19-10-2023. Conferencia "Vigo no Eixe Atlántico" por Xoán Vázquez Mao [OUTRAS NOVAS] [FORUM IEV]

 Xoves 19 de outubro ás 19:30 na hemeroteca

Venres da EMAO 20-10-2023. AGPI & Tomás Hijo [SERIGRAFÍA ARTÍSTICA / DEBUXO ARTÍSTICO]

 

A EMAO acolle parte das actividades do XX Encontro Galego de Ilustración que celebra anualmente a Asociación Galega de Profesionais da Ilustración (AGPI). Nesta xornada, a asociación, representada pola súa presidenta, Laura Romero, falará da súa traxectoria no seu vinte aniversario e traerá á Escola a Tomás Hijo, ilustrador recoñecido como gravador en relevo, que nos presentará baixo o paraugas do "Aquí hay dragones" a súa obra, traxectoria profesional e proceso de traballo.

Presentado por Alba Pardo e Federico Fernández (mestres de Serigrafía artística e Debuxo artístico da EMAO, respectivamente)
Data: 20 de outubro de 2023
Hora: desde as 16,30h
Lugar: Biblioteca da Escola Municipal de Artes e Oficios de Vigo


Entrada libre ata completar aforo

AGPI [DEBUXO]

A primeira vez que traballei como ilustrador de maneira remunerada foi no ano 1999. Consistía nun proxecto para ilustrar guías de formación para sanitarios. Realmente o soldo era para a época moi bo, traballaba só de mañá  e tiña un ambiente de traballo fenomenal, xa que éramos tres creativos metidos nunha oficina onde se podía fumar e alí ninguén nos molestaba. O noso traballo estaba ben valorado e remunerado como correspondía á nosa categoría profesional. Pero aquelas circunstancias foron transitorias, xa que cando rematamos o proxecto, pasados seis meses fomos á rúa; foron unha  ilusión óptica no proceloso mar do mundo da arte de ilustrar. Nunca máis tiven como ilustrador aquelas condicións tan boas.

Cado rematei naquela empresa, experimentei a realidade de ser ilustrador e querer vivir diso, ou sexa, ser profesional.

Daquela, no ano 99 os ilustradores galegos camiñabamos por libre, non sabiamos moi ben como cobrar os nosos traballos, a quen recurrer en caso de impago ou pagos con moito atraso ou como xestionar os nosos dereitos de autor. A ilustración infantil comenzaba en Galicia a dar os seus primeiros pasos cara á profesionalización. Non existía o ciclo formativo de Ilustración  e en BBAA non había ningún Máster específico sobre este campo. O mesmo pasaba ca BD. Todos os que nos dedicabamos a isto, dalgún xeito fomos autodidáctas, ainda que pasásemos pola facultade de BBAA.

Ilustradores, como Oscar Villán, que foi o primeiro Premio Nacional neste eido en Galicia, comenzaban a ter recoñecemento fora das nosas fronteiras e o mercado esixía profesionalización e facer as cousas ben.

Premio Nacional de Ilustración 1999. Óscar Villán

10-10-2023. Presentación de "O Libro e O Tapiz" de Xabier Paz [OUTRAS NOVAS] [ATENEO ATLÁNTICO]

Entre os séculos XI e XII as figuras da raíña Urraca I e do arcebispo Diego Xelmírez enchen un tempo decisivo na nosa historia. Daquela, Galiza foi resgardo seguro da cristiandade ibérica, lugar onde se criaban os fillos dos reis...

Martes, 10 de outubro ás 19:30 na hemeroteca

Fotos da Presentación do Libro de Suso Vaamonde "Manual Galego de Zanfona" [VENRES EMAO]

 

9-10-2023. Presentación do libro "Historia de la Masonería en Galicia tras la Dictadura" de David Alonso Crespo [OUTRAS NOVAS]

 

Luns 9 de outubro ás 19:00 horas na hemeroteca

5-10-2023. Conferencia "O Desenvolvemento Urbano de Vigo con Mapas" por Xosé Manuel Souto [OUTRAS NOVAS] [FORUM IEV]

 Xoves 5 de outubro ás 19:30 na hemeroteca

Xosé Manuel Souto (profesor Universidade de Valencia, membro do Instituto de Estudos Vigueses) fala sobre “Ou desenvolvemento urbano de Vigo con mapas” nunha conferencia integrada no ciclo Forum Proxectar Vigo organizado polo IEV.

