Fotos da presentación do libro "De novo gaiteiro". Obra completa para gaita (1981-2025) de Xaime Estévez Vila [VENRES EMAO]

 

27-2-2026. Venres da EMAO presenta o libro "De novo gaiteiro". Obra completa para gaita (1981-2025) de Xaime Estévez Vila [CAIM GAITA]

Xaime Estévez Vila. Toda unha vida adicada á música en múltiples facetas, como docente, investigador, autor e compositor. No referente á gaita foi autor do libro "A Gaita no Eido da Música", un método de iniciación e aprendizaxe cun temario específico para gaita galega (Mayeusis 1987). Máis recentemente publicou "Son do Fol, Método infantil de aprendizaxe" (A.G.G. 2012). Agora achégase a nós para presentar a súa última obra como compositor, titulada "De Novo Gaiteiro", onde recompila máis de 40 anos de traxectoria compositiva para gaita galega, con 20 pezas compostas en distintas etapas da súa actividade instrumental.


Presentado por Carlos Corral (mestre de Construción artesanal de instrumentos musicais -CAIM- Gaita da EMAO)
Data: 27 de febreiro de 2026
Hora: 19.00h
Lugar: Biblioteca da Escola Municipal de Artes e Oficios de Vigo

Entrada libre ata completar aforo.

Fotos da proxección do documental "A Gaita Galega II" [VENRES EMAO]

23-1-2026. Venres da EMAO presenta a proxección do documental "A Gaita Galega II" [CAIM GAITA]

 

 "A gaita galega II"

Composto por tres partes, este documental foi emitido no seu momento pola TVG dentro do formato NAQUELES TEMPOS.

Esta segunda parte abrangue dende os anos 40 do século pasado ata o fin da ditadura. Tempos escuros de represión das identidades culturais. 

O desprazamento dos gaiteiros das festas populares. Os grupos icónicos que foron quen de manter a gaita a pesar dos atrancos: Os Morenos, Os Campaneiros, Os Montes, Irmáns Portela, Os Rosales, Airiños do Parque de Castrelos, etc.

Presentado por Carlos Corral (mestre de Construción artesanal de instrumentos musicais -CAIM- Gaita da EMAO)
Data: 23 de xaneiro de 2026
Hora: 19.00h
Lugar: Biblioteca da Escola Municipal de Artes e Oficios de Vigo

20-6-2025. Inauguración da exposición "Castelao na EMAO" [ESPAZO EMAO]

A inauguración da Exposición "Castelao na EMAO", comisariada polo profesorado das especialidades de Serigrafía artística e Talla e escultura en madeira da Escola municipal de Artes e Oficios (EMAO), terá lugar o venres, día 20 de xuño, ás 19,00h, no Espazo EMAO.

Dentro da programación anual da EMAO prevese, ao remate de cada curso académico, a produción dunha exposición cos resultados dun proxecto que, partindo dunha idea xeradora única, dea lugar a interpretación, despregue do traballo e saber facer dos distintos talleres.

Neste ano 2025, a escola e as súas especialidades renderán homenaxe, no Ano dedicado a Alfonso Daniel Rodríguez Castelao polo 75 cabodano do seu pasamento, ao polifacético persoeiro da cultura e da política, figura clave na historia recente do noso país, e considerado un dos fundadores da Galicia contemporánea.

A EMAO súmase así á multitude de actos e homenaxes que, por toda Galicia, se están a desenvolver neste ano, salientando a obra do pintor, debuxante, humorista, escritor, pensador e político. O alumnado e mestres das diferentes especialidades da Escola presentan a súa particular visión deste personaxe universal. En paralelo á exposición, nas vitrinas do corredor da Biblioteca da EMAO pódense contemplar unha selección bibliográfica de títulos relacionados coa vida e a obra de Castelao, pertencentes aos fondos da Biblioteca da Escola.

Esta exposición estará aberta entre os días 20 de xuño e o 17 de outubro de 2025 (pechada o mes de agosto). 

FICHA DA EXPOSICIÓN

Nome: "Castelao na EMAO"

Lugar: Espazo EMAO (Sala de exposicións da Escola Municipal de Artes e Oficios de Vigo). Entrada polas rúas Pontevedra e Rosalía de Castro.

Datas: do 20 de xuño ao 17 de outubro de 2025 (agosto pechado)

Horario:
- Do 20 de xuño ao 30 de xuño: de luns a venres, laborables, de 19:00h a 21:00h
- Do 1 de xullo ao 12 de setembro (agosto pechado): de luns a venres, laborables, de 10:30h a 13:30h
- Do 15 de setembro ao 17 de outubro: de luns a venres, laborables, de 19:00h a 21:00h

Comisariado: Alba Pardo, mestra de Serigrafía artística e Rosa García, mestra de Talla e escultura en madeira, coa colaboración do profesorado de Debuxo, Pintura, CAIM Gaita, Moda e confección, Ourivería, Artesanía en coiro, Deseño e encaixe de palillos e CAIM Zanfona.
Cartaz: Federico Fernández Alonso
Produción e montaxe: Escola Municipal de Artes e Oficios de Vigo, 2025
Axudante de montaxe: Eduardo Sánchez Arteaga

