A estampa científica [SERIGRAFÍA]

Como complemento á proposta do exercicio de facer unha estampa botánica podedes botarlle unha ollada a este vídeo do conferenciante Felipe Xerez Moliner, profesor do Departamento de Historia da arte da Facultade de Xeografía e Historia (Universitat de València) onde fai un percorrido histórico sobre a evolución e o desenvolvemento técnico da estampa ao servizo da ciencia. O seminario estivo organizado polo Instituto do Patrimonio Cultural de España ( IPCE) e foi celebrado na súa sede do 6 ao 8 de maio de 2019.

Para realizar o exercicio proposto tedes no correo-e do alumnado instrucións de como facelo paso a paso traballando o gravado calcográfico e adaptado aos materiais que tedes pola casa así como enlaces relacionados co tema. (Unha chiscadela especial para Cecilia, alumna de avanzado e o seu proxecto en colaboración co CSIC)