Venres da EMAO 6-10-2023. Presentación do libro "Manual Galego de Zanfona" de Suso Vaamonde [CAIM ZANFONA]

Co comezo do novo curso 2023-2024, este venres día 6 de outubro iníciase unha nova edición dos "Venres da EMAO", programa de actos de periodicidade semanal no que a Escola municipal de artes e oficios do Concello de Vigo presenta á cidade as súas especialidades mediante a difusión de actividades salientables relacionadas con cada unha delas.

Este venres, a especialidade de CAIM-Zanfona achéganos a presentación do libro "Manual galego de zanfona. Repertorio didáctico progresivo. 1ª parte" polo seu autor, Suso Vaamonde.

Xa hai moito tempo que non existe escusa para aprender a tocar a zanfona. Moitas son as aulas que se poden atopar hoxe en día por toda a xeografía do país. Porén, a elaboración dun método seguía a ser unha conta pendente dende que en 1956 Faustino Santalices publicara o seu esbozo. Suso Vaamonde decidiu dar un paso cara a diante.

Presentado por Xaime Rivas (mestre de Construción artesanal de instrumentos musicais -CAIM- Zanfona da EMAO)
Data: 6 de outubro de 2023
Hora: 19:00
Lugar: Biblioteca da Escola Municipal de Artes e Oficios de Vigo


Entrada libre ata completar aforo

"O Coiro da EMAO" [COIRO]

Esta fin de semana na vila de Allariz, provincia de Ourense, celebraranse as “X Xornadas dos Oficios do Coiro". Estes encontros de artesáns, artistas e afeccionados, adoitan ser un lugar de aprendizaxe, experiencias e inspiración, pero sobre todo de encontro, onde compartir experiencias, consellos e coñecer xente coa que hai algo en común, o traballo do coiro.

Desde o ano 2013, o Museo do Coiro vén organizando esta actividade que contén cursos, talleres, exposicións, conferencias, mercados... unha oportunidade única na península xa que son os únicos encontros deste tipo que se celebran, e os máis lonxevos de Europa. Impartiron talleres artesáns da talla de Juan García Olmedo, Michael Nadeau, Nelson Gómez Callejas, Rene Berends, José Villar, Franklin Pereira…

Desde hai uns anos a EMAO e o Museo do Coiro teñen un vínculo de colaboración na promoción e recoñecemento dos Oficios Tradicionais do Coiro. Existe ademais unha coincidencia temporal fortuíta xa que o ano no que se celebraron as primeiras Xornadas coincide co ano no que na EMAO inauguramos a nosa primeira exposición monográfica de coiro “100X100 COIRO” (2013). 

 

Este ano desde a organización propúxosenos formar parte das xornadas dunha maneira especial, cunha exposición do noso traballo como Escola, dando a coñecer o que cada día o que cada día apréndese, constrúese e decórase na nosa aula. Como profesor da especialidade é un orgullo recibir este encargo de Miriam e Ernesto que son os responsables do Museo do Coiro e a alma mater das Xornadas dos Oficios do Coiro.

Este recoñecemento ao traballo que a Escola leva facendo por manter os oficios tradicionais é o premio a tantos anos de traballo de profesionais como Andrea, Mercedes, Virginia e máis eu (Pepe) e aos centos de alumnos que pasaron polo noso taller. 

Desde mediados do século XX cada curso comeza con moita ilusión e ganas, e moitos proxectos acaban sendo realidade. Nun principio a nosa especialidade na escola denominouse Repujado en Cuero, e nela empezouse ensinando ás mulleres esta especialidade decorativa que co tempo iríase ampliando. No ano 2010 cámbiase a denominación da especialidade e pasa a chamarse Artesanía do Coiro, un concepto que abarca máis técnicas, materiais, pezas e contidos en xeral que dan aos nosos alumnos un abanico de posibilidades para a súa formación que son a semente dun oficio. Ademais como xa dixen desde o ano 2013 vimos celebrando unha Exposición Bienal baixo dúas ideas fundamentais: achegar o traballo de grandes artesáns e artistas do coiro aos nosos alumnos e achegar o traballo do coiro ao público da cidade de Vigo.

