Resumo en fotos das outras actividades da semana do 31 de marzo ao 4 abril [OUTRAS NOVAS]

3-4-2025. Conferencia "A percepción das paisaxes e a noción discursiva do territorio de Vigo" por Francisco García Fernández [FORUM IEV]

 

 1-4-2025. Presentación do libro "A filla de Lucrecia" de Xabier Paz [ATENEO ATLÁNTICO]

 

4-4-2025. Inauguración da exposición "Joyas de la raspa 1990-2025" [ESPAZO EMAO]

A EMAO está a homenaxear, cunha exposición por curso, aquelas iniciativas creativas, artísticas e artesás xurdidas, dalgunha maneira, do seu seo; especialmente aquelas que destaquen nalgún dos eixos sobre os que pivota a actividade educativa e cultural da EMAO: a excelencia técnica, a creatividade e a interdisciplinariedade. Neste curso temos o privilexio de poder amosar a obra dunha das máis salientables e exitosas realidades artísticas e empresariais que tiveron a súa orixe nas ensinazas e obradoiros da escola: a recoñecida marca “Joyas de la raspa”.

"En 1986, á beira do mar, comeza esta fermosa viaxe que ten moito que ver coa vida, co amor, co mar e coa ourivaría. Virginia R. Lorenzo e Miguel Sánchez-Cantón matriculáronse na Escola Municipal de Artes e Oficios de Vigo (daquela baixo o nome de Universidade Popular) en 1987 e 1988 respectivamente, para formarse na especialidade de Ourivaría. Atoparon aquí un modo de expresión, unha linguaxe tanxible por medio do metal para dar forma a súa creatividade. En 1989 naceu a colección “Raspa”, emblema da marca ata hoxe, núcleo e fío condutor da súa xoiaría. Neste tempo, do seu taller naceron máis de duascentas coleccións, a maioría delas xoias de prata, pero tamén pezas de cerámica, coiro, madeira, etc. Todas as súas creacións, as colaboracións con outros artistas, as múltiples exposicións e os dous Premios Nacionais de Deseño recibidos entre outros, brindan a este oficio unha inmensa creatividade, un magnifico deseño e o gusto polo bo facer.

Con esta exposición celebramos que Virginia e Miguel comezaron a súa andaina nesta casa, a EMAO, pero tamén o seu magnífico traballo que observamos a través das xoias de “Joyas de la raspa” dende os seus comezos ata os nosos días, exaltando aquelas obras que foron de gran importancia neste o seu camiño de vida, arte e oficio".

Sandra de Jesus, mestra de Ourivaría da EMAO

 FICHA DA EXPOSICIÓN

Nome: Joyas de la raspa 1990-2025

Lugar: Espazo EMAO. Sala de exposicións da Escola Municipal de Artes e Oficios de Vigo. (Entrada polas rúas Pontevedra e Rosalía de Castro)

Datas: do 4 de abril ao 23 de maio de 2025

Horario: De luns a venres, laborables de 19.00 a 21.00 horas

Comisariado: Sandra de Jesus, mestra de Ourivaría, e Darío Álvarez Basso, mestre de Pintura.

Artistas: Virginia R. Lorenzo e Miguel Sánchez-Cantón (Joyas de la raspa)

Cartel e deseño gráfico: David de la Iglesia

Fotografías: Íñigo Martín

Edición e vídeos: Hugo Izarra.

Produción e montaxe: Escola Municipal de Artes e Oficios de Vigo, Virginia R. Lorenzo e Ángel Escaríz, 2025

Axudantes de montaxe: Eduardo Sánchez Arteaga, Olivia Sánchez-Cantón e Félix Álvarez.

 

Fotos da Montaxe da exposición "Joyas de la raspa" [ESPAZO EMAO]

       

5-4-2025. Presentación de "La Gaceta de la Lezna" [COIRO]

 

O noso compañeiro Pepe Pereira, mestre da especialidade Artesanía do Coiro, e Rebeca Amoedo, deseñadora gráfica e afeccionada ao traballo do Coiro, presentan este próximo sábado 5 de abril ás 18.00 no Museo de Pontevedra a nova publicación especializada no traballo do Coiro, “A Gaceta da Lezna”. Unha revista humilde e sinxela, en papel, como as revistas de toda a vida, que se pode tocar, ver e cheirar.

Co propósito de convertela en: 

- Un punto de unión entre os artesáns do coiro, afeccionados e o público interesado nos Oficios do Coiro.

 - Un lugar de difusión do que se está facendo nos talleres e nas casas dos artesáns, nas salas dos museos e nas aulas das escolas, desde o punto de vista do Coiro. 

- Un recoñecemento aos que dedicaron a súa vida aos nosos Oficios, pasando moitas veces desapercibidos ou quedando no esquecemento despois de dedicar moitas horas para manter vivos os talleres, sementando para o futuro. 

