A Exposición Proxectos 2022 (1ª Parte) na Prensa Local [ESPAZO EMAO]

 

Publicado en Atlántico Diario. 30-1-2023

 

Publicado en Faro de Vigo. 28-1-2023

 

Venres da EMAO 3-2-2023. Berta Cáccamo. Horas Felices [PINTURA]

 

Venres, 3 de Febreiro, ás 19:00

Presentación do libro:

BERTA CÁCCAMO. HORAS FELICES 

 

Interveñen:

• Xosé María Alvárez Cáccamo, Legado Berta Cáccamo
• Juan de Nieves, comisario e editor da publicación
• Patricia Dauder, artista

Esta publicación responde á exposición do mesmo título que tivo lugar no Museo Patio Herreriano de Valladolid entre xaneiro e xuño de 2022, primeira mostra retrospectiva da artista viguesa tras o seu falecemento no ano 2018.

Con textos de Juan de Nieves, comisario da exposición, e da artista Patricia Dauder, o libro, deseñado coidadosamente polo estudo Tipos Móbiles (Madrid), é unha produción editorial do Museo Patio Herreriano, xunto ao Legado Berta Cáccamo e a colaboración da galería Trinta de Santiago de Compostela.

Imaxes da Inauguración da Exposición Proxectos 2022. 1ª Parte [ESPAZO EMAO]

 

 

Exposición Proxectos 2022 [ESPAZO EMAO]

 

Esta nova exposición, dada a cantidade de obras participantes, realizarase en dúas partes:

• A primeira, inaugúrase o vindeiro día 27 de xaneiro e estará aberta ata o 23 de marzo.
• A segunda parte exhibirase entre os días 14 de abril e 26 de maio de 2023.

A exposición que agora presentamos recolle o producto final dos proxectos individuais do alumnado deste nivel seleccionados no curso 2021-22; en concreto, das especialidades de:

• Pintura
• Talla e escultura en madeira
• Debuxo artístico
• Serigrafía artística
• Cerámica
• Artesanía en coiro
• Moda e Confección
• Ourivería
• CAIM-Zanfona

As obras que se exhiben son a plasmación material dun ano de actividade de investigación, formación, conceptualización e fabricación, baixo as premisas derivadas dos eixes principais sobre os que pivota a actividade educativa e cultural da EMAO: a excelencia técnica, a creatividade e a interdisciplinariedade.

FICHA DA EXPOSICIÓN

Nome: Proxectos 2022 [Proxectos de fin de estudos do alumnado do curso 2021-22 -parte 1]
Lugar: Espazo EMAO (Sala de exposicións da Escola Municipal de Artes e Oficios de Vigo. (Entrada polas rúas Pontevedra e Rosalía de Castro)
Datas: do 27 de xaneiro ao 17 de marzo de 2023
Horario: De luns a venres, laborables de 19:00 a 21:00 horas
Comisariado: Alba Pardo Cartelle, mestra de Serigrafía artística e Pepe Pereira Somoza, mestre de Artesanía do coiro coa colaboración do profesorado de Debuxo, Pintura, Talla e escultura en madeira, Ourivería, CAIM zanfona e Moda e confección.
Cartaz: Federico Fernández Alonso
Produción e montaxe: Escola Municipal de Artes e Oficios de Vigo, 2023
Axudante de montaxe: Eduardo Sánchez Arteaga

Conferencia "Lembrando aos Mortos do Bou Eva" [OUTRAS NOVAS]

 

Mércores 25 de xaneiro ás 19:30

Lembrando os mortos do bou Eva

con
Xosé María Álvarez Cáccamo
Celso X. López Pazos
Jacinto Mosquera Nogueira 

O 23 de abril de 1937 nove persoas decidiron acabar coas súas vidas, a bordo do bou Eva, antes de caer nas mans de quen os asediaban. Sería o suicidio colectivo máis relevante de toda a Guerra Civil. Máis información  

Biblioteca da EMAO. Rúa García Barbón 5. Vigo

Rosa García inaugura a súa exposición "Máis aló do lugar habitado" na Sala Maruja Mallo da sede da Deputación en Vigo [OUTRAS NOVAS]

Este mércores 25 de xaneiro ás 19:00 horas, inaugura exposición a nosa mestra de Escultura e talla en madeira, Rosa García será na Sala Maruja Mallo. Baixo o título “Máis aló do lugar habitado”  Rosa García condensa varios dos temas recorrentes na súa traxectoria, como os espazos habitados, a Domus e a memoria, baixo a forma de gravado, fotografía e escultura. O seu traballo reflexiona sobre as maneiras de habitar e cohabitar os lugares en relación coa sociedade, o xénero e o medio ambiente.