 

Para esta exposición, que é a primeira monográfica na que os nosos alumnos exhiben o aprendido fóra de Vigo, expuxemos a idea destes trece anos de Artesanía do Coiro, con trece pezas de alumnos destes últimos anos que ilustran a variedade do noso taller. Unha mistura de técnicas tradicionais e  experimentais, pezas decorativas e pezas prácticas. Queremos demostrar que o coiro é un material vixente e con futuro, cunha gran amplitude de posibilidades técnicas e de variacións do material. Esta exposición non sería posible sen a participación dos alumnos seleccionados: Sandra, Nancy, Antonina, Lorena, Fran, Manuel, Xema,Lúa, Loli, Ruth, Miguel, Belén e Valeria, e todos os que están representados co seu traballo na peza catorce, que representa o noso futuro baseado nas pegadas que abren o camiño. 

Podedes visitar a exposición ata o 29 de outubro no Museo do Coiro. 

28-9-2023. Presentación do Libro "Escoite e Verá! Crónicas dun Filósofo Tabernario 3" [OUTRAS NOVAS]

Xoves, 28 de setembro ás 20:00

 presentación do libro

 "Escoite e verá! Crónicas dun filósofo tabernario 3"  

de 

Manoel da Costa

coa actuación do grupo musical

Airiños do Vatio

Listaxes Resultantes do Sorteo e das Probas de Acceso para o Curso 2023-2024 na EMAO [ADMINISTRACIÓN]

Anuncio de matrícula para o curso 1900-1901

 

O pasado venres, 15 de setembro ás 12:00, tivo lugar na hemeroteca o sorteo para o acceso ás prazas de debuxo e pintura. Podedes consultar os resultados no Listado resultante do sorteo. Curso 2023-24 

Hoxe venres 22 de setembro publicáronse os resultados das probas de acceso ás especialidades de Artesanía en coiro, CAIM gaita e zanfona, Moda e confección, Ourivería, Serigrafía artística e Talla e escultura en madeira.

As persoas finalmente seleccionadas deberán obrigatoriamente, para seren admitidas, formalizar a súa matrícula do 25 ao 29 de setembro, mediante a presentación na Oficina administrativa do impreso oficial que se poderá recoller na mesma. Con este impreso deberán aportar copia do DNI ou Pasaporte. 

A non formalización da matrícula en prazo significará a inmediata baixa, e, consecuentemente, a praza será ofrecida ao/á/s solicitante/s que corresponda na lista de reserva derivada da aplicación dos resultados do sorteo e as probas de acceso.

Listaxe de alumnado admitido (resultante do sorteo).

Listaxe de alumnado admitido (resultante das probas de acceso)

 

Recordando Escola de verán [DEBUXO-TALLA E ESCULTURA]

 Escola de Verán. Debuxo. Talla e Escultura

Agora que xa remata o verán, gustaríanos recordar un dos feitos co que comenzamos esta estación maravillosa.

No mes de Xullo impartimos desde os talleres de Talla e Escultura e Debuxo, un obradoiro destinado a alumnado de 12 a 16 anos. Foi unha aposta que levaba dúas vias, unha a de sair das paredes do noso espazo, colaborando ca Casa da Xuventude , e a segunda a de cambiar de rexistro na idade do noso alumnado. A experiencia foi moi gratificante para nós como mestres e penso que tamén para o alumnado. 

Moitas veces temos os adultos a tendencia a pensar que os adolescentes de hoxe non len, non debuxan, que están excesivamente expostos a tecnoloxía e que non pensan demasiado por si mesmos. Pois nese grupo de rapaces e rapazas todo ese ideario, penso que non axustado a realidade, atopámonos con nenos e nenas lectoras de libros e prensa, algúns sen móvil, imaxinativos, participativos e moi motivados. Temos que dicir tamén que a maioría deste alumnado estaba ahí por obriga dos seus pais, calquera o diría.

