Desde hai máis de 100 anos, o 8 de marzo é un día que celebra os
dereitos conquistados polas mulleres en todos os ámbitos e conmemora a
longa historia de loitas e sacrificios para conseguilos. Na actualidade,
durante esta xornada, organízanse marchas e manifestacións en todo o
mundo para denunciar que aínda queda moito camiño por percorrer ata
alcanzar esta desexada igualdade real entre homes e mulleres.
No ámbito que nos ocupa, a arte e os oficios artísticos, continua a
loita das mulleres para alcanzar o lugar que lles corresponde. Desde
hai séculos a muller estivo presente nas artes visuais. O seu
protagonismo como suxeito da arte asociouse na antigüidade coa artesanía
en téxtiles, mentres que a partir do século XVII só casos puntuais
alcanzan o recoñecemento de artes visuais.
Mulleres pintoras hóuboas sempre. Tamén escultoras, talladoras, carpinteiras, gravadoras, ourives, vidreiras. Non hai rexistros de quen eran os artistas da época prehistórica, pero
os estudos dos primeiros etnógrafos e antropólogos culturais indican que
as mulleres adoitaban ser as principais artesás das culturas neolíticas, nas cales crearon cerámica, teas, cestas, superficies pintadas e xoias. Na Alta Idade Media, era frecuente que mulleres e homes traballasen
xuntos. As ilustracións dos manuscritos, os bordados e os capiteis
tallados son claros exemplos do traballo artístico das mulleres nesa
época. As artistas adoitaban pertencer a dúas clases cultas: aristócratas ricas ou monxas. A miúdo, as mulleres da primeira clase bordaban e tecían; as da outra clase, adoitaban ilustrar manuscritos.
.jpg)
