Resumo en fotos doutras actividades da segunda quincena do mes de outubro na hemeroteca [OUTRAS NOVAS]

29-10-2025. Presentación do poemario "El sabor poético de Buenos Aires en el Palermo borgiano" de Susana Maceira

28-10-2025. Presentación do libro "Fíos de transparencia acesa. Narrativa, poesía e tradución en Xosé Manuel Beiras"

23-10-2025. Presentación do libro "Para ti, para mi, para ell@s" de Xandro Barberena

 

21-10-2025. Visita do IES A Guía. 2º de FPB á EMAO.

29-10-2025. Presentación do poemario "El sabor poético de Buenos Aires en el Palermo borgiano" de Susana Maceira [OUTRAS NOVAS]

Mércores, 29 de outubro ás 19:30

 

O sabor poético de Buenos Aires no Palermo borgiano" propón un percorrido poético polo Palermo que inspirou a Borges.

Fotos da inauguración da vitrina "A Metade" [CAIM ZANFONA]

 

28-10-2025. Presentación do libro "Fíos de transparencia acesa. Narrativa, poesía e tradución en Xosé Manuel Beiras" [ATENEO ATLÁNTICO]

Martes, 28 de outubro ás 19:30 horas

 

Presentación do libro Fíos de transparencia acesa. Narrativa, poesía e tradución en Xosé Manuel Beiras, de Esperanza L. Mariño. A autora, Esperanza Mariño conversa con Xosé Manuel Beiras, presentados por Laura Caveiro.

Fotos da conferencia de Julio Barrera [VENRES EMAO]

24-10-2025. Venres da EMAO presenta a Julio Barrera [DEBUXO]

 

Julio Barreira é avogado de formación. A súa vocación artística chegou tarde, influída polo regreso a Galicia, a terra natal, e o redescubrimento da marabillosa contorna, despois de residir en Madrid durante moitos anos. Os inicios no debuxo son de xeito autodidacta co lapis e o pastel, pero no seu paso pola EMAO na especialidade de Debuxo descobre a acuarela, formándose paralelamente en técnicas pictóricas no estudio de Ana Soler. Estas formacións danlle pulo para dedicarse profesionalmente á actividade artística. Julio, como antigo alumno, vén á EMAO a contar a súa experiencia e os seus proxectos futuros.

Presentado por Federico Fernández (mestre de Debuxo artístico da EMAO)
Data: 24 de outubro de 2025
Hora: 19.00h
Lugar: Biblioteca da Escola Municipal de Artes e Oficios de Vigo

Entrada libre ata completar aforo.

24-10-2025. " Contra a desinformación. Día das Bibliotecas 2025 [OUTRAS NOVAS]

 

A Dirección Xeral do Libro, do Cómic e da Lectura, a través da Subdirección Xeral de Coordinación Bibliotecaria, impulsa a celebración do Día das Bibliotecas este 24 de outubro de 2025. 

 

Desde o ano 2019 incorpórase á celebración o lema 'Aptas para todos os públicos', que estará presente en todas actividades que se poñan en marcha. A celebración do Día das Bibliotecas ten desde ese momento un fío condutor temático diferente cada ano. 

O lema deste ano, "Contra a desinformación: bibliotecas", pretende destacar o papel fundamental que desempeñan todas as tipoloxías de bibliotecas (públicas, escolares, universitarias, especializadas e nacionais/rexionais) na loita contra a desinformación. As bibliotecas combaten a desinformación non só a través dos seus recursos, como as coleccións de libros e prensa ou as bases de datos, senón tamén a través dun uso adecuado das novas tecnoloxías. E, por encima de todo, as bibliotecas son un dique de contención contra a desinformación grazas ao seu persoal bibliotecario, que traballa como curador de contidos e apoio aos usuarios na procura de información a través de fontes fiables e contrastadas.

23-10-2025. Presentación do libro "Para ti, para mi, para ell@s" de Xandro Barberena [OUTRAS NOVAS]

    Xoves 23 de outubro ás 19:45 h.

 

Fotos da inauguración da exposición Homenaxe a Aurora Murias [Exposicións EMAO]

Exposición-Homenaxe a Aurora Murias [EXPOSICIÓNS EMAO]

Este martes, 21 de outubro ás 19.00 horas tera lugar a inauguración da exposición Homenaxe a Aurora Murias, situada nas escaleiras da entrada de García Barbón 5 e nas vitrinas do corredor de acceso á biblioteca, poderase visitar ata o martes 11 de novembro. 

 

Aurora Murias (1960-2025) foi alumna da EMAO nas especialidades de Cerámica, Debuxo e actualmente cursaba Pintura cando faleceu de xeito repentino no mes de abril. Estivo tamén neste último ano vinculada ao grupo dos Urban Sketchers de Vigo, asistindo a algunhas das convocatorias propostas ás que se suma alumnado e antigo alumnado da EMAO, polo que Aurora era moi coñecida e recoñecida. 

