17-4-2024. Masterclass sobre "Corte e preparación de pezas para marroquinaría" por Jorge Antolin [COIRO]

Este mércores 17 de abril ás 17:00, nova actividade complementaria da exposición "O Mapa" que pode visitarse ata o 22 de abril no Espazo EMAO.

11-4-2024. Masterclass sobre "Guadamecil contemporáneo e aplicacións de cór" por Nelson Gómez Callejas [COIRO]

 

Este xoves 11 de abril ás 17:00, nova actividade complementaria da exposición "O Mapa" que pode visitarse ata o 22 de abril no Espazo EMAO.

20-3-2024. Masterclass sobre "Corte e preparación de tireta de coiro para costuras e trenzados" por Isaac Romero Esteras [COIRO]

 

Este mércores 20 de marzo, nova actividade complementaria á exposición "O Mapa" que pode visitarse ata o 22 de abril no Espazo EMAO. A continuación podedes ver o cartaz con todas as actividades do programa "Do taller á Escola 2024".

 

"Florido cueril" Masterclass do artesán José Villar López na hemeroteca [COIRO]

Esta tarde ás 17.00 horas, José Villar López, alma máter do  "Taller 1924" e "MACK Silleda" impartira unha masterclass sobre a elaboración de flores de coiro e máis cousas. Dirixida especialmente ao alumnado da especialidade de Artesanía en coiro.

 

Esta clase práctica inclúese no programa de actividades organizadas ao redor da exposición "O Mapa" que pode visitarse no Espazo EMAO (Sala de exposicións da Escola Municipal de Artes e Oficios de Vigo. (Entrada polas rúas Pontevedra e Rosalía de Castro). De luns a venres, laborables de 19.00 a 21.00 horas (do 25 de marzo ao 1 de abril, de 11.00h a 13.00h).

 

Entrada libre ata completar aforo.

Fotos da inauguración da exposición "O Mapa" [Espazo EMAO]

26-2-2024. Inauguración da Exposición O Mapa, 6ª Bienal do Coiro da EMAO [ESPAZO EMAO]

"O Mapa", representa a sexta edición da Bienal do Coiro que a EMAO organiza desde o ano 2013, consolidándose como referencia obrigada neste ámbito da artesanía. A cada edición déuselle un enfoque singular que fixera visibles as propiedades artísticas e funcionais do coiro. 

Nesta edición, trabállase a idea da elaboración dun mapa no que os puntos de interese relacionados co coiro sexan as referencias xeográficas que nos poidan axudar a establecer un roteiro cos puntos “coiristicamente” máis representativos. Con esta exposición quérese comezar debuxando ese mapa por capas, establecendo un roteiro que una ás Escolas nas que se ensina a traballar o coiro mantendo vivo o oficio, á vez que outro roteiro una aos Museos, específicos ou cunha importancia relevante do coiro. Así, nesta exposición, únense Madrid, Igualada, Burgos, Vic, Pontevedra, Córdoba, Ubrique, Monforte de Lemos, Allariz, Silleda e Vigo, que é a orixe e destino desta viaxe no Coiro. O alumnado da Escola (actual e pasado) terá o seu protagonismo, achegando exemplos de traballos realizados. En paralelo, desenvolveranse actividades (másterclass, visitas, conferencias ...) que complementan o programa da Exposición.

Mentres as Escolas e os Museos sigan mantendo o seu esforzo na conservación e promoción do Coiro e os seus oficios, o traballo de moitos artesáns, que durante séculos ennobreceu este material, seguirá vivo ...

Nome: O Mapa
Lugar: Espazo EMAO. Sala de exposicións da Escola Municipal de Artes e Oficios de Vigo. (Entrada polas rúas Pontevedra e Rosalía de Castro)
Datas: do 26 de febreiro ao 22 de abril de 2024
Horario: De luns a venres, laborables de 19.00 a 21.00 horas (do 25 de marzo ao 1 de abril, de 11.00h a 13.00h)
Comisariado: Pepe Pereira, mestre de Artesanía en Coiro da EMAO.
Cartaz: Alba Pardo Cartelle
Produción e montaxe: Escola Municipal de Artes e Oficios de Vigo
Axudante de montaxe: Eduardo Sánchez Arteaga