Fotos da presentación "Laboratorio de cordas" con José Catoira e Pablo Sánchez [VENRES EMAO]

22-5-2026. Venres da EMAO presenta "Laboratorio de Cordas" con José Catoira e Pablo Sánchez [DEPARTAMENTO MÚSICA TRADICIONAL DA EMAO]

 

José Catoira é un luthier coruñés con obradoiro en Ribadavia que divide o seu tempo entre Galicia e Cremona, onde constrúe instrumentos inspirados no estudo da escola clásica italiana dos séculos XVII e XVIII.
Pablo Sánchez é guitarreiro e no seu obradoiro da Coruña constrúe guitarras clásicas, mandolinas e outros instrumentos da familia da corda pulsada, así como tamén fai reparacións e axustes de instrumentos históricos.
Laboratorio de Cordas é o punto de encontro destes dous violeiros coruñeses, un espazo para a creatividade, un xeito de traballar libre e sen ataduras á tradición que ten moitas veces a violería clásica, buscando dar renda solta ás ideas e conceptos a desenvolver, xa sexa na forma, nos materiais ou no propio uso dos instrumentos.

Presentado por Begoña Riobó (técnica do Dpto de Música Tradicional da EMAO)
Data: 22 de maio de 2026
Hora: 19.00h
Lugar: Biblioteca da Escola Municipal de Artes e Oficios de Vigo

Entrada libre ata completar aforo.

11 e 12 de abril de 2026. 3º Encontro Profesional Galego de Construción de Instrumentos Musicais [DEPARTAMENTO DE MÚSICA TRADICIONAL DA EMAO]

 

Sábado 11 e domingo 12 de abril, en horario de 11.00h a 14.00h e de 16.30h a 20.00h

As instalacións da EMAO acollerán, os días 11 e 12 de abril, o “3º Encontro Profesional Galego de Construción de Instrumentos Musicais”, evento que, organizado por LABRA (Asociación Profesional Galega de Construcción de Instrumentos Musicais), desenvolverá interesantes actividades relacionadas coas diversas facetas que conleva a construción de instrumentos musicais, especialidade con estreitos vencellos coa nosa escola.

Deste xeito, e tal e como se recolle na súa propia entrada do Programa dos Días Europeos da Artesanía 2026, o Encontro comprende unha exposición de instrumentos construídos polos asociados de LABRA que queiran participar en cada edición, así como unha serie de actividades complementarias entre as que haberá:

• Presentacións de proxectos individuais que podan ser de interese para o grupo ou para o público.
• Faladoiros de temas específicos dirixidos ao público profesional.
• Concertos que serven de mostra do traballo dos asociados. 
• Debates internos nos que se tratan temas específicos de interese para a Asociación.

Programa 3º Encontro

Fotos da presentación do libro "O violín que trae o vento" por Adrián Méndez [VENRES EMAO]

30-1-2026. Venres da EMAO presenta o libro "O violín que trae o vento" por Adrián Méndez [DEPARTAMENTO DE MÚSICA TRADICIONAL]

 

 "O violín que trae o vento"

Adrián Méndez, músico, investigador e docente vencellado á cultura popular galega, gaiteiro e zanfonista en De Ninghures e coordinador da Foliada da Fonsagrada, presenta "O violín que trae o vento", un libro que recupera a figura de Modesta Fernández López, a cega de Noceda, violinista da Fonsagrada e voz singular da música tradicional. A través da memoria de quen a coñeceu, a obra reconstrúe a súa vida e o seu xeito de sentir e interpretar a música, complementándose con gravacións que traen ao presente o seu legado.

Coa participación do dúa Pärbo, Marina Carpente e Matría Jorge

Presentado por Begoña Riobó (técnica do Departamento de Música Tradicional da EMAO)
Data: 30 de xaneiro de 2026
Hora: 19.00h
Lugar: Biblioteca da Escola Municipal de Artes e Oficios de Vigo

Entrada libre ata completar aforo.