 |
| A LA VUELTA DE LA ESQUINA (FOTO DEL MUSEO DEL PRADO) |
Hoxe con motivo do día internacional dos museos o Museo do Prado lanza unha iniciativa “a la vuelta de la esquina” para activar a presenza da pinacoteca fóra das súas históricas paredes. Calquera que pase polas rúas de Madrid dende hoxe e durante tres semanas poderá gozar e sorprenderse cunha vintena de cadros da colección, que romperán a cotiandade dos transeúntes facéndolles partícipes dalgunhas obras de arte da colección dunha das pinacotecas máis importantes do mundo.
As reproducións das obras seleccionadas respetan o tamaño orixinal e expóñense xunto a unha cartela cun código QR no que enlazar coa web do museo para obter toda a información sobre a obra. Sen dúbida unha gran iniciativa, popularizar a arte clásica e establecer ese diálogo cos cidadáns fora do contexto da institución; seguro que fará moitos se sorprendan e achegará a cultura a un público alleo ás visitas a estes espazos tan cerimoniais e asépticos que moitas veces son os museos. Unha estupenda iniciativa ao virar a esquina.
* O museo habilitou unha ligazón para que o público poida compartir imaxes da interacción das obras cos transeúntes, #Vuelvealprado
Ningún comentario:
Publicar un comentario
¡Anímate a participar cos teus comentarios!