EMAO EN LIÑA: Entrevista a Noé e Susana de Coiro Chorima [COIRO]

luns, 30 de marzo de 2020

Entrevista a Noé e Susana de Coiro Chorima [COIRO]

Como vos dixemos o venres, estamos a publicar entrevistas a artesáns da nosa contorna e hoxe lúns tócalle a Su e Noé do Obradoiro Chorima de Porriño.

Su e Noé no seu posto nun mercado

Como quedamos- ¿Cómo empezachedes no coiro?

Alá polo ano 2008 foi cando empecei a ter contacto co coiro de forma esporádica facendo pequenos encargos para amigos e coñecidos. Despois, en maio de 2013 foi o primeiro contacto coa venta na rúa, na maravillosa Península do Morrazo.

A paixón polo oficio non deixou de medrar e foi en decembro de 2014 cando todo deu un xiro e decidimos facer disto algo profesional, legal e tendo máis claro que nunca o camiño que queríamos seguir.

"Bolso de Hombro"

-¿Que ten o coiro que non teña outro material?

A calidez e a amplitude de técnicas que pode abarcar.

É un material que permite infinidade de formas, texturas, acabados e co que nunca paras de descubrir.

- Dentro das técnicas que coñeces ¿cal é a vosa favorita?

Cada técnica ten o seu encanto, pero algo que nos gusta moito é a volumetría.

Poder conseguir volumen nunha peza, como si se tratara de madeira ou cerámica é unha sensación moi bonita.

Aínda así, outras técnicas como o trenzado ou a costura con punto guarnicioneiro tamén nos resulta moi gratificante, sobre todo a costura con punto guarnicioneiro, a cal aplicamos en todas as nosas pezas. Para nós é algo moi importante e algo que se debe conservar e transmitir.

- ¿Que peza tedes ganas de facer e aínda non fixechedes?

Difícil pregunta. As ideas nunca deixan de xurdir, algunhas viables e outras igual non tanto, pero sempre coa ilusión de investigar e desenvolver cousas novas.

- ¿Que consello lle daríades a alguén que está a empezar?

Que non colla malos hábitos. Cando te acostumbras a facer algo dunha forma concreta, como pode ser coller mal unha ferramenta, despois é moi difícil correxilo.

Pinzas de Guarnicioneiro

- ¿Tedes algunha ferramenta "especial"?

Dúas pezas moi especiais e con moito protagonismo no noso taller son as nosas pinzas de guarnicioneiro. Ademáis de aportar calidade ó noso traballo e mellores acabados na costura, son especiais para nós, e únicas.

- ¿Tes algún referente no oficio que consideres como inspirador?

Como inspirador en canto a técnicas, acabados e coñecementos, sen dúbida, Vidal Revilla. Sempre valoramos moito a súa experiencia e traxectoria.