Conferencia "De Cando as Monxas Bieitas Galegas se Fixeron Prófugas" por Carmen Varela e Camiño Noia [OUTRAS NOVAS]

Xoves 21 de abril, 19 horas
Biblioteca da EMAO

 

A finais do século XV e comezos do XVI os mosteiros bieitos galegos son sometidos a unha reforma executada co apoio da coroa de Castela. Esta reforma leva consigo a supresión de todos os mosteiros femininos galegos e o confinamento de todas as abadesas e demais monxas no mosteiro de San Paio de Antealtares.

Tres papas, dúas raíñas e unha manchea de monxas pelexaron durante anos polo poder dos mosteiros bieitos galegos. Ese drama deu pé á peza teatral As Desterradas coa que Carme Varela gañou o XXV Premio Álvaro Cunqueiro e que trouxo ao presente estes feitos case esquecidos.