venres, 21 de maio de 2021

Anna Atkins [SERIGRAFÍA]

  A emulsión da cianotipia foi inventada en 1842 por Sir John Herschel e produce impresións en cor azul. A botánica británica Anna Atkins en 1843 publicou unha serie de libros documentando plantas cuxas ilustracións estaban realizadas mediante cianotipia o que lle permitía documentalas sen ter que debuxar. Pola súa serie British Algae, Anna Atkins é considerada como a primeira muller fotógrafa. 

  Esta técnica de impresión a facemos no noso obradoiro xogando tamén a insolar pantaias serigráficas coa luz natural do sol. Antes de falar do interesantísimo traballo de Anna Atkins comecemos polo principio:

Que é a cianotipia?

A cianotipia é un procedemento fotográfico monocromo, que consegue unha copia negativa do orixinal en cor azul. Trátase dun procedemento de contacto  onde o tamaño da imaxe é igual ao tamaño do negativo e podemos utilizar obxectos para crear fotogramas.  Os negativos ideais para esta técnica son aqueles que conteñen unha ampla variedade tonal desde os brancos ata chegar aos negros puros. É perfecta para cando hai que sensibilizar grandes zonas xa que ten moi baixo custo. Na súa composición interveñen dous sales de ferro: o Citrato Férrico Amoniacal e o Ferricianuro de Potasio que han de ser expostos aos raios UV para formar a imaxe latente. Despois da exposición aos raios UV lavamos o soporte con auga e queda revelada e fixada a imaxe final.

  A importancia do traballo de Anna Atkins:

 Fixéronse unhas tres copias do libro, unha das cales se atopa no National Media Museum en Bradford, Inglaterra. Continuou publicando outras entregas da serie British Algae, ademais doutros libros como Cianotipias das Plantas con Flores e Fentos Británicos e Estranxeiros (1854). O traballo en conxunto co seu pai, a botánica, a fotografía e o debuxo, lograron conseguir un traballo minucioso, perfecto e preciso. O seu traballo foi o primeiro intento de plasmar imaxes da forma máis obxectiva posible, traspasando o ámbito científico ata hoxe, e logrando ser unha achega ás artes e a estética.


 

  

  No seguinte vídeo do Rijksmuseum podedes ver interesante imaxes do libro: 
 


Mujeres con ciencia. Anna Atkins, la científica que vinculó la botánica y la fotografía. 

Camaracoleccion. Anna Atkins.

 Anna atkins. Babelia. El País. 

 No seguinte post veremos traballos do alumnado experimentando con esta técnica sobre diversos soportes.

 

Ningún comentario:

Publicar un comentario

¡Anímate a participar cos teus comentarios!