Escola de Verán 2024-2025. Do 4 ao 22 de xullo de 2025 [ESCOLA MUNICIPAL DE ARTES E OFICIOS DE VIGO, EMAO]

EMAO. CURSOS MONOGRÁFICOS
ESCOLA DE VERÁN 2024-2025
Do 4 ao 22 de xullo de 2025

 

 

Prazo de presentación de solicitudes : 00:00 horas do 16 de xuño ata as 24 horas do 20 de xuño de 2025. Toda a información

 

CONDICIÓNS COMÚNS A TÓDOLOS CURSOS

 

Duración dos cursos: 36 horas
Datas: Entre o 4 e o 22 de xullo de 2025. Horario de mañá
Lugar: Aulas e talleres da Escola Municipal de Artes e Oficios de Vigo (EMAO)
Prazas limitadas: Ver número máximo de alumnos/as na convocatoria específica
 

Inscrición: Gratuíta. Mediante envío de correo electrónico, no prazo indicado a continuación, a
emao@vigo.org, cos seguintes datos (imprescindibles):

• Asunto: [nome do curso]
• Nome e apelidos do/a solicitante
• DNI
• Enderezo de correo electrónico no que desexan recibir a confirmación de admisión, se éo caso.

Admisión de solicitudes:

• Non poderán inscribirse as persoas matriculadas na EMAO no curso 2024-2025
• Só se admiten persoas maiores de 16 anos
• Só serán válidas as solicitudes que cumpran estritamente as condicións indicadas nesta convocatoria para cada curso en concreto.
• A inscrición farase por estrita orde de recepción do correo electrónico de solicitude, ata cubrir o máximo de prazas ofertadas.
• O prazo para solicitar a inscrición será desde as 00.00h do 16 de xuño, ata as 24.00h do 20 de xuño de 2025. Non serán válidas as solicitudes presentadas con anterioridade e posterioridade a estas datas.
• A confirmación da matrícula realizaraa a EMAO exclusivamente por correo electrónico. No caso de producírense vacantes no primeiro día do curso, convocarase á lista de reserva.

 

 

CURSOS QUE SE CONVOCAN:

 

“GOZA DO VERÁN CUN BORNAL FEITO Á MAN”

 

Impartido por Pepe Pereira, mestre da especialidade de ARTESANÍA EN COIRO da EMAO.

Destinatarios/as: Persoas interesadas en achegarse ao Coiro e descubrir as súas posibilidades creativas e prácticas. Preferiblemente sen coñecementos previos.

Datas: do 7 ao 16 de xullo, de 09.30h a 14.00h. Duración: 36 horas. 

Obxectivo: Realizar un bornal de pastor con peto interior realizado integramente á man e en coiro. 

PROGRAMA

Obxectivos:

O bornal de caza é unha bolsa de pel ou coiro que os pastores e os cazadores levaban no seu lombo para portar os elementos de uso cotián que empregaban nas súas saídas ao campo ou ao monte. Nesta aproximación realizaremos unha peza deste tipo que estará elaborada integramente á man. Traballaremos sobre dous tamaños de padrón adaptándonos ao gusto do alumno tanto nesta selección coma na decoración. Queremos revivir esta peza en desuso e que resulta moi cómoda e práctica.

Contidos:

- Aproximación ao coiro e aos procesos de curtido 

- Introdución aos complementos de coiro para caza e pastoreo 

- Achegamento á decoración do coiro (costuras decorativas, texturas e tinguido) 

- Inmersión na costura de “Guarnicioneiro”

Material a achegar polo alumnado:

Coiro vacún (3 pés); serraxe (6 pés); correas de vacún (2); 10 metros de tireta de coiro e 3 fibelas. Non fai falla traer os materiais o primeiro día, hai posibilidade de facer unha compra en grupo de materiais para abaratar o custo.

Alumnado máximo: 12  

“PLENEIRISMO. Parte II”

 

Impartido por Darío A. Basso e Federico Fernández, mestres das especialidades de PINTURA e DEBUXO ARTÍSTICO da EMAO.

Destinatarios/as: calquera persoa interesada.

Datas: do 7 ao 17 de xullo, de 09.00h a 13.00h. Duración: 36 horas

Obxectivo: No curso 2023/24 os obradoiros de Pintura e Debuxo realizamos un Monográfico onde abordamos e emulamos aos Mestres da pintura e o debuxo ao natural, no que se coñece na historia da arte como “Pleneirismo”. Para este curso 2024/25 realizamos unha segunda parte desta andaina pictórica pola cidade, cun cambio significativo da contorna a debuxar. O que antes era natureza, mar, arboreda e rochas na contorna de Samil, desta vai ser formigón, asfalto e tráfico pintando polo centro da cidade de Vigo. Os obradoiros de Pintura e Debuxo en conxunto propoñen a práctica desta actividade realizando inicialmente uns exercicios de aula para posteriormente saír pola contorna da cidade de Vigo co alumnado, fomentando nesas prácticas finais a expresión da cor, a composición e a perspectiva a “plein air”.

PROGRAMA:  

Obxectivos:

- Coñecer dun xeito introdutorio a historia da pintura do natural 

- Introducir ao alumnado na pintura ao aire libre 

- Representar a contorna urbana e a súa pulsión a través da cor 

- Fomentar dun xeito práctico a expresión da cor, a composición e a perspectiva a “plein air” nun entorno urbano
 

Contidos:

- Introdución a pintura do natural. Historia
- Introdución ás técnicas pictóricas de procedemento rápido

- A liña como elemento compositivo nunha paisaxe urbana 

- A liña e a mancha como elementos xeradores de texturas e movemento. 