- Unha publicación sinxela, amena e divertida, na que traballaremos para que mellore, creza e sirva de escaparate ilustrativo e convértase nun recurso didáctico do que todos podamos aprender.

 - Un lugar de reunión no que toda a xente do Coiro cabe e pódese comunicar.

Esta publicación estará escrita en castelán. Existen publicacións noutros países como Estados Unidos, Nova Zelandia, Noruega ou Rusia, publicadas en inglés ou ruso, pero en castelán non existe ningunha.

En España non existe ningunha publicación sobre este tema, motivo polo cal Pepe e Rebeca decidíronse a dar un paso á fronte para abrir unha canle de comunicación e divulgación que axude a fortalecer o Oficio.

Desde aquí desexámoslles moita sorte no seu proxecto.  Moito coiro!!!

Máis información 

Instagram: @lagacetadelalezna 

Correo electrónico: lagacetadelalezna@gmail.com

3-4-2025. Conferencia "A percepción das paisaxes e a noción discursiva do territorio de Vigo" por Francisco García Fernández [FORUM IEV]

Xoves 3 de abril ás 19.30 horas

1-4-2025. Presentación do libro "A filla de Lucrecia" de Xabier Paz [ATENEO ATLÁNTICO]

Martes 1 de abril ás 19.30 horas

Resumo en fotos das outras actividades da semana do 24 ao 27 de marzo [OUTRAS NOVAS]

 27-3-2025. Presentación do libro "herba de vigo" por Calros Solla

 

Exposición "Paisaxes a través da mira" [Escultura e talla na EMAO]

1-4-2025. Xornada de portas abertas na EMAO polos Días Europeos da Artesanía 2025 [OUTRAS NOVAS]

 

Con motivo dos Días Europeos da Artesanía desde a Escola Municipal de Artes e Oficios de Vigo celebraremos estas actividades para facer chegar ao público o traballo artesán que está tan vivo no noso día a día desde hai case 139 anos. Os visitantes poderán coñecer os proxectos que se realizan nos nosos talleres e que tratan de conservar e potenciar a vixencia dos Oficios Artesáns na súa vertente tradicional e tamén na contemporánea.

Para iso realizaremos as seguintes actividades:

XORNADA DE PORTAS ABERTAS- Martes día 1 de abril de 2024, en horario de 12.00h a 14.00h e de 16.00h a 20.00h. Poderedes visitar os talleres de Construción Artesanal de Instrumentos Musicais de Gaita e Zanfona, Serigrafía Artística, Debuxo, Moda e Confección, Pintura, Deseño e Encaixe de Palillos, Artesanía en Coiro, Escultura e Talla en Madeira e Ourivaría. Nesta visita poderedes coñecer as nosas instalacións nun edificio centenario, o traballo que realizan os nosos alumnos no seu proceso formativo, así como o dos artesáns e artistas profesionais que realizan o seu labor docente na nosa Escola. 

INAUGURACIÓN DA EXPOSICIÓN:  Joyas de la raspa 1990-2025. Venres 4 de abril, 19.30h no Espazo EMAO, sala de exposicións da nosa Escola. Os 35 anos de historia desta marca viguesa de xoiería froito da formación impartida na Escola veranse reflectidos nas vitrinas da nosa sala de exposicións. 

Esperámosvos!!!

27-3-2025. Presentación do libro "herba de vigo" por Calros Solla [OUTRAS NOVAS]

Xoves 27 de marzo ás 19.30 horas

Fotos da Proxección do filme "The Bookshop (A Librería)" de Isabel Coixet [VENRES EMAO]

Resumo en fotos das outras actividades da semana do 17 ao 21 de marzo [OUTRAS NOVAS]

20-3-2025. Presentación do libro "Galegas na música"

 

 

19-3-2025. Julio Verne e a música. Concerto comentado [FORUM IEV]

 

19-3-2025. Fotos para un documental producido por True Story, Kowalski Films y Feelgood Media para Movistar +

 

17-3-2025. Presentación do libro "La luna se tiñó de rojo" de Isabel Coma

21-3-2025. Venres da EMAO presenta a proxección da longametraxe "The Bookshop (La librería)" [BIBLIOTECA]

Inglaterra, 1959. Unha muller decide instalarse nunha vila costeira da campiña británica, pequena e conservadora. Alí decide cumprir o seu soño: abrir a primeira librería da zona. Pero, unha empresa tan aparentemente pacífica e inocente como esa desatará todo tipo de reaccións entre os habitantes da localidade.

Baseada na novela homónima de Penelope Fitzgerald, este drama con transfondo histórico está dirixido por Isabel Coixet. Os seus protagonistas son Emily Mortimer, Patricia Clarkson e Bill Nighy. Gañadora entre outros de 3 premios Goya : mellor película, mellor dirección e mellor guión adaptado. Premios Gaudí 2018 á mellor música orixinal e á mellor dirección artística.