 Non vola perdades!!!

Emilio Diéguez e O elo perdido da zanfona medieval [OUTRAS NOVAS]

Parabéns ao noso alumno de CAIM zanfona, Emilio Diéguez, polo artigo publicado hoxe no Faro de Vigo pola súa investigación sobre a orixen da zanfona que deu lugar ao zanfonistro, o elo perdido da zanfona medieval, recuperado a partir dunha escultura en pedra da Catedral de León. Este instrumento poderá verse desde este venres na exposición Proxectos 2022 no Espazo EMAO.

Animarvos a visitala!!!

Presentación do libro "El horizonte europeo" de Emilio Pérez Touriño [OUTRAS NOVAS]

Martes 24 Xaneiro ás 19:30  

Presentación do libro

 El horizonte europeo de Emilio Pérez Touriño
Coa presenza do autor 

e Uxío Labarta 

 

 

O autor reflexiona arredor de catro conceptos chave como son a Socialdemocracia, o Estado-Nación, a Unión Europea e o Federalismo a través da súa evolución marcada por tres momentos decisivos dos últimos oitenta anos de historia mundial: a reconstrución despois da segunda guerra mundial, o estoupido do neoliberalismo, e o tempo post-pandemia. Máis información

 

Biblioteca da EMAO. Rúa García Barbón 5. Vigo

Dispoñible o Catálogo dixital da exposición "A Escola de Artes e Oficios, 130 anos na Historia de Vigo. Parte I 1886-1976" [ESPAZO EMAO]

Trala publicación física en 2022, vimos de pendurar, para pública descarga, a versión dixital do libro-catálogo da Exposición A Escola de Artes e Oficios, 130 anos na Historia de Vigo. Parte I 1886-1976 que tivo lugar no Espazo EMAO entre os meses de xuño e outubro de 2019.

Portada do libro físico

O obxecto desta exposición foi amosar e analisar o desenvolvemento histórico da Escola Municipal de Artes e Oficios de Vigo dende a súa creación en 1886 ata o ano 1976. Con isto quérese demostrar a estreita relación e o papel esencial da EMAO no desenvolvemento urbano, arquitectónico, industrial e cultural de Vigo.

Así, a ideación e construción do maxestoso caserío do Ensanche vigués tivo unha relación directa ou indirecta, coas aulas, a biblioteca, talleres da EAO, profesorado e alumnado da Escola. Boa parte das persoas que hoxe recoñecemos como figuras relevantes do acontecer histórico e económico do Vigo moderno e contemporáneo, pasaron, sexa como alumnos, sexa como profesores ou como benefactores, por este edificio emblemático de Vigo. En primeiro lugar, os miles de traballadores e traballadoras que ergueron co seu esforzo a cidade que coñecemos tiveron unha experiencia formativa aquí; moitos deles foron tamén, tralo seu paso pola EAO, os emprendedores que crearon empresas nos máis variados ámbitos da economía: construción naval, artes gráficas, industria do vidro e da electricidade, calderería… 

Aquí se formaron tamén artistas plásticos e artesáns consagrados xa de todos recoñecidos; tamén as primeiras mulleres que se incorporaron á unha formación sistemática e a un posto de traballo (coas limitacións propias da mentalidade da época) fixérono primeiro nas aulas. 

