Este venres teremos a presentación do taller de gravado Entretintas de Bilbao e a parte de amosar a creación do taller, Omer Zaballa e Peri Helio, ex alumno da escola, falarannos de cómo crearon edicións de obra gráfica xuntos e este ano participaron no FIG, Festival Internacional de Gravado.
Deíxovos aquí un enlace con información sobre o traballo de Omer Zaballa e o seu taller. Nesta entrada centrarémonos no traballo de Peri, ex alumno de serigrafía.
En torno ao 2005 a obra de Peri Helio comeza a adquirir unha linguaxe propia que definirá o seu estilo actual, creando un universo particular de carácter onírico, con claras evocacións e influencias do surrealismo e o simbolismo. Tras a súa estancia en Tenerife entre 2007 e 2008, onde desenvolve a súa actividade artística xunto ao colectivo local Os Chinijos Do Millo, tende a traballar en murais de formato cada vez maior á vez que participa en diversos festivais de arte urbana, como o Desordes Creativas, e a súa carreira profesional oriéntase definitivamente cara á arte. Paralelamente á súa obra mural, Peri empeza a traballar sobre papel, coa tinta como un dos seus materiais preferidos. Desde hai algúns anos envorcouse no mundo da estampaxe.
Tras estudar serigrafía artística na Escola Municipal de Artes e Oficios de Vigo (EMAO), Peri monta o seu propio taller taller de serigrafía, no que desenvolve actualmente o seu traballo, e ademais realizou estudos de xilografía no Centro Internacional da Estampa Contemporanea (CIEC) de Betanzos, onde acode periodicamente para traballar nos talleres libres. Ao longo de todos estes anos Peri realizou numerosos murais en diversas cidades de España, Italia, Portugal, Francia ou Alemaña e participado en festivais de arte urbana como o IBUG, Desvelarche ou Desordes Creativas entre outros. Ademais, realizou exposicións, tanto individuais como colectivas, en diferentes espazos e países como o Museo de Pontevedra (Pontevedra, España), o Museo de Arte Contemporánea de Puerto del Rosario (Tenerife, España), o Forum de Maia (Maia, Portugal), o espazo BECUH (O Porto, Portugal), Mambo Gallery (Vigo, España), La Frontera (Roma, Italia)… e o seu traballo foi publicado en diversas revistas e libros tales como “Os nomes esenciais do Grafiti e a arte Urbano español”, da Editorial Lunwerg, ou o primeiro volume de “Street Art & Grafiti. Vol.1”, de Fronteira Do Caos Editores.
Crítico coa sociedade actual, filósofo visual da condición humana, cunha clara conciencia ecolóxica e, sen dúbida, observador da natureza e os seus cambios. Todos estes son aspectos da miña personalidade que se evidencian na linguaxe metafórico da miña obra. Aínda que a miña carreira artística está intimamente ligada á arte urbana e ao espazo público, na actualidade no meu proceso creativo combínanse diversas disciplinas entre as que destacan a pintura mural e o debuxo, aínda que sen dúbida a serigrafía e o mundo da estampaxe en xeral cobran cada vez máis importancia… esta variedade axudou ao desenvolvemento do meu proceso creativo á vez que enriqueceu a base conceptual da que parten os meus traballos.
Arquitectura nº2 é unha edición de xilografía a plancha perdida realizada polo propio artista entreos talleres de la Escuela Municipal de Artes y Oficios de Vigo (EMAO) y o Centro Internacional de la Estampa Contemporanea – Fundación CIEC (Betanzos, A Coruña). Es una edición a 4 tintas de 11 ejemplares numerados y firmados, más 2 pruebas de artista. Esta é a segunda dunha serie de edicións de xilografía con las composiciones arquitectónicas como nexo de unión entre elas.
Buraco Negro
Pulsiones
Cosmogonía Modernista
Serigrafía sobre téxtil, serie Infinito
Peri traballando no obradoiro de serigrafía artística da EMAO
Ningún comentario:
Publicar un comentario
¡Anímate a participar cos teus comentarios!