  Impresionistas e postimpresionistas 

- A aplicación da teoría da cor para capturar a paleta presente nunha paisaxe urbana 

- Diferentes perspectivas que se presentan nunha composición urbana. Lineal e atmosférica

- Introdución á perspectiva italiana. Convencionalismos. Utilización práctica 

- Expresión da pulsión da cidade a través da propia interpretación creativa do alumnado

Material a aportar polo alumnado:

Taboleiro formato A3; pinzas; bloque de debuxo multitécnica, formato A3; lapis; pinceis varios.

Alumnado máximo: 15  

“OURIVARÍA CON MATERIAIS NATURAIS E RECICLADOS ”

 

Impartido por Sandra de Jesus, mestra da especialidade de OURIVARÍA da EMAO.

Destinatarios/as: calquera persoa, sen necesidade de que teña coñecementos previos.

Datas: do 7 ao 17 de xullo, de 09.30h a 13.30h. Duración: 36 horas

Obxectivo: Este monográfico está enfocado á experimentación e á aplicación de materiais naturais e reciclados na creación de xoias ou obxectos, na liña da xoiaría contemporánea, encamiñando o enfoque á xoiaría de autor. A intención é realizar e rematar unha peza con materiais naturais como ramas, follas, musgos, pedras ou vidros da praia, cunchas, etc. ou con materiais de reciclaxe como plásticos, partes de obxectos desbotados, papel, etc., pero ademais incorporaremos a reprodución dalgún destes obxectos a través da técnica de fundición en area a pequena escala.

PROGRAMA:

Obxectivos:

- Construír unha peza con materiais naturais (pedras atopadas, ramas de árbores, musgos, follas, cunchas...) 

- Construír unha peza con materiais de reciclaxe (plásticos, cauchos, papel, partes doutros obxectos...)

- Realizar a fundición dalgún elemento dos escollidos en fundición en area para incorporar ou elaborar unha peza

- Aplicar, segundo e acorde ás capacidades e coñecementos do alumna/o, as distintas técnicas básicas de construción con metal 

- Lograr dúas pezas artísticas, funcionais e na liña da xoiaría contemporánea

Contidos:

- Introdución histórica e artística do traballo con materias naturais e de reciclaxe. 

- Busca de materiais e exploración das súas posibilidades construtivas

- Explicación e práctica da técnica de fundición directa en area

- Elaboración de bosquexos

- Elaboración do plan de construción 

- Traballo cos materiais e co metal, que neste caso será fío ou prancha de latón

- Montaxe final e remate das pezas

Material a aportar polo alumnado:

Os materiais e consumibles que se empregarán terán un custo aproximado de 15 -20 €, que implica a compra de fío de latón e distintos consumibles comúns como brocas, fíos de segueta, lixa, etc.; o primeiro día do curso indicaráselles que é o que se merca co bote. Precisan tamén mandil ou bata para traballar.

Alumnado máximo: 12

“CONFECCIÓN A TODA COR ” 

 

Impartido por Alba Pardo e Emma Pintos, mestras das especialidades de SERIGRAFÍA ARTÍSTICA e MODA E CONFECCIÓN da EMAO.

Destinatarios/as: calquera persoa, sen necesidade de que teña coñecementos previos.

Datas: do 7 ao 17 de xullo, de 09.00h a 13.00h. Duración: 36 horas

Obxectivo: Achegar ao alumnado a serigrafía téxtil e a confección de pezas sinxelas.

PROGRAMA:

- Achegamento ao proceso básico da serigrafía 

- Preparación de ferramentas e materiais para estampado téxtil 

- Proceso de estampado e fixado da tinta sobre téxtil 

- Achegamento ao manexo da máquina de coser 

- Nocións básicas do corte do tecido 

- Confección dunha tote bag 

- Confección dunha peza de roupa sinxela

Material a achegar polo alumnado:

Cinta de embalaxe; cinta de pintor; tesoiras para téxtil; acetato transparente; cinta métrica; alfinetes (especificaranse as medidas o primeiro día)

Alumnado máximo: 10

“REPARACIÓN E MANTEMENTO DE INSTRUMENTOS DE VENTO TRADICIONAIS

 (GAITA, PITO, REQUINTA)” 

Impartido por Carlos Corral, mestre da especialidade de CONSTRUCIÓN ARTESANAL DE INSTRUMENTOS MUSICAIS -CAIM- GAITA da EMAO.

Destinatarios/as: en xeral, persoas que estean en posesión dalgún instrumento de vento tradicional que necesite algún tipo de reparación ou mantemento.

Datas: do 7 ao 17 de xullo, de 10.00h a 14.00h. Duración: 36 horas

Obxectivo: Coñecer tódolos aspectos importantes para un bo mantemento do instrumento; saber efectuar pequenas reparacións que se poden realizar sen necesidade de acudir a un artesán (cambiar cortizas gastadas, substituír unha anela rota, renovar o aspecto exterior, sexa encerado, aceitado ou vernizado, etc.