O profesorado foi tamén un activo fundamental nesta empresa: formárono o máis preparado da sociedade viguesa xogando moitos deles, ao tempo da súa docencia ou posteriormente, importantes papeis con relevantes funcións tanto no Concello de Vigo como na sociedade viguesa. Varios foron primeiro alumnos destacados para logo contribuíren como mestres das novas xeracións de traballadores e estudantes que se matriculaban na Escola individualmente ou enviados polas súas empresas a perfeccionar a súa capacitación básica ou de especialistas. 

Índice do catálogo

O libro en papel pódeo solicitar -presencialmente- a persoa interesada na Biblioteca da EMAO, no horario de apertura desta.

DESCARGA DA VERSIÓN DIXITAL 

Proxectos 2022 [EXPOSICIÓNS EMAO]

 

Proxectos de fin de estudos do alumnado do curso 2021-22

 

Esta nova exposición, dada a cantidade de obras participantes, realizarase en dúas partes:

• A primeira, inaugúrase o vindeiro día 27 de xaneiro e estará aberta ata o 23 de marzo.
• A segunda parte exhibirase entre os días 14 de abril e 26 de maio de 2023.

A orixe dos proxectos:

O novo Plan de Estudos da Escola Municipal de Artes e Oficios de Vigo (EMAO), aprobado polo Concello no ano 2015, implantou o nivel educativo Avanzado, co que se rematan os estudos de cada especialidade. Ese nivel que pecha o currículum académico das persoas matriculadas, está destinado a completar a formación técnica e artística do alumnado coa redacción, selección e posterior desenvolvemento dun proxecto titorizado polo/a mestre/a. Este proxecto pode orientarse cara á investigación, á produción, á creación ou á ampliación de coñecementos.

A exposición que agora presentamos recolle o producto final dos proxectos individuais do alumnado deste nivel seleccionados no curso 2021-22; en concreto, das especialidades de:

• Pintura
• Talla e escultura en madeira
• Debuxo artístico
• Serigrafía artística
• Cerámica
• Artesanía en coiro
• Moda e Confección
• Ourivería
• CAIM-Zanfona

As obras que se exhiben son a plasmación material dun ano de actividade de investigación, formación, conceptualización e fabricación, baixo as premisas derivadas dos eixes principais sobre os que pivota a actividade educativa e cultural da EMAO: a excelencia técnica, a creatividade e a interdisciplinariedade.

FICHA DA EXPOSICIÓN

Nome: Proxectos 2022 [Proxectos de fin de estudos do alumnado do curso 2021-22 -parte 1]
Lugar: Espazo EMAO (Sala de exposicións da Escola Municipal de Artes e Oficios de Vigo. (Entrada polas rúas Pontevedra e Rosalía de Castro)
Datas: do 27 de xaneiro ao 17 de marzo de 2023
Horario: De luns a venres, laborables de 19:00 a 21:00 horas
Comisariado: Alba Pardo Cartelle, mestra de Serigrafía artística e Pepe Pereira Somoza, mestre de Artesanía do coiro coa colaboración do profesorado de Debuxo, Pintura, Talla e escultura en madeira, Ourivería, CAIM zanfona e Moda e confección.
Cartaz: Federico Fernández Alonso
Produción e montaxe: Escola Municipal de Artes e Oficios de Vigo, 2023
Axudante de montaxe: Eduardo Sánchez Arteaga

X.L. Méndez Ferrín presenta os dous últimos números da revista A Trabe de Ouro [OUTRAS NOVAS]

 

Este vindeiro xoves, 19 de xaneiro ás 19:30, tera lugar a presentación dos números 120 e 121 da revista A Trabe de Ouro na nosa hemeroteca, no acto participarán Xose Luis Méndez Ferrín, director da revista, Fernando de Paz, o seu editor e Rosa López, secretaria de redacción.

Presentación do Libro "Tranvías Eléctricos, A Compañía que Vertebrou Vigo" [OUTRAS NOVAS]

 

 

O vindeiro martes, 17 de xaneiro ás 19:00 h, temos na hemeroteca a presentación do libro "Tranvías eléctricos: a compañía que vertebrou Vigo" Escrito e ilustrado por Iria Vergara e David Amoedo (antigo alumno da Escola) e encadernado no taller artesán Hiel de Buey  (tamén antigo alumno da Escola).