 |
| Martes 30 de abril ás 19.30 |
luns, 29 de abril de 2024
30-4-2024. Presentación do libro "La cueva de la ballena" de Miguel Ángel Rodriguez [OUTRAS NOVAS]
29-4-2024. Presentación do libro Francisco Villamil [OUTRAS NOVAS]
 |
| Luns, 29 de abril ás 19.30 |
Este luns 29 de abril terá lugar a presentación do libro de Eddy E. Jiménez sobre Francisco Villamil, heroe da guerra de Cuba con orixes galegas. Trátase da edición conmemorativa do 40º aniversario da Asociación Amizade galego-cubana “Francisco Villamil”.
Resumo en imaxes das outras actividades culturais da semana do 22 ao 26 de abril [OUTRAS NOVAS]
25-4-2024. Conferencia "Francis Drake en la Ría de Vigo, 1585 y 1589" por Juan Antonio Gelabert [FORUM IEV]
24-4-2024. Poéticas diversas. Corpo a corpo coa palabra, a música e a danza contemporánea [OUTRAS NOVAS]
23-4-2024. Conversas sobre a poética trasatlántica [ATENEO ATLÁNTICO]
23-4-2024. Obradoiro de Emprendemento. Vigo Emprende
22-4-2024. Presentación do libro "O teu perfin na miña sombra" de Xina Vega [ATENEO ATLÁNTICO]
venres, 26 de abril de 2024
26-4-2024. Venres da EMAO presenta a proxección do documental “Fíos fóra. Historias de obreiras entre costuras e patróns" [MODA]
Proxección do documental “Fíos fóra. Historias de obreiras entre costuras e patróns", realizado pola produtora Illa Bufarda para Amarante SETEM, e coloquio posterior.
"Por moi finos que sexan, detrás de todos os fíos que nos rodean hai historias. As mulleres galegas que traballaron no sector téxtil desde os 60 foron a man de obra perfecta e cativa para levantar unha industria xigante que agora se atopa deslocalizada. Este documental fai unha pelota de la do sector téxtil aquí e fóra, antes e agora. A historia repítese nos fíos doutros lugares, nos nós deste sistema" (Filmaffinity).
"Por moi finos que sexan, detrás de todos os fíos que nos rodean hai historias. As mulleres galegas que traballaron no sector téxtil desde os 60 foron a man de obra perfecta e cativa para levantar unha industria xigante que agora se atopa deslocalizada. Este documental fai unha pelota de la do sector téxtil aquí e fóra, antes e agora. A historia repítese nos fíos doutros lugares, nos nós deste sistema" (Filmaffinity).
Presentado por Emma González (mestra de Moda e confección da EMAO)
Data: 26 de abril de 2024
Hora: 19.00h
Lugar: Biblioteca da Escola Municipal de Artes e Oficios de Vigo
Entrada libre ata completar aforo
mércores, 24 de abril de 2024
Exposición Colmeiro, punta seca [SERIGRAFÍA]
Visitamos a exposición Colmeiro, punta seca presentada pola Fundación Laxeiro e composta por corenta e oito gravados de Manuel Colmeiro (1901-1999) datados entre finais dos anos trinta e a década dos corenta, algúns deles inéditos, que foron reunidos e publicados nunha carpeta en 2022 pola Fundación Museo de Artes do Gravado á Estampa Dixital, de Ribeira. Estes corenta e oito gravados están expostos xunto ás matrices orixinais.
martes, 23 de abril de 2024
Día do Libro 2024 [BIBLIOTECA]
O 23 de abril conmemórase o Día Mundial do Libro e do Dereito de Autor. A razón: o 23 de abril de 1616 falecían Cervantes, Shakespeare e Inca Garcilaso de la Vega. Tamén nun 23 de abril naceron – ou morreron – outros escritores eminentes como Vladimir Nabokov, Josep Pla ou Manuel Mejía Vallejo. Por este motivo, esta data tan simbólica para a literatura universal foi a escollida pola Conferencia Xeral da UNESCO, en 1995, para render unha homenaxe mundial ao libro e os seus autores.
En España, a celebración do Día do Libro, na súa orixe, estaba fixada o 7 de outubro, data na que se consideraba que había nado Miguel de Cervantes.
Foi o escritor valenciano Vicente Caravel o que impulsou a proposta de dedicar un día de cada ano para celebrar a Festa do Libro. Proposta que presentou na Cámara Oficial do Libro de Barcelona en 1923. Dous anos despois, Caravel reiterou a súa proposición en Cataluña e iniciou estas mesmas xestións en Madrid.
O 6 de febreiro de 1926, o rei Alfonso XIII aprobou e asinou o Real Decreto polo que se estipulaba que cada 7 de outubro conmemoraríase o nacemento do autor do Quixote cunha festa dedicada ao libro español.
