Experimentos caseiros con Coiro [COIRO]

Estar pechado na casa durante dez días con dous nenos cambia un pouco a vida do "confinamento" así que onte pola tarde preparamos un vídeo realizando un experimento sobre a técnica da que vos falamos a semana pasada do moldeado ao baleiro.

Detallamos aquí o paso a paso; se tedes algunha dúbida aquí estamos para respostala. E xa por adiantado perdón pola montaxe do vídeo: Spielberg daba comunicando cando o chamamos.

Materiais:

- Auga.

- Xabrón lavalouzas (Fairy ou similar)

- Bolsa para almacenar roupa ao baleiro

- Auga temperada
- Coiro fléxible de curtido vexetal.

Ferramentas:
- Aspiradora.
- Ferramenta de Corte.
- Molde Ríxido.

Pasos:
1- Calcular o tamaño do coiro que vaiamos precisar, que sexa máis grande có molde e que o cubra tendo en conta o grosor.
2- Cortamos o Coiro.
3- Mesturamos a auga temperada co xabrón.
4- Estiramos e enrugamos o Coiro para rachar o pranchado da flor.
5- Introducimos o Coiro na auga mesturada, rachamos a fibra ao coiro e deixamos que entre ben a auga pola flor e pola carne.
6- Deixámolo na auga un par de minutos.
7- Poñemos o molde sobre unha superficie ríxida e o cubrimos co coiro.
8- Preparamos o Coiro tratando de evitar que queden enrugas cara a parte exterior.
9- Aquelamos a peza a moldear no interior da bolsa.
10- Pechamos herméticamente a bolsa.
11- Coa aspiradora extraemos o aire da bolsa ao máximo. E xa notaremos a forma do moldeado.
12- Deixade repousar entre 12 e 24 horas. Revisade, xa que se a bolsa non é moi boa pode perder algo de baleiro; se é o caso podemos volver a baleirar coa aspiradora.
13- Pasado o tempo de repouso, abrimos a bolsa e deixamos secar un pouco o coiro, sen sacalo do molde.
14- Mentrres o coiro siga húmido podemos axustar cun buril ou pregadeira as formas e detalles que non queden abondo definidas co baleiro.

Agora vos toca xogar a vós.

P.D. Grazas a todo o equipo de producción dos estudos onde gravamos este vídeo, Pepe, María e Fermín.