11-4-2024. Masterclass sobre "Guadamecil contemporáneo e aplicacións de cór" por Nelson Gómez Callejas.
9-4-2024. Visita do HC San Rafael á exposición O Mapa
Este xoves 11 de abril ás 17:00, nova actividade complementaria da exposición "O Mapa" que pode visitarse ata o 22 de abril no Espazo EMAO.
 |
| Mércores 10 de abril ás 19.00 |
Este venres 12 de abril teremos con nós no venres da EMAO de ourivaría, a rosa mendez.
É un grande honor ter a esta artista galega que se adica a facer xoiaría contemporánea con vidro.
A súa formación no traballo do vidro dende o ano 2000 desembocou na xoiaría contemporánea, sendo unha das marcas galegas que vende maioritariamente no extranxeiro en tendas e museos coma o MOMA, o Reina Sofía e o Pompidou, entre outros, e participando en feiras internacionais como Bijorhca en París, Bisutex en Madrid, etc, ademais de múltiples exposicións nacionais e internacionais.
Como veredes o seu traballo céntrase no vidro como material principal co que realiza unha xoiaría con un estilo persoal e diferente, no que o importante son as formas, a súa simplicidade, a súa presenza e o diálogo con elas.
.jpeg)
.jpg)
 |
| Martes 9 de abril ás 19.30 |
O Ateneo Atlántico de Vigo presenta o libro As escumas da letra, biobliografía de Luisa Villalta, escrito por Esperanza Mariño. A obra, organizada en dúas partes, presenta a vida e a obra da escritora coruñesa á que se lle dedica o Día das Letras Galegas 2024, Luisa Villalta.
Miguel Vázquez que impartiu clases de cerámica na EMAO desde 1986 ata 2022, desenvolveu a súa actividade en tres vertentes, a escultura, a docencia e a cerámica de autor. Baixo o título Itinerario, paradas e vivencias, Miguel Vázquez constrúe un relato no que tentará establecer as pontes entre a parte docente, a de manipulador e a de activista cerámico, a través das diferentes etapas e vivencias do seu itinerario vital.
Presentado por Mª Jesús Cuesta (Bibliotecaria da EMAO)
Data: venres 5 de abril de 2024
Hora: 19.00h
Lugar: Biblioteca da Escola Municipal de Artes e Oficios de Vigo
Entrada libre ata completar aforo
Este ano os Días Europeos da Artesanía celébranse do 2 ao 7 de Abril e están adicados aos nenos, baixo o lema “Dedos pequenos, mans expertas”. Dende a especialidade imos realizar unha actividade para que as nenas e nenos poidan participar, e para iso traballaremos con un termoplástico.
O día 2 de abril o noso obradoiro terá as portas abertas para todos aqueles maiores ou nenos que queiran vir a visitarnos, en horario de 12 a 14 horas e dende as 16 ás 21 horas.
Esa mesma tarde dende as 16:30 ás 20:30 horas realizaremos a actividade “Constrúo a miña xoia” dirixida a nenas e nenos dende os 2 anos ata os 13 aproximadamente e que terán que vir acompañados de un adulto.
 |
| Exemplo para chaveiro |
En que consiste esta actividade??!!!!
Pois imos construír xoias empregando un plástico especial que despois se cocerá reducindo o seu tamaño, intensificando as cores e conseguindo unha consistencia parecida a dun vidro. Para elo debuxaremos sobre el, despois pintaremos con cores e recortaremos facéndolle tamén os buratos para colgala, e logo cócese a baixa temperatura, para finalizar coa montaxe podendo rematar con un colgante, pendentes, chaveiro, broche, etc.
Os nenos non teñen que traer nada, pero se queren poder vir cos seus debuxos para calcar sobre o plástico, pero senón aquí teremos exemplos e modelos para inspirarse, como os que podedes ver a continuación...
XORNADA DE PORTAS ABERTAS
Martes día 2 de abril de 2024, en horario de 12.00h a 14.00h e de 16.00h a 21.00h
Todos os talleres da EMAO terán as súas portas abertas no horario indicado e o visitante poderá achegarse ás actividades dos talleres de: Construción Artesanal de Instrumentos Musicais (Gaitas e Zanfonas), Talla e Escultura en Madeira, Pintura, Debuxo Artístico, Deseño e Encaixe de Palillos, Ourivaría, Moda e Confección, Artesanía en Coiro e Serigrafía Artística.
Ademais desenvolveranse as seguintes actividades:
ACTIVIDADES COMPLEMENTARIAS:
Martes 2 de abril:
Mércores 3 de abril:
Moda e confección / Serigrafía artística: “Estampa a túa bolsa”. De 17.00h a 20.00h.
No taller de Serigrafía coñeceranse os procesos de estampaxe e farase unha práctica sobre téxtil, que logo se coserá a máquina no taller de Moda e confección, co que os asistentes levarán unha bolsa estampada e cosida por eles mesmos.
Debuxo artístico / Pintura: “A plein air”. De 16.00h a 20.00h.
Invitación para debuxar ou pintar polos arredores da EMAO. “A plein air” (Pintura ao aire libre) pretende dar a coñecer o traballo dos talleres da EMAO traspasando os muros da Escola. Sen requirir coñecementos previos, desenvolverase unha actividade lúdica na que o participante teña a experiencia de debuxar ou pintar “A plein air”.
 |
| Venres 22 de marzo ás 19:00 horas. |
Trátase dun ensaio no que o autor le e anota o Diario 1921, o caderno manuscrito e ilustrado da viaxe de estudos de Castelao polos museos de Francia, Bélxica e Alemaña, no esforzo de documentar a viaxe do intelectual, de explicar e coñecer, interpretar e comprender o que pasou, o que pensou, o que escribiu.
Na presentación, o autor estará acompañado Isaac Pérez Vicente e Xan Carballa.
Cando o músico Pascual Veiga solicitou ao poeta Eduardo Pondal unha letra para a categoría "Marcha regional gallega" do
certame musical que tería lugar aquel verán de 1890 no Teatro Principal
da Coruña, non podía sospeitar a repercusión histórica que a obra
acadaría co tempo. Sábese
que o poema musicado por Veiga chegou a ensaiarse para o certame, pero
non foi estreado, senón que iniciou un longo e escuro desterro, do cal, a día de hoxe, aínda non hai resposta para algúns dos enigmas que o rodean.
Este volume aborda a historia do
himno de Galicia (Os Pinos), os seus dous autores (Veiga e Pondal), e o
notable cúmulo de contextos e circunstancias que os acompañaron.
Javier Campos Calvo-Sotelo é Licenciado en Xeografía e Historia. Posúe o Grao
Profesional de Música e é doutor en Historia e Ciencias da Música. Foi
investigador asociado da Universidade Nova de Lisboa e da Universidade
Complutense de Madrid. Colabora en grupos e proxectos científicos
específicos, e profesor de Historia da Música na Universidade de Kent en
Torrelodones (Madrid). Os resultados do seu labor investigador foron divulgados en diversos congresos, conferencias e publicacións. Na actualidade é membro do Consello editorial da revista "Popular Music and Society".
Presentado por Xaime Rivas (mestre de CAIM Zanfona da EMAO)
Data: xoves 21 de marzo de 2024
Hora: 19.00h
Lugar: Biblioteca da Escola Municipal de Artes e Oficios de Vigo
Entrada libre ata completar aforo
Este mércores 20 de marzo, nova actividade complementaria á exposición "O Mapa" que pode visitarse ata o 22 de abril no Espazo EMAO. A continuación podedes ver o cartaz con todas as actividades do programa "Do taller á Escola 2024".