En 1930, acordouse trasladar a Festa do Libro ao 23 de abril, parece ser que por ser a primavera unha data máis propicia para a organización de actividades ao aire libre. A publicación de novidades e a organización de actos de firmas de exemplares cos autores, tradición que chegou ata os nosos días, comezaron a xeneralizarse tamén a partir desa data.
Será en 1995, cando o goberno español presente á UNESCO a proposta da Unión Internacional de Editores para establecer o 23 de abril como Día do Libro e do Dereito de Autor a escala mundial.
Desde entón e ata os nosos días, en todo o mundo celébrase o Día do Libro e do Dereito de Autor o 23 de abril, como unha forma de fomentar a lectura, recoñecer a figura do autor e procurar o fortalecemento da industria editorial de cada país.
Fonte: Web Ministerio de Cultura
luns, 22 de abril de 2024
“Fíos fóra. Historias de obreiras entre costuras e patróns". Filme documental [MODA]
Sinopse:
Por moi finos que sexan, detrás de todos os fíos que nos rodean hai historias. As mulleres galegas que traballaron no sector téxtil desde os 60 foron a man de obra perfecta para levantar unha industria xigante que agora se atopa deslocalizada. Este documental fai un nobelo do sector téxtil aquí e fóra, antes e agora. A historia repítese nos fíos doutros lugares, nos nós deste sistema.
Nos anos 80 e 90, o sector téxtil en Galicia experimentou un auxe significativo. A rexión converteuse nun dos principais centros téxtiles de España, cunha gran cantidade de fábricas e empresas dedicadas á produción de pezas de vestir, téxtiles para o fogar e outros produtos relacionados. O sector téxtil galego creceu en gran parte grazas á demanda interna e tamén á exportación, con empresas que vendían os seus produtos a outros países europeos e máis aló. Este crecemento impulsou a economía local e proporcionou emprego a moitas persoas, especialmente en áreas rurais onde a industria téxtil era unha fonte importante de traballo.
Con todo, cara a finais dos anos 90 e principios dos 2000, a competencia de países con custos laborais máis baixos, como China e outros países asiáticos e os cambios no mercado global levaron a unha crise no sector téxtil galego, co peche de moitas fábricas e a perda de empregos.
A medida que avanzaban os anos 2000, levouse a cabo unha reestruturación do sector en resposta á necesidade de que as empresas adoptasen novas estratexias para competir no mercado global. A pesar dos desafíos, algunhas empresas téxtiles galegas lograron adaptarse, diversificar a súa oferta e atopar nichos de mercado onde podían destacar.
Monotipia con Ramón Trigo [DEBUXO]
Ramón Trigo é un artista multidisciplinar, pintor, ilustrador, escultor..., que é ben coñecido na nosa Escola. Foi invitado en varias ocasións a presentar os seus traballos literarios que realiza en colaboración co seu irmán Xosé. Na última desas visitas presentou CASA QUEIMADA, un proxecto ben bonito que narra a historia en forma de BD dunha traxedia na que o lume destrúe unha casa familiar, e a súa rexeneración posterior nun espazo artístico. Cando os irmáns Trigo viñeron a presentar o libro, Ramón trouxo orixináis daqueles debuxos. Estaban realizados ca técnica de estampación da monotipia.
Eu son un enamorado deste tipo de técnicas indirectas, xa que o resultado, ainda que sexa un desastre sempre te sorprende.
23-4-2024. Conversas sobre a poética trasatlántica [ATENEO ATLÁNTICO]
Este martes 23 de abril, a partir das 19.30 horas na nosa biblioteca conversarán arredor da poética trasatlántica, Alberto Avendaño e María Xosé Porteiro. Ademais, Alberto Avendaño recitará algúns dos seus poemas.
23-4-2024. Obradoiro de Emprendemento. Vigo Emprende [OUTRAS NOVAS]
 |
| Martes 23 de abril ás 10.00 |
Logo das primeiras entrevistas do noso orientador laboral, Xosé Alberte Cea, cos docentes e o alumnado resulta evidente
que unha das principais inquedanzas é saída
laboral moi relacionada co autoemprego, que ainda sendo unha saída de interese, suscita numerosas dúbidas.
Por esta razón programáronse dous talleres co Servizo Municipal de Apoio ó Emprendemento, un para o pasado luns 15 de abril ás 16.00 horas e outro para este o martes 23 de abril ás 10.00.
Estes obradoiros servirán como presentación deste servizo ao alumnado que poderá comprobar o que este pode achegarlles. Darase unha idea xeral do
que é hoxe emprender, cun enfoque orientado ó traballo en talleres e aos
oficios. Na parte final haberá tempo para facer preguntas.
22-4-2024. Presentación do libro "O teu perfin na miña sombra" de Xina Vega [ATENEO ATLÁNTICO]
O luns 22 de abril, ás 19.30, na biblioteca da EMAO, Xina Vega presenta o seu último libro, O teu perfil na miña sombra (Diario dunha nai). No acto estará acompañada de Carme Adán, Inma López Silva e Marcos Calveiro.