PROGRAMA: o programa poderá ser flexible en función das necesidades dos instrumentos achegados polo alumnado pero, previsiblemente, constará de:

- Cambio de cortizas 

- Pulido 

- Vernizado 

- Encerado 

- Aceitado 

- Cambio de anelas 

- Hidratación de cortizas 

- Cambio de foles, etc.

Material a achegar polo alumnado:

Instrumento ou instrumentos sobre os que traballar (gaita, pito, requinta...).

Alumnado máximo: 6

“BANCO DE CARPINTEIRO”

 

Impartido por Xaime Rivas, mestre da especialidade de CONSTRUCIÓN ARTESANAL DE INSTRUMENTOS MUSICAIS -CAIM- ZANFONA da EMAO.

Destinatarios/as: persoas interesadas en adquirir habilidades relacionadas coa carpintaría/artesanía.

Datas: do 7 ao 22 de xullo, de 10.00h a 13.00h. Duración: 36 horas

Obxectivo: Familiarizarse coa ferramenta manual propia da carpintaría. Coñecer as técnicas que permitan o emprego das mesmas en condicións óptimas.

PROGRAMA

- Construción dun portacandelas ornamental 

- Elaboración de diferentes tipos de encaixes 

- Construción dun quebranoces

Material a achegar polo alumnado:

Madeira de faia en táboa (gasto compartido entre os asistentes); taboleiro de contrachapado (gasto individual).

Alumnado máximo: 6  

 

“O GRAVADO E BORDADO, TRABALLO CREATIVO SOBRE PAPEL” 

 

Impartido por Marian Núñez e Rosa García, mestras das especialidades de DESEÑO E ENCAIXE DE PALILLOS e TALLA E ESCULTURA EN MADEIRA da EMAO.

Destinatarios/as: alumnado creativo con interese en coñecer e experimentar a técnica do gravado en relevo e o bordado sobre papel.

Datas: do 4 ao 16 de xullo, de 10.00h a 14.00h. Duración: 36 horas

Obxectivo: Desenvolver e comprender o gravado en relevo como medio expresivo xunto ao bordado en papel para xerar estampas artísticas.

PROGRAMA

- A obra seriada, principios xerais 

- Clasificación das técnicas gráficas de gravado e estampaxe 

- Iniciación aos conceptos de gravado e estampaxe

- Introdución á arte gráfica 

- O gravado en relevo 

- O linogravado

- O monotipo. A imaxe impresa non seriada 

- Coñecemento do fío e ferramentas 

- Técnicas básicas do bordado 

- Aplicación do bordado sobre o gravado

Material a aportar polo alumnado:

Pranchas de gravado en linóleo; papel de gravado; papel de calco; fíos; agullas; esponxa

Alumnado máximo: 10.

Fotos da proxección do documental "A gaita galega I" [VENRES EMAO]

16-5-2025. Venres da EMAO presenta a proxección do documental "A gaita galega I" [CAIM GAITA]

Composto por tres partes, este documental foi emitido no seu momento por TVG dentro do formato NAQUELES TEMPOS.

Esta primeira parte abrangue dende as orixes do instrumento ata o inicio da Guerra Civil Española. Os anos escuros do medievo, o rexurdimento, a simboloxía do gaiteiro, a relixiosidade, a festa, etc., son algúns dos argumentos dun documental no que se fala de figuras como O Ventosela, Perfecto Feijoo, Santalices ou Avelino Cachafeiro, entre outros.


Presentado por Carlos Corral (mestre de CAIM Gaita da EMAO)
Data: 16 de maio de 2025
Hora: 19.00h
Lugar: Biblioteca da Escola Municipal de Artes e Oficios de Vigo

Entrada libre ata completar aforo.

Fotos de Xoán Carlos Rilo no peche da triloxía "O ronsel do meu sentir" [VENRES EMAO]

13-12-2024. Venres da EMAO presenta a Xoán Carlos Rilo no peche da triloxía "O ronsel do meu sentir" [CAIM GAITA]

"Xoán Carlos Rilo presenta o peche da triloxía O ronsel do meu sentir"

"Temos que salientar que a terceira entrega de O Ronsel do meu sentir pon un magnífico ramo a unha triloxía en que a música de gaita acubilla novos aires dun modo extraordinario. Os dezasete temas que o compoñen atestan as capacidades e o bo gusto musical de Xoán Carlos, gusto que herdou do seu pai, Xosé Ramón, outro dos gaiteiros máis recoñecidos na Galiza e en Esukal Herria a quen temos a honra de tratar e de cuxas conversas sobre afinación, artesáns, dúos de gaitas e vellas melodías tanto se aprende. Longa vida para todos e todas."

Xosé Manuel Sánchez Rei. 

Presentado por Carlos Corral (Mestre de Construción artesanal de instrumentos musicais -CAIM- Gaita da EMAO)
Data: 13 de decembro de 2024
Hora: 19.00h
Lugar: Biblioteca da Escola Municipal de Artes e Oficios de Vigo

Entrada libre ata completar aforo.

24-6-2024. Inauguración da exposición "A Música na EMAO" [ESPAZO EMAO]

Dentro da programación anual da EMAO prevese, ao remate de cada curso académico, a produción dunha exposición cos resultados dun proxecto que, partindo dunha idea xeradora única, dea lugar a interpretación, despregue do traballo e saber facer dos distintos talleres.

