75. HELEN FRANKENTHALER, CAMPO DE COR [PINTURA]

Helen Frankenthaler (Nova York, 1928 - Darien, Connecticut, 2011).
Pintora estadounidense cuxa obra desempeñou un papel determinante na evolución da pintura americana e europea da post-guerra.
Entre o expresionismo abstracto e a pintura de campo de cor, Helen Frankenthaler foi unha pioneira do movemento artístico chamado “Color-Field”.



"Un debe saber como aproveitarse dos accidentes, como recoñecelos, como controlalos, e debe atopar modos de eliminalos para que toda a superficie apareza como nada á mesma vez".
Helen Frankenthaler.

Mountains and sea, 1952

Open Wall, 1953

N.Y. Bamboo, 1957

 

Frankenthaler ,desenvolveu, nos anos 50, un método que foi bautizado como “campo de cor” (Color Field), afín co paisaxismo tradicional chinés ou coas pinturas tardías de Monet (os famosos nenúfares da súa casa en Giverny, de feito, foi o interese de Helen e dalgúns nestas pinturas da última época de Monet, que serviu para a súa recuperación e revalorización), afastándose así da Escola de Nova York das décadas de 1940 e 1950, que comezaba a ter certos síntomas de esgotamento.

Las Mayas, 1958

Blue form in a Scene,1961

Cool Summer,1962.

O seu traballo pictórico que, baixo a influencia da pintura de Joan Miró, Hans Hofmann e Jackson Pollock, pudo dar un novo impulso renovador á pintura Expresionista Americana, explorando insinuacións latentes da natureza con formas fluídas, masas abstractas e xestos líricos. Creando composicións que salientan a espontaneidade, a continxencia do instante, o devir da cor e a liña sobre o lenzo.

The bay,1963

Pink lady, 1963

Nature Abhors a vacuum,1973

Frankenthaler mesturaba augarrás diluído na pintura que derramaba sobre o lenzo, sen preparar, para que o tecido da tea se impregnase del completamente.

As cores que así conseguía afastábanse do enfoque xestual e a retórica romántica tan propia do expresionismo abstracto.

Subtraeu gravidade e condensación á técnica expresionista abstracta, liderando unha revolución pictórica, da que beberían, posteriormente outros mestres como Kenneth Noland ou Morris Louis.

Untitled,1986

Untitled,1986

Untitled,1986

A súa técnica do Soak Stein (unha posible tradución sería: ”mancha mollada”), consiste en utilizar pigmentos de cor ao óleo diluídos (con trementina ou aguarrás) para que sexan filtrados e absorbidos directamente polo lenzo sen preparación, o que proporciona un resultado traslúcido que pode lembrar ao da acuarela, outra das características desta técnica é que debe traballarse no chan e desde todos os lados para crear campos flotantes de cor translúcido.

Eliminando a pincelada gestual que tanto distinguiu aos primeiros pintores do expresionismo abstracto.

Indian Summer,1967

Stride,1969

For E.M., 1981

ENLACES:
Helen Frankenthaler Foundation