Resumo en imaxes das outras actividades culturais da semana do 15 ao 19 de abril [OUTRAS NOVAS]
18-4-2024. Emilia Pardo Bazán no Balneario de Mondariz por Fernando Souza Caride. Ciclo a Historia e os seus Personaxes [BALNEARIO DE MONDARIZ]
17-4-2024. Masterclass sobre "Corte e preparación de pezas para marroquinaría" por Jorge Antolin [COIRO]
16-4-2024. As cousas de María. Espectáculo músico-teatral de María Alonso [OUTRAS NOVAS]
16-4-2024. Visita do Grupo de Pintura e Gravado do Concello de Nigrán
15-4-2024. Obradoiro de Emprendemento. Vigo Emprende [FACER ESCOLA]
venres, 19 de abril de 2024
Visita á Cocina Gráfica [SERIGRAFÍA]
Esta semana fomos ás xornadas de Preimpresión e Impresión organizadas pola Cocina Gráfica do Colegio Hogar. Foi un interesante punto de encontro para experimentación gráfica onde poidemos ver o funcionamento de diversa maquinaria de impresión e corte.
19-4-2024. Venres da EMAO presenta "Contrapuntos. Arte, artesanía e deseño" [DESEÑO E ENCAIXE DE PALILLOS]
Mesa redonda e coloquio sobre arte, artesanía e deseño, coa participación de Carmen Lage (doutora en Belas Artes, docente na Universidade de Vigo, Investigadora -Grupo PR3CULT- e artista, docente do Corpo de Ensinanzas Artísticas Superiores), Laura Navarrete (licenciada en Belas Artes pola Universidade de Barcelona, docente en artes plásticas e investigadora da Universidade de Barcelona), Ramiro Agulla (deseñador de interiores, escultor e ceramista) e Susana Román (docente e xefa de estudos en Aula D, deseñadora de interiores, técnica superior pola Escola Aula D e graduada pola Escola Picasso da Coruña).
Presentado por Marian Núñez (mestra de Deseño e encaixe de palillos da EMAO)
Data: 19 de abril de 2024
Hora: 19.00h
Lugar: Biblioteca da Escola Municipal de Artes e Oficios de Vigo
Entrada libre ata completar aforo
mércores, 17 de abril de 2024
18-4-2024. Emilia Pardo Bazán no Balneario de Mondariz por Fernando Souza Caride. Ciclo a Historia e os seus Personaxes [OUTRAS NOVAS]
O Balneario de Mondariz organiza o ciclo de conferencias "A historia e os seus personaxes", sobre persoeiros históricos relacionados coa vila termal e a súa historia, que se desenvolve desde o ano 2023 e continua no 2024 con motivo do 150 aniversario da fundación do establecemento termal.
Este xoves, ás 19.00 horas, será a quenda dunha muller asidua á vila termal á que converteu no seu lugar de recreo e nun destino de moda. Emilia Pardo Bazán animada pola amizade que lle unía a Enrique Peinador, “campou ás súas anchas” polo balneario onde convidaba os seus amigos e compañeiros a modo de cuadrilla estival. Segundo reflicte o "Álbum de Honra", libro que recolle as firmas dos clientes máis selectos do balneario, a escritora acode por primeira vez a tomar as súas augas en setembro de 1887.
Fernando Souza Caride analiza a glamurosa vida social da
Pardo Bazán no Balneario, na que se darán a coñecer
anécdotas dos veráns en Mondariz de Dona Emilia a partir das súas
tres paixóns: a cociña, a moda e o amor.
martes, 16 de abril de 2024
17-4-2024. Masterclass sobre "Corte e preparación de pezas para marroquinaría" por Jorge Antolin [COIRO]
Este mércores 17 de abril ás 17:00, nova actividade complementaria da exposición "O Mapa" que pode visitarse ata o 22 de abril no Espazo EMAO.
luns, 15 de abril de 2024
16-4-2024. As cousas de María. Espectáculo músico-teatral de María Alonso [OUTRAS NOVAS]
 |
| Martes 16 de abril ás 20.00 horas |
15-4-2024. Obradoiro de Emprendemento. Vigo Emprende [OUTRAS NOVAS]
 | |||
| Luns 15 e Martes 23 de abril |
Logo das primeiras entrevistas do noso orientador laboral, Xosé Alberte Cea, cos docentes e o alumnado resulta evidente
que unha das principais inquedanzas é saída
laboral moi relacionada co autoemprego, que ainda sendo unha saída de interese, suscita numerosas dúbidas.
Por esta razón programáronse dous talleres co Servizo Municipal de Apoio ó Emprendemento, un para o luns 15 de abril ás 16.00 horas e outro para o martes 23 de abril ás 10.00.
Estes obradoiros servirán como presentación deste servizo ao alumnado que poderá comprobar o que este pode achegarlles. Darase unha idea xeral do que é hoxe emprender, cun enfoque orientado ó traballo en talleres e aos oficios. Na parte final haberá tempo para facer preguntas.
Subscribirse a:
Publicacións (Atom)