musas, algunhas das obras de arte máis importantes de todas as épocas. Foron as investigacións feministas, principalmente as realizadas en América do Norte na decada dos anos 70 do século pasado, as que empezaron a desvelar o papel da muller na arte. "O desexo de reinvindicar historias escritas por mulleres, e de restituír á muller no seu papel na historia da produción cultural, levou a destacar de maneira evidente a creatividade da muller" (Whitney Chadwick).

Conta Manuel Jesús Roldán en "Eso no estaba en mi libro de Historia del Arte" que a concepción decimonónica da maioría dos manuais do tema excluíronas aínda que houbese mulleres retratistas de Corte, escultoras de cámara ou pintoras relixiosas. "A súa existencia foi certamente reducida en moitas épocas, pero hai un bo número de nomes de mulleres que, en cada etapa da historia, alcanzaron unha fama e un recoñecemento público que foi posteriormente silenciado". Mulleres que non aparecen nos libros de arte nin soan no imaxinario colectivo por culpa do concepto de historia da arte procedente do século XIX, “centuria na que se vetou especialmente a independencia creadora da muller pola moral burguesa reinante, relegou ao xénero feminino a unha condición hogareña case exclusiva, marcando un canon case exclusivamente masculino nas primeiras publicacións dedicadas á Arte”.

Un día como hoxe a nosa Biblioteca quere contribuír a poñer o foco sobre o traballo destas mulleres, para iso facemos unha selección bibliografíca de case todos os títulos existentes no noso fondo moderno especializado, relacionados coa arte realizada por mulleres.

Días Europeos da Artesanía [OUTRAS NOVAS]

  

Do 6 ao 11 de abril volven os Días Europeos da Artesanía

 

A iniciativa é promovida pola Escola de Organización Industrial (EOI), fundación pública e primeira escola de negocios de España, a súa área de promoción da artesanía, Fundesarte, e Oficio e Arte, Organización dos Artesáns de España.

O obxectivo destas xornadas é achegar ao público os segredos do traballo de lutieres, xoieiros, ceramistas, ferreiros, tecedores e todo tipo de oficios artesáns, para difundir a súa enorme riqueza e singularidade.

Durante unha semana, actividades gratuítas achegarán a visitantes e curiosos de todas as idades á esfera da creación artesanal. Feiras, xornadas de portas abertas en talleres, demostracións en directo, exposicións, actividades infantís… Sete días ao redor da artesanía, nos que se convida a participar a artistas que desexen mostrar as súas creacións e compartir os seus procedementos de traballo co público. 

Os Días Europeos da Artesanía teñen a súa orixe en Les Journées Européennes des Métiers d’Art, que organiza en Francia o Institut National des Métiers d’Art (INMA) desde 2002. España pronto se sumou ao proxecto e ambos os países son os que presentan un programa de actividades máis extenso. Este ano, esta festa celébrase de forma simultánea en 18 países. 

O prazo de inscrición de actividades para artesáns e institucións públicas e privadas está aberto na web diasdelaartesania.es, onde se irá actualizando progresivamente o programa de actividades propostas.

Xornada sobre a Artesanía Contemporánea desde o Thyssen Bornemisza [OUTRAS NOVAS]

A Fundación Fabrics for Freedom e a Asociación Contemporánea de Artes e Oficios, en colaboración co Ministerio de Cultura e Deporte, organizou unha Xornada sobre artesanía contemporánea co obxectivo de compartir e debater novas vías de estudo e de reflexión sobre a conservación dos oficios artesáns tradicionais en colaboración co diseño, e propoñer estruturas de apoio ao crecemento da artesanía como paliativo á despoblación do medio rural e como industria sostible e de dimensión humana.

Durante o evento que se celebrará o mércores 17 de marzo de 10:00 a 14:00 horas e emitirase vía streaming desde o Museo Nacional Thyssen Bornemisza, crearase un debate en torno ao deseño e as novas tecnoloxías aplicadas á mestría dos saberes artesáns e a súa relación coa sustentabilidade ambiental e demográfica. 

 

Máis información e inscricións en: www.forodeartesyoficios.com

Emigrantes [DEBUXO]

Hai xa unha boa cantidade de anos que descubrín a Shaun_Tan grazas ao seu libro "Emigrantes", un libro que todos deberiamos ler, ou mellor dito, ver.... xa que a lectura de "Emigrantes" é visual, non hai en todo o percorrido da historia nin unha letra, ou polo menos unha letra que entendamos. 

Concurso de pintura: "CreArte na Universidade" (X Edición) [OUTRAS NOVAS]

O Decanato da Facultade de Ciencias Económicas e Empresariais da Universidade de Santiago de Compostela infórmanos da convocatoria da X Edición do Concurso de pintura: "CreArte na Universidade"

A Facultade de CC. Económicas e Empresariais da USC apostou desde sempre polo fomento da arte galega, prestándose como depósito e adquirindo durante moitos anos obras de arte coas que na actualidade todos os membros da comunidade universitaria e de fóra dela podemos gozar. A longa tradición do noso centro, pioneiro no apoio á creación artística e ao coleccionismo, levou a creación no ano 2011 do concurso de pintura CreArte na Universidade, un premio dirixido inicialmente a todos os membros da comunidade universitaria, e aberto a toda a sociedade desde a edición 2014-2015.
Continuando con ese espírito, fundamental para o crecemento persoal no seu máis amplo sentido, desde a Facultade convócase a X edición do concurso.

As bases poden consultarse aquí

Data límite de inscrición: 14:00 horas do 31 de marzo de 2021

65. PIERO MANZONI, ¿Quen ten medo o branco? CAP. 7. [PINTURA]

Piero Manzoni (Italia, 1933-1963):

É un dos artistas italianos máis controvertidos da arte europea da posguerra.

Pai da arte povera.