|
Celeste é a artesá detrás dos bolsos portugueses da firma Heimat Atlántica. FOTO: FELIPE |
A idea de obxecto de luxo está a mudar; antes relacionábase o luxo con produtos de marcas caras e exclusivas. Hoxe o novo luxo móvese entre a exclusividade e a sustentabilidade, todo o contrario do que venden as marcas baixo custo nas que os seus produtos caducan antes de acabar a tempada ou se conseguen sacar coleccións semanais, nada máis lonxe da mensaxe que debe transmitir un produto sostible.
Ante isto xorde unha nova artesanía con forza, na que se valora o produto de calidade, o proceso manual e a revisión do obxecto tradicional como valores engadidos ao produto.
Moitas marcas xa están a apostar por iso. Loewe da que falabamos nun anterior post, busca artesáns provedores en feiras artesanais para dar á súa marca un produto cun valor engadido. O produto artesanal, como dicimos, ten un valor engadido, a autenticidade do obxecto, o bo facer e o talento dos artesáns, canto máis visible é o traballo manual máis atractivo faino para ese novo consumidor que busca un produto máis emocional.
|
Carlos Graña, exalumno da aula de Escultura e Talla da Escola
de artes e ofícios, artesán provedor de Loewe |
A artesanía unida ao deseño é o novo luxo. Nun mundo de recursos limitados hai que poñer en valor aqueles produtos que van un paso máis aló dun obxecto coidado e belo. O futuro debe estar ligado á sustentabilidade e á produción de obxectos que sexan éticos e estéticos. Produtos con alma feitos co corazón.
|
Coiro e cerámica, Andrés Gallardo |
|
Artesanas Keniatas, Soko |
|
Mercedes Salazar |
|
Ayni |
|
Mimeiko, feito en España
|
No pasado mes de febreiro tivemos na hemeroteca a oportunidade de falar de este tema, tras a conferencia "Artesanía e emprendemento" a cargo de Montserrat Álvarez creadora da firma Heimat Atlántica. Foi dentro da programación cultural semanal da Escola "Os venres da EMAO". Nesta ligazón tedes as fotos: https://bibliotecadaemao.blogspot.com/2020/02/imaxes-da-conferencia-artesania-e.html
ResponderEliminar