Neste artigo vou amosarvos os primeiros resultados do exercicio de ritmo e acumulación,
a proposta inicial tédela AQUÍ.
O exercicio consistía, a trazos xerais, en construír unha peza volumétrica feita con papel,
composta de múltiples elementos acumulados cos que formar unha composición
harmoniosa e rítmica.
harmoniosa e rítmica.
 |
| Emilia Garabatos - papel |
Pois xa temos dous vos exemplos resultado desta aplicación.
A primeira peza é a de Emilia Garabatos.
Esta bela composición de volume, formas e cor, amosa equilibrio e movemento,
A peza está construída con fino papel de revista de decoración, escollendo con gusto e harmonía as cores e as texturas gráficas.
Un gran traballo que servirá perfectamente para crear unha fermosa xoia,
como un broche ou un adobío de cabelo.
Precioso e parabéns Emilia!!!
A outra obra que vou salientar é o broche que realizou Marta Montenegro,
e que xa deu o paso do papel ao metal
inspirándose tamén nesta proposta.
 |
| Marta Montenegro - Broche de latón |
O broche de Marta emprega a acumulación dun mesmo elemento, "as mans";
con elas xera o volume da peza e tamén marca o ritmo e o movemento,
é como se as máns se fosen abrir ou pechar para atrapar o elemento central.
A súa idea tamén ten unha parte conceptual que naceu da lectura do ensaio de Virginia Woolf
"Unha habitación propia"
A peza en si está moi ben resolta e rematada, a composición está equilibrada,
o movemento das mans dirixe a vista cara ao elemento que atrapa,
o peche está perfectamente colocado, pois o broche non cabecea,
e ademais coa torsión da agulla reforza o agarre e endurécea.
Un traballo moi ben feito Marta,
parabéns tamén ;D !!!
Coa análise destas dúas pezas exemplificamos as posibilidades
estilísticas e formais que nos dá o agrupamento de elementos repetidos,
algo moi simple que nos axuda a expresarnos.
Espero que vos guste e vos inspire !!
Grazas pola visita ;D
Ningún comentario:
Publicar un comentario
¡Anímate a participar cos teus comentarios!