Proposta de traballo sobre a obra de J. Cornell. Relatos Encaixados [TALLA E ESCULTURA]

Relatos Encaixados

 

Peza de Henar

Caixas realizadas por Coral e Vicente

Dentro do contexto de traballo que vimos desenvolvendo, hoxe fágovos unha nova proposta, en relación ás anteriores entradas ao blog que agora vos achego.

Coenell (parte1) Joseph Cornell: as súas caixas

Cornell (parte 2) Dúas caixas de Cornell interpretadas

Cornell (parte 3) Caixas, caixas e máis caixas: Carmen Calvo

Que imos facer?

Despois de ver os posts desta pasada semana imaxino que xa saberedes por onde vai a nova proposta de traballo. Falando de Cornell e caixas, o noso novo traballo non pode ser outro que realizar unha caixa. Pero non unha caixa calquera, a nosa caixa.

Peza realizada por Vicente

 
Como o imos facer?

Non se trata de ter un contedor e enchelo de obxectos, non, trátase de construír un relato, unha narrativa, aí reside a dificultade. A nosa caixa ten que contar unha historia, e esa historia multiplicarase a través das múltiples miradas que a observen. Para isto imos utilizar un texto evocador e disparador de imaxes mentais, que nos axude a visualizar e ilustar nosa caixa. Dentro, os obxectos que elixamos cobrarán unha nova vida, algo que xa experimentamos no proxecto do obxecto atopado, pero esta vez traballaremos de maneira diferente.

A caixa debe ser un pequeno escenario onde texto, recortes, fotografías, elementos naturais (cunchas, madeiras, ramas...), pequenas esculturas realizadas por nós e obxectos, dialogen entre eles nun contedor-espazo de maneira que ilustren o texto que elixísemos. A caixa pode ser manipulada, pintada, cortada... todo o que sexa necesario no contexto de traballo. Debe ser un traballo coidado e limpo, onde todos os elementos estean porque deben estar, porque ese é o seu lugar.

Así que empezaremos por elixir o texto sobre o que imos traballar: este pode ser un poema, unha frase, un pequeno fragmento dun libro, un Haiku, algo co que nos identifiquemos, que nos axude a expresarnos, como sentimos ou queremos compartir. O texto non ten por que incluírse na caixa. Unha vez elixido pensaremos en que imaxes mentais nos provocan e dedicarémoslle un tempo á reflexión. A partir de aí buscaremos os elementos cos que construiremos o noso relato visual. 

Peza de Miguel Núñez

Pezas de Manuel e Mónica

*Todas as caixas que vos mostro foron realizadas por alumnos da aula de escultura e talla na madeira

Obxectivos do proxecto

Traballar desde a perspectiva do relato como evocador de imaxes
Entender a obra artística dentro do seu contexto
Explorar a creación artística como narrativa
Obter ferramentas que fomenten a nosa creatividade

Enviádeme as imaxes das vosas propostas xunto ao texto evocador e o título da obra.
Espero que vos apeteza e motive o reto!!!

A miña proposta sobre un poema de Benedetti. Anhelo (Ensamblaxe, fotografía sobre Dibón e aceiro)

Anhelo, @rosgarciam

 
Ésta es mi casa

No cabe duda. Ésta es mi casa

aquí sucedo, aquí

me engaño inmensamente.

Ésta es mi casa detenida en el tiempo... (M. Benedetti)