Formalización da matrícula para o alumnado de novo ingreso na EMAO. Curso 2025-2026 [ADMINISTRACIÓN]

 

 Alumnado de novo ingreso na EMAO curso 2025-26

 

Publicados os resultados do sorteo, probas de acceso e solicitudes de convalidación para o curso 2025-2026,  comeza o prazo de matrícula na Escola Municipal de Artes e Oficios de Vigo.

Formalización de matrícula:

1. As persoas incluídas nos listados cos resultados do sorteo, probas de acceso e solicitudes de convalidación admitidas deberán formalizar a súa matrícula presentando na Unidade Administrativa da EMAO a seguinte documentación:

 

• Ficha cumprimentada (Recóllese e entregase na U.A. da EMAO).
• Fotocopia simple do seu DNI.
• Datas e horario de matrícula: do 24 ao 30 de setembro (de 10 a 13 horas e de 16 a 20 horas). O día 30 de setembro (de 10 a 13 horas).
  

2. De non confirmarse a matrícula nas datas indicadas daráselle de baixa na lista de admisión, pasando a ocupar o seu posto a persoa que figure no lugar correspondente na lista de agarda.

3. Establécese unha lista de agarda para cada especialidade, para os casos de substitución por baixa ou por renuncia do alumnado durante o primeiro trimestre do curso 2025-2026. Por razóns prácticas, o número de persoas que figuran na lista de agarda que se publica é, como máximo, o número de prazas ofertadas para cada especialidade.

A admisión definitiva está condicionada á veracidade dos datos de empadroamento.

 

Toda a información aquí

Comezaron as probas de acceso para o curso 2025-26 na Escola Municipal de Artes e Oficios de Vigo [ADMINISTRACIÓN]

Onte, luns 15 de setembro ás 12:00, tivo lugar na hemeroteca o sorteo para o acceso ás prazas de Debuxo e Pintura. Os resultados deste sorteo publicaranse o día 24 de setembro xunto cos resultados das probas de acceso nás especialidades de Artesanía en coiro, CAIM gaita e zanfona, Cerámica, Deseño e encaixe de palillos, Moda e confección, Ourivería, Serigrafía artística e Talla e escultura en madeira.

Calendario das probas

• Luns 15/09/25: (CAIM gaita e zanfona, Cerámica artística, Moda e confección e Ourivaría)
• Martes 16/09/25: (Artesanía en coiro, Serigrafía artística e Talla e escultura en madeira).
• Mércores 17/09/25: (Deseño e encaixe de palillos).

As persoas finalmente seleccionadas deberán obrigatoriamente, para seren admitidas, formalizar a súa matrícula do 24 ao 30 de setembro (o día 30 de setembro, ata as 14.00h), mediante a presentación na Oficina administrativa do impreso oficial que se poderá recoller na mesma. Con este impreso deberán aportar copia do DNI ou Pasaporte. 

A non formalización da matrícula en prazo significará a inmediata baixa, e, consecuentemente, a praza será ofrecida ao/á/s solicitante/s que corresponda na lista de reserva derivada da aplicación dos resultados do sorteo e as probas de acceso.

O 1 de outubro comeza o curso para todo o alumnado. 

Máis información en: https://hoxe.vigo.org/pdf/emao/ConvXeralCorrexida2025_26.pdf

INFORMACIÓN E ADMINISTRACIÓN

Unidade Administrativa da EMAO.
EMAO. Avda García Barbón, 5 –36201 VIGO.
De luns a venres, laborables, de 10,00 a 14,00 horas (agosto pechado)
Teléfono: 986 228 088
Correo-e: emao@vigo.org/
Internet: http://hoxe.vigo.org/movemonos/educacion7.php
https://emaonlinecovid.blogspot.com/

Calendario de probas de acceso á EMAO para o curso 2025-2026 [ADMINISTRACIÓN]

 ESCOLA MUNICIPAL DE ARTES E OFICIOS DE VIGO

 CALENDARIO DE PROBAS DE ACCESO

CURSO 2025-2026

Especialidade	Data	Letras (*)	Hora	Lugar (Aula)
CAIM (GAITA e ZANFONA)	15/09/25	Todos/as	16,00h	Aula CAIM
CERÁMICA ARTÍSTICA	15/09/25	Do A ao C	16,00h	Aula Cerámica
	15/09/25	Do D ao G	17,15h	Aula Cerámica
	15/09/25	Do H ao P	18,30h	Aula Cerámica
	15/09/25	Do Q ao Z	19,45h	Aula Cerámica
MODA E CONFECCIÓN	15/09/25	Do A ao F	16,00h	Aula Debuxo
	15/09/25	Do G ao N	17,00h	Aula Debuxo
	15/09/25	Do O ao Z	18,00h	Aula Debuxo
OURIVARÍA	15/09/25	Do A ao F	16,00h	Aula Pintura
	15/09/25	Do G ao N	17,00h	Aula Pintura
	15/09/25	Do O ao Z	18,00h	Aula Pintura
ARTESANÍA EN COIRO	16/09/25	Do A ao L	16,00h	Aula Pintura
	16/09/25	Do M ao Z	17,15h	Aula Pintura
SERIGRAFÍA ARTÍSTICA	16/09/25	Do A ao F	16,00h	Aula Debuxo
	16/09/25	Do G ao P	17,00h	Aula Debuxo
	16/09/25	Do R ao Z	18,00h	Aula Debuxo
TALLA E ESCULTURA EN MADEIRA	16/09/25	Do A ao N	16,00h	Aula Talla e escultura
	16/09/25	Do O ao Z	17,15h	Aula Talla e escultura
DESEÑO E ENCAIXE DE PALILLOS	17/09/25	Todos/as	16,00h	Aula Pintura

(*) As letras que aparecen citadas refírense ao primeiro apelido das persoas solicitantes de praza, incluíndo á totalidade das persoas cuxo apelido comece pola letra indicada.

As persoas candidatas deberán presentarse nos horarios e lugares indicados, co seu DNI e bolígrafo.

Últimos días de preinscrición na Escola Municipal de Artes e Oficios de Vigo (EMAO). [ADMINISTRACIÓN]

 

Este venres 5 de setembro remata o prazo de inscrición  na Escola Municipal de Artes e Oficios (EMAO) para o curso 2025-2026 que convocara o Concello de Vigo, a través da concellería de Educación  nas especialidades de: Artesanía en coiro, Construcción artesanal de instrumentos musicais -CAIM- Gaita, CAIM Zanfona, Cerámica artística, Debuxo artístico, Deseño e encaixe de palillos, Moda e confección, Ourivería, Pintura, Serigrafía artística e Talla e escultura en madeira.

Os prazos establecidos para este proceso, son os seguintes:

• Convocatoria Xeral completa do curso 2025-2026, coa oferta formativa da escola, horarios e máis información 
• Resumo oferta (datas e prazos)

INFORMACIÓN E ADMINISTRACIÓN 

 

Unidade Administrativa da EMAO. 

EMAO. Avda García Barbón, 5 –36201 VIGO. 

De luns a venres, laborables, de 10,00 a 14,00 horas (agosto pechado) 

Teléfono: 986 228 088 

Correo-e: emao@vigo.org

Internet: https://hoxe.vigo.org/movemonos/educacion7.php ;  https://emaonlinecovid.blogspot.com/