Neste ano 2024, a escola e as súas especialidades renderán homenaxe á música, manifestación artística cunha presencia destacada entre as súas paredes. Dende a década dos anos oitenta, a EMAO acolleu entre as súas senlleiras pedras un importante patrimonio musical. Nesa década e nas seguintes agromaron iniciativas que deixaron un pouso profundo na escola e na cidade:

Desde a Aula de Música Moderna e Electrónica, con Bibiano Morón (da que saíron numerosos grupos e músicos con traxectorias destacadas), pasando polo Obradoiro de Instrumentos Musicais Populares Galegos, con Antón Corral (xérmolo da actual especialidade de CAIM -Construción Artesanal de Instrumentos Musicais-, unha das maiores e máis salientables singularidades desta institución e orixe da actividade profesional de numeroso alumnado, como luthiers e artesáns), ata a creación do Conservatorio de Música Tradicional, con Rodrigo Romaní, orixe da actual Escola municipal de música folk e tradicional (E-TRAD), como evolución da anterior e que xerou a aparición dun bo feixe de músicos e grupos de nivel internacional, nos que destaca actualmente, entre outros, a Orquestra Folk de Galicia, SondeSeu.

Moitos son xa, pois, os artesáns e músicos que iniciaron a súa vida profesional entre estes muros, confirmando que a actividade musical, en sentido amplo, ademais de achegar unha mellora na vida das persoas, configura un importante sector de actividade económica e emprego, polo que paga a pena apostar.

Nesta homenaxe, a exposición permitirá ver dende o eclecticismo da creación artística de cada unha das especialidades non relacionadas directamente coa música, ata os instrumentos construídos polo alumnado das especialidades de CAIM.

Esta exposición estará aberta entre os días 24 de xuño e o 25 de outubro de 2024 (pechada o mes de agosto).

FICHA DA EXPOSICIÓN

Nome: "A música na EMAO"
Lugar: Espazo EMAO (Sala de exposicións da Escola Municipal de Artes e Oficios de Vigo). Entrada polas rúas Pontevedra e Rosalía de Castro
Datas: do 24 de xuño ao 25 de outubro de 2024 (agosto pechado)
Horario:

• Do 24 de xuño ao 28 de xuño: de luns a venres, laborables, de 19:00h a 21:00h
• Do 1 de xullo ao 13 de setembro (agosto pechado): de luns a venres, laborables, de 10:30h a 13:30h
• Do 16 de setembro ao 25 de outubro: de luns a venres, laborables, de 19:00h a 21:00h

Comisariado: Carlos Corral, mestre de Construción Artesanal de Instrumentos Musicais -CAIM- Gaita e Rosa García, mestra de Talla e escultura en madeira, coa colaboración do profesorado de Debuxo, Pintura, Serigrafía artística, Moda e confección, Ourivería, Artesanía en coiro, Deseño e encaixe de palillos e CAIM Zanfona.
Cartaz: Federico Fernández Alonso
Produción e montaxe: Escola Municipal de Artes e Oficios de Vigo, 2024
Axudante de montaxe: Eduardo Sánchez Arteaga

Fotos da Conferencia de Xaime Estévez Vila "Gaiteiros ao piano. 18 pezas de mestres da gaita galega para piano elemental" [VENRES EMAO]

Escola de Verán da EMAO 2024 [ADMINISTRACIÓN]

 

Dentro da programación prevista no Plan de Estudos da Escola Municipal de Artes e Oficios (PEMAO15), faise a seguinte Convocatoria de Cursos Monográficos – Escola de Verán EMAO, a realizar entre os días 8 e 18 de xullo de 2024, dirixidos ás persoas interesadas que cumpran os requisitos indicados en cada un dos cursos.

O prazo para solicitar a inscrición será desde as 00:00h do 17 de xuño, ata as 24,00h do 21 de xuño de 2024. Non serán válidas as solicitudes presentadas con anterioridade e posterioridade a estas datas.

 

[Véxanse as condicións para a inscrición ao remate desta entrada]

CURSOS QUE SE CONVOCAN:

“UN CHARRASCO DIVINO E ESPIRITUOSO”

Impartido por Sandra de Jesús e Xaime Rivas, mestres das especialidades de OURIVARÍA e CONSTRUCIÓN ARTESANAL DE INSTRUMENTOS MUSICAIS -CAIM- Zanfona, da EMAO Destinatarios/as: calquera persoa, sen necesidade de que teña coñecementos previos de ningunha das materias.

Datas: do 8 ao 18 de xullo, de 10:00 a 14:00 horas. Duración: 36 horas
Obxectivo: Construción dun Charrasco, instrumento tradicional galego, aplicando as técnicas básicas da carpintería e complementando con traballos de reciclaxe (convertindo chapas de cervexa em ferreñas) e de elaboración de elementos decorativos com latón.

Programa:

Obxectivos:

Construír, decorar e rematar un instrumento tradicional galego, o Charrasco. Transformar uns materiais de reciclaxe como son as chapas das cervexas en ferreñas para o Charrasco.

Aprender e aplicar as técnicas básicas de carpintaría para o traballo no banco, con ferramentas como o serrón, a trencha, a trade columna, lixa , etc, para a construción do instrumento.