 

Aurora foi mestra de ioga e de infantil, sendo a primeira mestra en Galicia de atención pedagóxica domiciliaria. Elaborou un proxecto pioneiro para nenos e nenas con déficit de atención onde puxo en práctica a base do ioga para tratar estes casos: Como atallar os problemas de comportamento cunha metodoloxía baseada no control das emocións, 1999-2000. Aurora segue formándose no eido da arteterapia, o debuxo primal e a cerámica. No ano 2005 sofre unha enfermidade cerebral grave que a obriga a xubilarse tomando a decisión de poñer en práctica con ela mesma o que sabía funcionaba co seu alumnado. Ese tesón e vontade de non afastarse e estar presente fíxoa unha persoa moi activa. Nas artes plásticas atopou unha motivación. 

 

Aurora foi unha persoa moi querida e deixou unha pegada en todos aqueles que a coñeceron, por iso desde este pequeno refuxio cultural que é a EMAO, a súa casa en tres especialidades, queremos facerlle unha pequena homenaxe con esta exposición que abrangue pinturas, debuxos e algunha peza cerámica. 

 

Adeus Aurora. Botámoste en falta.

Texto de Federico Fernández
(Mestre de Debuxo na EMAO)

Fotos da conferencia "Castelao: un artista gráfico en Vigo" por José Luis Mateo Álvarez [VENRES EMAO]

 

Resumo en fotos doutras actividades da primeira quincena do mes de outubro na hemeroteca [OUTRAS NOVAS]

16-10-2025. Conferencia "Innovación y sostenibilidad como pilares fundamentales para un sector mar-industria resiliente" por Antonio Álvarez [FORUM IEV]  

15-10-2025. Ciclo de encontros "Tradución en clave feminina: escritoras italianas en España desde o século XIX ata hoxe" [SOCIETÀ DANTE ALIGHIERI DE VIGO]

 

 

7-10-2025. Presentación do libro "El silencio de las mareas" de Mikel O Ferdinand

 

 
2-10-2025. Presentación do libro "Soy lo que digo que soy?" de Ricardo Fandino

 

  

17-10-2025. Venres da EMAO presenta a conferencia "Castelao: un artista gráfico en Vigo" por José Luis Mateo Álvarez [SERIGRAFÍA]

O historiador José Luís Mateo Álvarez falaranos sobre a relación entre Castelao e Vigo a partir da súa obra artística, cultural, intelectual e política. A cidade como capital histórica da edición en Galicia e as colaboracións de Castelao na prensa de Vigo desde 1909, cando imprime os seus debuxos cómicos en Vida Gallega, e logo, desde xullo de 1922, os humorísticos no diario Galicia e despois en Faro de Vigo e o xornal El Pueblo Gallego.

Presentado por Alba Pardo (mestra de Serigrafía artística da EMAO)
Data: 17 de outubro de 2025
Hora: 19.00h
Lugar: Biblioteca da Escola Municipal de Artes e Oficios de Vigo

Entrada libre ata completar aforo.

16-10-2025. Conferencia "Innovación y sostenibilidad como pilares fundamentales para un sector mar-industria resiliente" por Antonio Álvarez [FORUM IEV]

Xoves 16 de outubro ás 19.30 h

 

Conferencia sobre pesca sostible presentada por Antonio Vaamonde.

15-10-2025. Ciclo de encontros "Tradución en clave feminina: escritoras italianas en España desde o século XIX ata hoxe" [SOCIETÀ DANTE ALIGHIERI DE VIGO]

 

O Comité Dante Vigo celebra a estrea dun novo proxecto: "Tradución en clave feminina: escritoras italianas en España”(desde o século XIX ata hoxe). O proxecto multidisciplinar que reúne literatura, música e cinema empezará en outubro 2025 e terminará en marzo 2026. 

O proxecto ten o obxectivo de difundir a cultura italiana desde unha perspectiva feminina a través das obras de escritoras que marcaron época profundando na figura de destacadas autoras da literatura italiana que alcanzaron un notable éxito en España a través das súas traducións, poñendo en valor as súas identidades singulares, os seus vínculos e as súas relacións.

O primeiro encontro formará parte dos eventos organizados para a XXV Semana da lingua italiana no mundo (13- 19 outubro ) e será o próximo 15 de outubro sobre Carolina Invernizio (Voghera, 1851-Cuneo 1916). A escritora foi unha das autoras máis populares de novela por entregas entre finais do século XIX e principios do XX.

 

 

Fotos da conferencia de José Manuel Salvado Sanín "Artesanía en Galicia, realidades e feitos" [VENRES EMAO]

 

Anyck Álvarez premio excelencia na Bienal de Serigrafía de Tokio [SERIGRAFÍA]

 A nosa alumna de Avanzado de Serigrafía Artística Anyck Álvarez Kerloch acadou o premio a excelencia na Bienal de Serigrafía de Tokio cunha peza que veredes proximamente na exposición de proxectos do alumnado. Parabéns Anyck!

 The 10th NBC Meshtec Tokyo International Screen Print Biennial Announcement
of the awardees

 

Mañana

Saatchi Art 

Singular.com

Jose Art Gallery 

Artsper