  

Presentación do Libro "Sssszzziúu. La Melodía de las Peonzas" na Hemeroteca [OUTRAS NOVAS]

 Xoves, 21 de setembro ás 19:00 na hemeroteca da EMAO

Este libro nace da conxunción de dous espíritos inquietos. O de Luis, mestre e coleccionista de buxainas, investigador dos seus mil e unha posibilidades para o xogo. O de Lestonnac, fotógrafa capaz de atrapar a luz e o movemento nun instante irrepetible. Xuntos compuxeron este “Ssszzziúuu” (onomatopeya do son da buxaina no momento de ser lanzada) coma se dun tema de jazz tratásese, dándolle voltas e voltas á melodía das buxainas.

Listaxe Resultante do Sorteo de Prazas para as Especialidades de Debuxo e Pintura [ADMINISTRACIÓN]

 

O pasado venres, 15 de setembro ás 12:00, tivo lugar na hemeroteca o sorteo para o acceso ás prazas de debuxo e pintura. Podedes consultar os resultados no Listado resultante do sorteo. Curso 2023-24

O venres 22 de setembro publicaranse os resultados das probas de acceso ás especialidades de Artesanía en coiro, CAIM gaita e zanfona, Moda e confección, Ourivería, Serigrafía artística e Talla e escultura en madeira.

As persoas finalmente seleccionadas deberán obrigatoriamente, para seren admitidas, formalizar a súa matrícula do 25 ao 29 de setembro, mediante a presentación na Oficina administrativa do impreso oficial que se poderá recoller na mesma. Con este impreso deberán aportar copia do DNI ou Pasaporte. 

A non formalización da matrícula en prazo significará a inmediata baixa, e, consecuentemente, a praza será ofrecida ao/á/s solicitante/s que corresponda na lista de reserva derivada da aplicación dos resultados do sorteo e as probas de acceso.

Sorteo e Probas de Acceso para o Ingreso na Escola Municipal de Artes e Oficios. EMAO [ADMINISTRACIÓN]

Onte na proba de acceso para serigrafía artística

 

CALENDARIO DAS PROBAS DE ACCESO. Todas referidas a setembro de 2023.

• CAIM (Gaita e Zanfona): día 13, a partir das 16.00 horas (Aula de CAIM).  
• Ourivaría: día 13, a partir das 16.00 horas (Aula de Pintura).  
• Serigrafía artística: día 13, a partir das 16.00 horas (Aula de Debuxo)
• Talla e escultura en madeira: día 13, a partir das 16.00 horas (Aula de Talla)
• Artesanía do Coiro: día 14, a partir das 16.00 horas (Aula de Pintura)
• Moda e confección: día 14, a partir das 16.00 horas (Aula de Debuxo)

CONTIDOS DAS PROBAS

As probas de acceso para as especialidades citadas terán dúas partes.
A primeira será un cuestionario no que o/a aspirante deberá cumprimentar preguntas xenéricas. Estas preguntas nunca serán referidas a cuestións técnicas sobre a especialidade. 

A segunda parte será un exercicio práctico co material específico de cada especialidade, no que non se valorarán coñecementos específicos previos relativos á especialidade, senón conceptos, como habilidade, actitude, recursos e creatividade.
A nota final sairá da valoración conxunta do cuestionario e mais a proba práctica, e ponderarase conforme aos criterios que para cada especialidade se recollen no Anexo á presente convocatoria.
O tempo para realizar a proba de acceso a estas especialidades será aproximadamente de 30 minutos en total.
O aspirante presentarase no horario previamente publicado na web e mais no taboleiro de anuncios da escola (EMAO), segundo a especialidade. Deberá portar o DNI e un bolígrafo. Segundo a asistencia, irán facendo a proba entrando por orde alfabética. 

SORTEO PARA O ACCESO ÁS ESPECIALIDADES DE DEBUXO ARTÍSTICO E DE PINTURA

Segundo o previsto no Plan de Estudos a Convocatoria do curso 2023-2024, para o acceso ás especialidades de Debuxo artístico e de Pintura realizarase un sorteo público o día 15 de setembro de 2023, ás 12.00 horas, na Biblioteca da EMAO. AFORO LIMITADO a 50 persoas.

MÁIS INFORMACIÓN