Aprender e aplicar as técnicas básicas da Ourivaría para o traballo en metal, corte, conformado, soldado, esmerilado, pulido e brillado, etc, para realizar as pezas decorativas e dar forma ás ferreñas.

Contidos:

Desenvolvemento e construción do modelo de Charrasco dado.

Aplicación das técnicas de marcado, corte, encaixe a media madeira, pulido, etc precisas para o traballo coa madeira.

Aplicación de conformado das ferreñas, corte e calado para os motivos decorativos en metal, soldado de espigos para a súa montaxe e técnicas de acabado e pulido do metal.

Montaxe final do instrumento, ferreñas e motivos decorativos en metal e tecido.

Material a aportar polo alumnado: 3 listóns de madeira (de 1700x30x30mm, 1400x30x25mm e 800x30x30mm) de madeira dura ou semidura (piñeiro galego, faia, carballo ou freixo). Tamén precisará de outros materiais adicionais coma cable, puntas, tapóns e cintas de tecido, para rematar o instrumento. Comunicaráselle ao alumnado onde poden conseguir os materiais requiridos (custo estimado: 5€ + custo dos listóns que dependerá do tipo de madeira que se escolla).

Alumnado máximo: 12

 

 

“NON SEI COSER UN BOTÓN”

Impartido por Emma Pintos, mestra da especialidade de MODA E CONFECCIÓN, da EMAO. Destinatarios/as: persoas sen coñecementos previos interesadas en aprender “costura de supervivencia” 

Datas: do 8 ao 18 de xullo, de 09:00 a 13:00 horas. Duración: 36 horas 

Obxectivo: Introdución á costura, tratando as técnicas básicas de costura a man e a máquina, traballando sobre proxectos sinxelos e prácticos. 

Programa: 

Conceptos básicos de costura a man: Ferramentas necesarias no costureiro; Coser diferentes tipos de botóns; Puntadas manuais básicas (pespunte, puntada invisible, sobrefiado...)

A máquina de coser: Partes da máquina; Manexo da máquina; Tipos de costuras 

Proxecto 1. Mandíl; Proxecto 2. Mantel e servilletas; Proxecto 3. Tote bag con peto; Proxecto 4. Funda de tesoira e alfineteiro. 

Material a aportar polo alumnado: Alfinetes, agullas, cinta métrica, tesoira, dedal e teas e accesorios para os proxectos (serán especificados o primeiro día de clase). 

Alumnado máximo: 12 

 

“IMOS FACER PLENEIRISMO”

 
Impartido por Darío A. Basso e Federico Fernández, mestres das especialidades de PINTURA e DEBUXO ARTÍSTICO, da EMAO. 

Destinatarios/as: calquera persoa interesada. 

Datas: do 8 ao 18 de xullo, de 09:00 a 13:00 horas. Duración: 36 horas 

Obxectivo: O termo "plein air" refírese á práctica de pintar ou debuxar ao aire libre, capturando a luz e a atmósfera natural dunha paisaxe no momento presente. Esta técnica, popularizada polos impresionistas no século XIX, permite aos artistas traballar directamente coa natureza, observando como a luz do sol transforma as cores e as formas ao longo do día. 

As especialidades de Pintura e Debuxo da EMAO propoñen a práctica desta actividade realizando, inicialmente, uns exercicios de aula para, posteriormente, saír pola contorna da ría de Vigo co alumnado, fomentando nesas prácticas finais a expresión da cor e da forma a “plein air”, procurando captar a beleza da natureza. 

Programa:
Pleneirismo na historia. Breve introducción

Diferentes técnicas do Pleneirismo 

A liña como elemento compositivo nunha paisaxe ao aire libre 

A liña como elemento xerador de texturas e movemento. Van Gogh como referencia 

A aplicación da teoría da cor para capturar a vibrante paleta natural 

Diferentes perspectivas que se presentan nunha composición a “plein air”. Lineal e atmosférica 

Expresar a beleza da natureza a través da propia interpretación creativa do alumnado 

Material a aportar polo alumnado:
Estilógrafo 04 Micron Sakura. Lapis. Block de esbozo Guarro A3 

Alumnado máximo: 15 

 

“ESTAMPADO ESTIVAL PARA PRAIA OU FESTIVAL”
 

Impartido por Alba Pardo e Pepe Pereira mestres das especialidades de SERIGRAFÍA ARTÍSTICA e ARTESANÍA EN COIRO, da EMAO 

Destinatarios/as: calquera persoa, sen necesidade de que teña coñecementos previos. 

Datas: do 8 ao 18 de xullo, de 10:00 a 14:00 horas. Duración: 36 horas 

Obxectivo: Mediante linogravado, gofrado e serigrafía, estamparemos sobre tecidos e coiro para crear accesorios de verán: unha bolsa grande, unha máis pequena e un sombreiro. Tamén estamparemos sobre madeira para facer palas de praia. Utilizaremos o coiro como propia matriz para estampar. Esa mesma matriz de coiro será remate dos accesorios.
Programa:
Obxectivos:
Achegarse ao proceso de deseño para aplicación das estampas nos obxectos propostos 

Asimilar os procesos de gravado e creación de matrices para realizar estampacións 

Experimentar coas tintas de estampación sobre diferentes soportes 

Confeccionar complementos personalizados feitos polas persoas participantes 

Contidos:
Desenvolvemento do deseño para os distintos elementos que forman as pezas finais

Adecuación do deseño á temática e procedementos propostos para lograr a funcionalidade e resultado que se pretende.