 

Presentado por María Jesús Cuesta (Bibliotecaria da EMAO)
Data: 21 de marzo de 2025
Hora: 19.00h
Lugar: Biblioteca da Escola Municipal de Artes e Oficios de Vigo

Entrada libre ata completar aforo.

21-3-2025. Proxección do filme "The Bookshop (A Librería)" [BIBLIOTECA]

 

 

Este venres 21 de marzo ás 19:00 dentro da programación semanal os Venres da EMAO, imos proxectar a películade Isabel Coixet "The Bookshop (A Librería)" de 2017, unha coprodución de España, Reino Unido e Alemaña (Diagonal Televisió, A Contracorriente Films, a inglesa Zephyr Films e alemá One Two Films, coa participación de TVE e Movistar +). Protagonizada polos actores Emily Mortimer, Patricia Clarkson e Bill Nighy entre outros. 108' VOS

 
Neste ocasión eliximos de novo unha película baseada nun libro, trátase da novela de Penélope Fitzgerald The Bookshop, A librería, dirixida por Isabel Coixet  inaugurou a SEMINCI de 2017 con boas críticas.

Esta película ambientada en Inglaterra a finais dos anos 50 do século pasado, presenta unha historia aparentemente sinxela, a de Florence Green, unha viuva que decide facer realidade o soño que compartira co seu falecido marido, abrir un librería en Hardborourgh. Pero para a súa sorpresa, esta decisión desatará todo tipo de reaccións entre os habitantes da localidade. 

 

A película é un canto á liberdade de expresión e un ataque directo a todos aqueles exemplos de ignorancia e censura. Na librería, a cineasta regresa a un terreo moi querido, o mundo dos libros, ao que xa se asomou na súa adaptación teatral de "84 Charing Cross Road" que casualmente proxectamos na hemeroteca a finais do curso pasado. 

 

1ª ed. Reino Unido, 1978

O guión de Isabel Coixet recibiu o premio á mellor adaptación literaria de 2017 da Feira do Libro de Frankfurt. Esta longametraxe respira amor pola literatura e os libros.  

Presentouse internacionalmente no marco dunha Berlinale Special Gala da 68.ª edición do Festival Internacional de Cinema de Berlín. Foi nomeada como mellor película de ficción ou animación para os Premios Forqué e recibiu tres nomeamentos para os Premios Feroz: mellor dirección, música orixinal para Alfonso Vilallonga e mellor actor de reparto, para Bill Nighy. Nomeada a 12 Premios Goya, obtivo tres, a mellor película, a mellor dirección e ao mellor guión adaptado, tamén os Premios Gaudí a mellor música orixinal e a mellor dirección artística. “La librería” obtivo tamén cinco Medallas do Círculo de Escritores Cinematográficos a mellor película, mellor directora, mellor actor secundario, mellor guión adaptado, mellor fotografía. 

A película está está dedicada ao escritor e crítico de arte inglés John Berger.

John Berger. Selección bibliográfica [BIBLIOTECA]

 

John Berger (1926-2017) foi pintor, escritor e crítico de arte. Unha das voces máis lucidas, incisivas e inconformistas do panorama intelectual europeo do seu tempo.

Dedicouse desde moi pronto á pintura, formado na Central School of Arts de Londres, comezou a dar clases de debuxo na mesma escola onde Henry Moore impartía clases de escultura. Escribiu artigos sobre arte nas revistas Tribune, baixo a supervisión de George Orwell, e New Statment. Pronto cambiou o seu rexistro pola novela, o ensaio, a poesía, o teatro e o guión cinematográfico e televisivo.

O seu traballo abarca desde ensaios sobre fotografía, ata a explotación de traballadores emigrantes e a loita para o establecemento dun Estado palestino. Foi un dos novelistas e ensaístas máis relevantes do mundo anglosaxón e evidenciou o seu compromiso coa escritura como medio de loita política.

Autor prolífico, entre as súas obras cabe destacar G., gañadora do prestixioso Booker Prize en 1972. Entre os seus ensaios destaca Modos de ver, libro de referencia para toda unha xeración de historiadores da arte, unha introdución á crítica de arte que estivo acompañada por unha serie de televisión da BBC, serie que gañou o premio Bafta, da Academia Británica de Cinema e Televisión, considerada como un dos programas de arte máis influentes que se produciron.

 

En abril de 2009 no Centre d'Arts Santa Mónica de Barcelona e en abril de 2010, na Casa Encendida de Madrid, a cineasta española Isabel Coixet presentou unha exposición monográfica dedicada a Berger co título "From I to J. Unha homenaxe de Isabel Coixet a John Berger"

Aquí tedes os títulos que podedes consultar na biblioteca.

 

 

20-3-2025. Presentación do libro "Galegas na música" [OUTRAS NOVAS]

Xoves 20 de marzo ás 19.30 na hemeroteca