Madeiras: Cocobolo (Dalbergia retusa) [CAIM GAITA]

Traemos hoxe unha madeira que se veu empregando na construción de instrumentos durante os últimos anos, mais que na actualidade o seu uso é residual. Moi apreciada polos gaiteiros por ter unha sonoridade potente e con moitos matices, e pola súa beleza.

Hoxendía está ó borde da extinción, polo que a súa comercialización é moi complicada, e presenta unha complicación engadida, xa que se fai necesario traballala con moita protección, xa que a inhalación do seu po pode provocar problemas respiratorios, e en ocasións reaccións alérxicas na pel.

O cocobolo (Dalbergia retusa) é unha árbore orixinaria da costa occidental de Centroamérica.
A súa madeira, o mesmo que outras madeiras do xénero Dalbergia, é moi apreciada e demandada pola súa inigualable beleza e as súas excelentes propiedades mecánicas e tecnolóxicas.
A madeira de cerne ten unha cor que vai do roxizo ó alaranxado con grosas bandas irregulares que a dotan dunha beleza moi particular. O sámago é de cor branco amarelento, diferenciándose claramente do cerne e mostrando un contraste moi marcado. As fibras adoitan ser rectas e o gran medio.
A madeira de cocobolo ten unha densidade de 990-1250 kg/m3. Está clasificada dentro da categoría de madeira moi dura, ademais é unha madeira que contén e exuda aceites, característica que comparte con outras especies do mesmo xénero.
En canto ás súas propiedades mecánicas, considérase unha madeira libre de defectos (ASTM), cunha flexión estática de 69 N/mm2 e una resistencia á compresión perpendicular de 24 N/mm2, é decir, dúas veces a resistencia do carballo.
O proceso de secado é lento, con algúns riscos de que se produzan deformacións ou aparezan
A madeira de cocobolo ten unha durabilidade natural moi alta, polo que está clasificada como unha madeira moi durable. A súa resistencia ós axentes degradadores tamén é admirable, posicionándose como madeira resistente ante o ataque dos xilófagos mariños.