Aplicación das técnicas de gravado, serigrafía e coiro para a preparación das matrices. 

Realización de gofrado de texturas e estampacións sobre diferentes soportes 

Aplicación e montaxe final das estampas e remates en coiro nos obxectos propostos.

Material a aportar polo alumnado:
Os materiais e consumíbeis que empregarán terán un custe aproximado de 20 € (O alumnado levará estampada unha bolsa grande, unha pequena, un sombreiro e palas de praia). 

Alumnado máximo: 10

 

“INICIACIÓN NA ORNAMENTACIÓN”

Impartido por Carlos Corral, mestre de CONSTRUCIÓN ARTESANAL DE INSTRUMENTOS MUSICAIS -CAIM- Gaita, da EMAO
Destinatarios/as: calquera persoa, sen necesidade de que teña coñecementos previos da materia. 

Datas: do 8 ao 18 de xullo, de 10.00 a 14.00 horas. 

Duración: 36 horas 

Obxectivo: Construción dunhas Tarrañolas, sobre as que faremos diversos tipos de ornamentación 

Programa:
Construcción dunhas tarrañolas según plantilla, deseño da ornamentación, talla sinxela, incrustación de puntos, incrustación de figuras irregulares ... 

Material a aportar polo alumnado:
Pelos de serra de marquetería (nº 2 ou 4), xogo de gubias para talla, xogo de limas de agulla ou limatóns. 

Alumnado máximo: 8

“CUN 6 E UN 4, FAGO O TEU RETRATO, E CON ENCAIXE, ÁTOO”

Impartido por Rosa García e Marian Nuñez mestres das especialidades de TALLA E ESCULTURA EN MADEIRA e DESEÑO E ENCAIXE DE PALILLOS, da EMAO 

Destinatarios/as: calquera persoa, sen necesidade de que teña coñecementos previos. 

Datas: do 8 ao 18 de xullo, de 10:00 a 14:00 horas. Duración: 36 horas 

Obxectivo: Realizar un retrato coas técnicas do encaixe e gravado. A partir dun diálogo transversal de distintas disciplinas, como parecen o encaixe e o gravado, buscamos o punto de mestura entre o volume do tecido e a pegada no papel, dende a aproximación ás técnicas básicas das dúas especialidades xogaremos cos fíos e as formas, descubrindo novos procedementos e procesos, mantendo un primeiro contacto cos materiais dende o proceso creativo. 

Programa:
Talla en madeira
O gravado en relevo 

Aproximación ás diferentes técnicas aditivas 

O gravado gofrado 

Distintos papeis para a técnica seca

Realización dun retrato a partir dunha matriz de encaixe palillos 

Deseño e encaixe de palillos
Materiais e ferramentas a empregarán

Deseño para a estrutura do encaixe 

Enchido dos palillos 

Realización básica do punto do tecido e cordóns (Par enteiro)

Enganachar o fío sobre si mesmo para completar a peza realizada

Remate da peza de tecido para xogar con distintas tintas de gravado 

Material a aportar polo alumnado: 

1 papel de gravado Hahnemühle 300gr. 2 pares de palillos. Fios. Ganchillo nº 11.
Alumnado máximo: 10 

CONDICIÓNS COMÚNS A TÓDOLOS CURSOS

Duración dos cursos: 36 horas 

Datas: Entre o 8 e o 18 de xullo de 2024. Horario de mañá 

Lugar: Aulas e talleres da Escola Municipal de Artes e Oficios de Vigo (EMAO)

Prazas limitadas: Ver número máximo de alumnos/as na convocatoria específica

Inscrición: Gratuíta. Mediante envío de correo electrónico, no prazo indicado a continuación, a emao@vigo.org, cos seguintes datos (imprescindibles): 

• Asunto: [nome do curso]
• Nome e apelidos do/a solicitante
• DNI
• Enderezo de correo electrónico no que desexan recibir a confirmación de admisión, se é o caso.

Admisión de solicitudes:

• Non poderán inscribirse as persoas matriculadas na EMAO no curso 2023-2024.
• Só se admiten persoas maiores de 16 anos.
• Só serán válidas as solicitudes que cumpran estritamente as condicións indicadas nesta convocatoria para cada curso en concreto.
• A inscrición farase por estrita orde de recepción do correo electrónico de solicitude, ata cubrir o máximo de prazas ofertadas.
• O prazo para solicitar a inscrición será desde as 00:00h do 17 de xuño, ata as 24:00h do 21 de xuño de 2024. Non serán válidas as solicitudes presentadas con anterioridade e posterioridade a estas datas.
• A confirmación da matrícula realizaraa a EMAO exclusivamente por correo electrónico. No caso de producírense vacantes no primeiro día do curso, convocarase á lista de reserva. 

