Fotografía para retrato [DEBUXO]

Este curso, como no obradoiro estamos a traballar moitos dos motivos a partir de láminas, deixo unha galería que vos pode interesar aos grupos Superiores para facer prácticas de retrato na casa. Sempre insisto que para relizar un bo debuxo de retrato a partir dunha fotografía esta debe ter unha calidade impecable. Non está dentro do espíritu do obradoiro utilizar a fotografía como paso entre a realidade e o debuxante pero como práctica para iniciarnos penso que é un recurso moi axeitado. 

Neste caso as fotografías escollidas son do gran fotógrafo/ retratista do século XX Richard Avedon. Son fotografías de estudo que captan maravillosamente a personalidade do personaxe retratado. Todos eles forman parte da historia recente de EEUU, vinculados ao poder, ben porque o ostentan ou ben porque son opositores ou activistas. Están extraidas do catálogo "Portraits of Power".

FOTOGRAFÍAS DE RICHARD AVEDON: PORTRAITS OF POWER

DEAN KUSK

CLARK CLIFFORD

WILLIAN KUNSTLER

KATHARINE GRAHAN

WILLIAN BURROUGHS

Viúva do fotoxornalista DANA STONE

MURIEL RUKEYSER

LADY BIRD JOHNSON

A partir destas fotografías de retrato, ademais de coñecer aos peronaxes, poderemos realizar prácticas de canon e estructura, para rematalos en estilógrafo e tinta ou acuarela. Sobre todo o que mais nos interesa é partir dunha estructura  medida e proporcionada. Estes días no obradoiro traballamos ca seguinte proxección dun retrato de perfil.  Recordade o xeito e aplicade estes criterios, tanto para un perfil como para un frontal.

As fotografías escollidas de Avedon, algunhas delas non están enteiras. No orixinal do catálogo aparecen en planos medios ou americanos, pero eu tomeime a licencia de recortalas para que resulte mais doado o exercicio proposto.