Encaixe de palillos ou a liberdade do confinamento. Cap 35. O ENCAIXE MECÁNICO DE PREGUERRA, GUERRA E POSTGUERRA [ENCAIXE DE PALILLOS]

Sempre falamos na nosa aula da importancia creativa do encaixe de palillos (feito á man), xa que é moi difícil competir coa máquina, pero houbo momentos na historia en que esas máquinas axudaron ao humano.

Momentos nos que se tiña a máquina pero o humano non tiña para comer. Falamos dos encaixes mecánicos que se realizaron en Europa entre guerras. Os encaixes mecánicos do mesmo xeito que os manuais teñen calidades e non todas as máquinas polo feito de ser máquinsa o fan ben, e neste bo facer especializáronse os técnicos ingleses e franceses, xa que tanto en Inglaterra como en Francia existen os encaixes manuais máis finos, como pode ser o encaixe de Valenciennes (Francia) ou Honinton (Inglaterra).

A industria encaixeira nestes países foi impulsada xa desde a revolución industrial, porque nun principio parecía imposible que unha máquina puidese competir coa creatividade humana, pero máis tarde demóstrase que detrás das máquinas hai deseñadores e persoas que traballan para que esas máquinas (maquinas denominadas Jackard) realizasen encaixes exquisitos que as persoas con poder adquisitivo da época puidesen gozar en festas ou nas súas casas e dese xeito moito persoal da fábrica puidese comer, xa que en tempo de guerra, a comida era un dos bens máis prezados.

Déixovos cunha pequena visita a unha fábrica de encaixes do século XX (1940-1949), onde a maioría dos traballadores eran homes e nenos nunha época onde saír adiante era o máis importante e neste caso a máquina foi unha aliada.