Continuamos coa difusión dos libros adquiridos recentemente pola biblioteca para o seu fondo moderno especializado en arte e oficios artísticos. Hoxe vamos ver os títulos adquiridos para a nosa especialidade de Moda e confección
Los tejidos y el diseño de moda : guía de referencia, características y uso de los principales tejidos / Stefanella Sposito ; fotografías, Gianni Pucci.-- Barcelona : Promopress, cop. 2019
O texto describe con gran riqueza de detalles as características dos
tecidos e a súa historia, así como termos obsoletos cos que aínda se
atopan os lectores actuais. O seu principal obxectivo é estimular a
exploración creativa das relacións entre tecido e moda, examinar visualmente todo o espectro de tecidos dispoñibles, explicar as súas
características e mostrar o emprego que podemos darlles para ampliar as
fronteiras do deseño.
Os deseñadores de moda máis exitosos son os que coñecen os
materiais e combinan a capacidade de deseño cos coñecementos técnicos, e
este libro tende unha ponte entre ambos os aspectos. Esta segunda edición revisada de deseño de moda mostra os principais
tipos de tecidos usados nos nosos días, cunhas 1.600 espléndidas
fotografías en cor moitas delas actualizadas para esta nova edición.
Patron XXI : método profesional de patronaje femenino para trazados manual geométrico e informático / Carlos García Ramos.-- Madrid : Paraninfo, D.L. 2016
Este método é o resultado dun estudo anatómico técnico-práctico, froito
da experiencia adquirida polo autor durante a súa longa e recoñecida
traxectoria profesional.
Ideado e creado para facer máis comprensible o coñecemento da anatomía
do corpo feminino, con este método de trazado manual-xeométrico e
informático conséguense excelentes resultados na técnica do aplomado
e na exactitude no trazado dos pescozos e as mangas.
Este manual, absolutamente innovador pero amplamente contrastado, pon ao
servizo do lector todo o coñecemento e bo facer do seu autor asegurando
a consecución de resultados óptimos.
Técnicas de patronaje para accesorios de moda : zapatos, bolsas, sombreros, guantes, corbatas, botones : incluye ropa para perros / Antonio Donnanno.-- Barcelona : Promopress, 2019
Este libro constitúe unha ferramenta imprescindible e práctica para o deseño e fabricación de accesorios de moda, tanto de home como de muller. Pensado para estudantes de moda e profesionais, o libro recolle non só as diferentes técnicas de patronaje para cada tipo de accesorio, senón que explica tamén os procesos de produción para que o lector poida incorporalos á súa práctica profesional, ademais de identificar e achegar a información necesaria para que se poidan recrear diversos modelos de accesorio.
Inclúe desde descricións de materiais, patróns e exemplos de deseños ata as diferentes posibilidades de acabados, mediante ilustracións, fotografías, debuxos técnicos e textos que explican de forma moi clara o proceso de realización de cada peza, xa sexa artesanal como industrial. Neste sentido, coñecer a fondo a creación das diferentes pezas, desde un bolso ata uns zapatos, pasando por chapeus, luvas, gravatas e botóns, e coa axuda deste manual, é unha boa maneira de iniciarse nesta rama da disciplina.
Modelado de moda sobre maniquí : las técnicas básicas del moulage paso a paso : vestidos, cuellos, drapeados, nudos, vólumenes, mangas / Danilo Attardi ; [traducción Jesús de Cos Pinto y Alicia Misrahi Vallès].-- Barcelona : Promopress, 2019
A técnica do modelado é unha técnica que consiste en traballar o tecido directamente sobre o maniquí.
Desta forma, o deseñador parte dunha idea que pode ir modificando a
medida que o deseño da peza vai avanzando. Neste proceso, a liberdade
creativa xoga un papel máis importante e menos ríxido que os patróns e o
debuxo sobre papel. Esta publicación constitúe unha guía esencial para
os estudantes e profesionais da moda que queiran profundar máis nesta
técnica utilizada polos grandes nomes da industria, como Issey Miyake, Margiela, Thierry Mugler, Iris van Herpen
e tantos outros.
Desde as ferramentas necesarias ata diferentes
exemplos de deseños, desde os pasos para seguir para crear chaquetas,
saias e vestidos ata os detalles máis específicos, este libro é todo
canto necesita o lector para aprender paso a paso os principios do
modelado e ter a base sólida para facer as súas propias creacións sen
poñer límites á creatividade.
Patrón base a medida : cuerpo de la prenda, manga, falda y pantalón : construcción y transformación / Teresa Gilewska.-- Madrid : El Drac, cop. 2020
Este libro mostra a forma de realizar patróns base a medida e axustalos aos diferentes tipos de morfoloxía corporal, e así poder crear patróns con total autonomía, tanto se se é principiante como experto en costura. As explicacións detalladas e precisas axudarán a entender a función e a importancia do trazado de cada liña e o metódico proceso das etapas para cada un dos elementos (corpo da peza, manga, saia e pantalón). Tamén explica o modo de facer as primeiras transformacións, para obter o trazado do modelo desexado. Inclúe: xeneralidades, o corpo da peza, construción do patrón a medida, montaxe e proba, patrón basee terminado, manga, saia, pantalón, transformacións dos patróns basee, ensanches e modificacións dos patróns.
Máis información en:
Novas Adquisicións para a Sección de Novela Gráfica e Älbums Ilustrados. 2
Novas Adquisicións para a Sección de Novela Gráfica e Álbums Ilustrados. 1
Novas Adquisicións para a Biblioteca da EMAO 2Novas Adquisicións para a Sección de Novela Gráfica e Álbums Ilustrados. 1
Novas Adquisicións para a Biblioteca da EMAO. 1
Ningún comentario:
Publicar un comentario
¡Anímate a participar cos teus comentarios!