Fotos da conferencia Arte no refugallo por Rodrigo Riveiro [VENRES EMAO]

 

 

Fotos da conferencia de Virginia R. Lorenzo "Técnica, memoria e territorio: un percorrido pola historia de Joyas de la Raspa" [VENRES EMAO]

*Foto de Hugo Izarra

*Foto de Hugo Izarra

*Foto de Hugo Izarra

*Foto de Hugo Izarra

*Foto de Hugo Izarra

*Foto de Hugo Izarra

*Foto de Hugo Izarra

*Foto de Hugo Izarra

 

*Agradecemos a Hugo Izarra, escritor e xornalista, as fantásticas fotos que nos enviou do pasado Venres da EMAO no que Virginia R. Lorenzo, fundadora xunto con Miguel Sánchez-Cantón da marca Joyas de la Raspa, achegounos á intrahistoria da Raspa. Unha tarde inesquecible.

9-5-2025. Venres da EMAO presenta "Técnica, memoria e territorio: un percorrido pola historia de Joyas de la Raspa" [OURIVARÍA]

 

Dende o debuxo inicial ata o pulido final, cada peza esculpida no obradoiro de Joyas de la Raspa leva impreso o ritmo do mar e o pulso de quen a crea. Virginia R. Lorenzo, fundadora xunto con Miguel Sánchez-Cantón da emblemática marca viguesa, explora no seu traballo a conexión entre a ourivaría contemporánea, a contorna mariña e a persistencia da memoria. Na súa próxima charla, compartirá a intrahistoria da Raspa e o proceso creativo co que dá forma ás súas xoias, inspiradas na fauna e flora atlánticas e elaboradas con técnicas tradicionais. Unha cita ineludible para comprender a maxia que se agocha tras case catro décadas de experimentación, perseveranza e esforzo constantes.

Presentado por Sandra de Jesus Fernández (mestra de Ourivaría da EMAO)
Data: 9 de maio de 2025
Hora: 19.00h
Lugar: Biblioteca da Escola Municipal de Artes e Oficios de Vigo

Entrada libre ata completar aforo.

Fotos da inauguración da exposición "Joyas de la raspa, 1990-2025" [ESPAZO EMAO]

 

4-4-2025. Inauguración da exposición "Joyas de la raspa 1990-2025" [ESPAZO EMAO]

A EMAO está a homenaxear, cunha exposición por curso, aquelas iniciativas creativas, artísticas e artesás xurdidas, dalgunha maneira, do seu seo; especialmente aquelas que destaquen nalgún dos eixos sobre os que pivota a actividade educativa e cultural da EMAO: a excelencia técnica, a creatividade e a interdisciplinariedade. Neste curso temos o privilexio de poder amosar a obra dunha das máis salientables e exitosas realidades artísticas e empresariais que tiveron a súa orixe nas ensinazas e obradoiros da escola: a recoñecida marca “Joyas de la raspa”.

"En 1986, á beira do mar, comeza esta fermosa viaxe que ten moito que ver coa vida, co amor, co mar e coa ourivaría. Virginia R. Lorenzo e Miguel Sánchez-Cantón matriculáronse na Escola Municipal de Artes e Oficios de Vigo (daquela baixo o nome de Universidade Popular) en 1987 e 1988 respectivamente, para formarse na especialidade de Ourivaría. Atoparon aquí un modo de expresión, unha linguaxe tanxible por medio do metal para dar forma a súa creatividade. En 1989 naceu a colección “Raspa”, emblema da marca ata hoxe, núcleo e fío condutor da súa xoiaría. Neste tempo, do seu taller naceron máis de duascentas coleccións, a maioría delas xoias de prata, pero tamén pezas de cerámica, coiro, madeira, etc. Todas as súas creacións, as colaboracións con outros artistas, as múltiples exposicións e os dous Premios Nacionais de Deseño recibidos entre outros, brindan a este oficio unha inmensa creatividade, un magnifico deseño e o gusto polo bo facer.

Con esta exposición celebramos que Virginia e Miguel comezaron a súa andaina nesta casa, a EMAO, pero tamén o seu magnífico traballo que observamos a través das xoias de “Joyas de la raspa” dende os seus comezos ata os nosos días, exaltando aquelas obras que foron de gran importancia neste o seu camiño de vida, arte e oficio".

Sandra de Jesus, mestra de Ourivaría da EMAO

 FICHA DA EXPOSICIÓN

Nome: Joyas de la raspa 1990-2025

Lugar: Espazo EMAO. Sala de exposicións da Escola Municipal de Artes e Oficios de Vigo. (Entrada polas rúas Pontevedra e Rosalía de Castro)

Datas: do 4 de abril ao 23 de maio de 2025

Horario: De luns a venres, laborables de 19.00 a 21.00 horas

Comisariado: Sandra de Jesus, mestra de Ourivaría, e Darío Álvarez Basso, mestre de Pintura.

Artistas: Virginia R. Lorenzo e Miguel Sánchez-Cantón (Joyas de la raspa)

Cartel e deseño gráfico: David de la Iglesia

Fotografías: Íñigo Martín

Edición e vídeos: Hugo Izarra.

Produción e montaxe: Escola Municipal de Artes e Oficios de Vigo, Virginia R. Lorenzo e Ángel Escaríz, 2025

Axudantes de montaxe: Eduardo Sánchez Arteaga, Olivia Sánchez-Cantón e Félix Álvarez.

 

Fotos da Montaxe da exposición "Joyas de la raspa" [ESPAZO EMAO]

       

Fotos da Conferencia de Rosa Mendez "A pureza da forma" [VENRES EMAO]

Sandra de Jesús e Rosa Mendez