Cadro resumo

Escola de verán EMAO 2024. Cursos Monográficos

Nome do curso	Especialidade/s	Profesorado	Datas	Horario	Nº máximo alumnado
UN CHARRASCO DIVINO E ESPIRITUOSO	Ourivaría CAIM Zanfona	Sandra de Jesús Xaime Rivas	08 - 18 de xullo	10.00h - 14.00h	12
NON SEI COSER UN BOTÓN	Moda e confección	Emma Pintos	08 - 18 de xullo	09.00h - 13.00h	12
IMOS FACER PLENEIRISMO	Pintura Debuxo artístico	Darío A. Basso Federico Fernández	08 - 18 de xullo	09.00h - 13.00h	15
ESTAMPADO ESTIVAL PARA PRAIA OU FESTIVAL	Serigrafía artística Artesanía en coiro	Alba Pardo Pepe Pereira	08 - 18 de xullo	10.00h - 14.00h	10
INICIACIÓN NA ORNAMENTACIÓN	CAIM Gaita	Carlos Corral	08 - 18 de xullo	10.00h - 14.00h	8
CUN 6 E UN 4, FAGO O TEU RETRATO, E CON ENCAIXE, ÁTOO	Talla e escultura en madeira Deseño e encaixe de palillos	Rosa García Marián Núñez	08 - 18 de xullo	10.00h – 14.00h	10

7-6-2024. Venres da EMAO presenta "Gaiteiros ao piano. 18 pezas de mestres da gaita galega para piano elemental" por Xaime Estévez Vila [CAIM GAITA]

Xaime Estévez Vila (Profesor superior de Musicoloxía, Pedagoxía Musical, Linguaxe Musical e Piano; Doutor en Ciencias da Educación; Catedrático de Música en Secundaria; Premio Fundación Guerrero de musicoloxía do Real Conservatorio Superior de Música de Madrid polo traballo sobre a vida e obra do mestre Soutullo -1992- e Premio Extraordinario de doutorado da UNED -2006- pola tese sobre a aplicación didáctica da música galega):

"Cando descubrín a miña vocación pola música encetei de primeiras piano e ao pouco coa gaita. Dende sempre lembro "xogar" coas melodías tradicionais no teclado. Entre o piano e a gaita (e tamén a zanfona, acordeón ou a frauta) certas melodías foron facéndose familiares na miña paisaxe sonora instrumental. Por último xuntáronse hai pouco varias ideas que confluíron finalmente neste álbum de pezas para piano. Con toda humildade estou agradecido e orgulloso de tributar este recoñecemento á tradición musical coa honestidade que me fai incluír a estes gaiteiros e gaiteiras como parte imprescindible da mellor cultura galega que permite que a tradición siga viva a través das mulleres e homes do presente".

Presentado por Carlos Corral (mestre de Construción Artesanal de Instrumentos Musicais -CAIM- Gaita da EMAO)
Data: 07 de xuño de 2024
Hora: 19.00h
Lugar: Biblioteca da Escola Municipal de Artes e Oficios de Vigo

Entrada libre ata completar aforo

Fotos da Conferencia de Diego Alonso sobre "Gaitas de barquín e a súa construción" [VENRES EMAO]

15-3-2024. Venres da EMAO presenta "Gaitas de barquín e a súa construción" por Diego Alonso [CAIM GAITA]

 

A gaita de barquín conservouse no Baixo Miño até principios do século XX. Gaitas de insuflación mecánica que tiñan a característica de ter dous roncos sobre o ombreiro saíndo da mesma buxa. Diego Alonso falaranos delas e da súa construción, en base á experiencia adquirida durante a elaboración do seu proxecto para o curso Avanzado da especialidade de CAIM Gaita nesta escola, onde puido construír dúas réplicas da gaita de Estás (Tomiño).

Presentado por Carlos Corral (mestre de CAIM Gaita da EMAO)
Data: 15 de marzo de 2024
Hora: 19.00h
Lugar: Biblioteca da Escola Municipal de Artes e Oficios de Vigo


Entrada libre ata completar aforo

Variacións estéticas na gaita [CAIM GAITA]

De cando en vez temos algún alumno que sinte a necesidade de ir un pouco máis alá e decide darlle un toque máis personal a súa gaita.

Este é o caso de Toni, alumno de básico, que quixo facer variacións no deseño exterior do seu instrumento para, se cabe, facelo aínda máis seu. Para elo tomou como referencia dous dos modelos que temos, facendo unha mestura de ambos e dándolle o seu toque personal. Lóxicamente os cambios non afectan á calidade sonora do instrumento, xa que son puramente estéticos, e temos que ter en conta que Toni está no primeiro curso e ainda non adquiriu as competencias suficientes para abordar modificacións máis profundas, pero visto o resultado todo se andará.

Resumo en Fotos das Outras Actividades Culturais na Hemeroteca [BIBLIOTECA-EXTENSIÓN CULTURAL]

 10-11-2023. Visita do CEMU Profesional de Música de Torroso-Mos.

.

9-11-2023. Forum IEV 2023. Mesa Redonda "Proxección Empresarial de Vigo. Empresas de Futuro Kaleido, Marine Struments e Alén Space" 

8-11-2023 ás 19:30. Presentación do Poemario "Onde ferve a memoria" de Xavier Rodríguez Baixeras

 

8-11-2023 ás 16:30. Visita da Asociación Juan Soñador

 

 

 

7-11-2023. Nós Diario celebra os 1000 números editados

 

  

6-11-2023. Visita de Rosalía. Un Espectáculo Músico-Teatral de María Alonso