Este martes o obradoiro de Moda e Confección desplazouse ata o patio da Escola para dar a clase de identificación de tecidos para a estampaxe serigráfica. Todos os anos os alumnos de Básico de Serigrafía reciben esta clase na que a mestra de Moda e Confección explica uns conceptos sinxelos sobre os tecidos. Comezamos explicando como nos vamos a atopar a tea cando cheguemos ao comercio, os seu formatos e a súa estructura. As diferenzas entre tecido de calada e o de punto e as propiedades de cada tipo. Profundamos en con qué están feitos os tecidos e na clasificación das fibras.
Experimentamos coas fibras naturais e as químicas. Coñecimos as propiedades e procesos de producción e Emma trouxo as súas novas mascotas: os gusanos de seda. Tamén vimos as claves para poder identificar un tecido cando non podemos ver a etiqueta de composición.
Hoxe en día non chega con recoñecer un tecido polo tacto xa que os avances da industria téxtil pretenden, no laboratorio, asemellar o máis posible os tecidos químicos aos naturais e esto da identificación é moi importante para os alumnos de Serigrafía xa que no mercado existen diferentes tintas para cada tecido e hai que coñecer ben o material e as súas caracteristicas para conseguir o resultado e a calidade esperada.
Fixemos un execicio de recoñecemento de tecidos pola combustión onde o alumnado demostrou que estivo ben atento á explicación.
maravillosa proposta. Os de Debuxo víamos desde enriba como utilizastes o patio e dábanos certa envexa.
ResponderEliminar