Esta semana,co gallo da presentación do seu próximo libro, recibimos a visita de Carlos Núñez e o seu irmán Xurxo, un reencontro entrañable despois de moitos anos, no que lembramos aqueles anos oitenta e principios dos noventa, cando aquel rapaciño de apenas 13 anos entrou no noso obradoiro por primeira vez, quedando atrapado de tal maneira que se converteu na súa segunda casa.Neste obradoiro coñeceu Carlos a figuras importantes do mundo da gaita, entre eles a Nazario Gonzalez "Moxenas", ou Ricardo Portela. Este último é o protagonista deste novo traballo que leva por título "De gaiteiro a gaiteiro", no que debulla polo miúdo a peculiar e moi persoal ornamentación do mestre Portela.
É importante destacar que este traballo foi un encargo personal a Carlos Núñez do propio Ricardo Portela pouco antes de falecer, e transcorreron case trinta anos de arduo traballo de estudo e transcrición.
Quixo o propio Carlos que o noso obradoiro, onde coñeceu a Portela, fose o escenario para gravar o vídeo de presentación deste fermoso libro.
Grazas Carlos, pola visita e por suposto polo traballo, e grazas a Ricardo Portela por ese inmenso legado á nosa música.
Ningún comentario:
Publicar un comentario
¡Anímate a participar cos teus comentarios!