Katja Prins [OURIVARÍA]

Katja Prins
é unha artista holandesa nada en 1970.
A súa formación é artística en deseño e ourivaría.

A súa obra particular e diferente ten como medio de expresión a xoiaría.
A través das súas pezas xera un diálogo sobre a relación do corpo humano coa tecnoloxía,
e a interacción cos aparatos ou instrumental médico.
É unha reflexión sobre a relación das persoas coa tecnoloxía aplicada ao corpo.

Colección Inter-Act, prata, coral vermello e branco reconstituído,
vidro e aceiro. Katja Prins, 2012.

Son pezas asépticas, limpas, claras e mecánicas realizadas cunha excelente técnica e acabado,

son formas básicas que se interconectan entre sí, moitas recórdannos a partes do corpo unidas con instrumentos mecánicos. 

Colección Inter-Act, prata, coral vermello reconstruido, aceiro.
Katja Prins, 2011.

Katja emprega nas súas obras múltiples materiais que a axudan a transmitir a súa mensaxe.

No caso destes catro colares da colección Inter Act, aparecen materiais como a prata, que é o material de construción, o cordón de aceiro co que crea o corpo do colar, e despois aparecen distintas pezas de vidro, de coral branco ou vermello, de ónix ou casullas de seda.  

A misión da súa obra é transmitir unha mensaxe, e para iso calquera material pode ser válido.

 Noutras obras traballa máis con plásticos, resina de dentista, poliuretano, pezas plásticas de maquetas, porcelana, algodón, perlas, etc.

Broche, Pendentes e Colgante (abaixo) da colección Inter Act

 Algunhas das coleccións de Katja Prins, á parte de Inter Act, que posiblemente sexa unha das máis coñecidas e representativas desta artista, son: 

Rubber Collection, é unha das primeiras coleccións, anos 1999-2000, e o diálogo do orgánico e o mecánico. Os materiais son a prata e o caucho (goma de poliuretano). 

Colar Rubber Collection, prata, caucho e algodón K. Prins

Aneis Rubber collection, prata, caucho e perlas, K.Prins

Broches Rubber Collection, prata e caucho K.Prins

Offspring, na que o diálogo céntrase en como a técnoloxía transforma a natureza.

Podemos ver pezas que nos remiten a formas florais e vexetais pero tratadas con esa atmósfera aséptica e mecánica.

Están construídas con latón cromado, resina de dentista e perlas. 

Broche Offspring, K. Prins

Colar Offspring, K.Prins

Colgante Offspring, K.Prins

Outra gran colección é Inventarium, na que mantén esa relación cos laboratorios e a ferramenta médica. É unha colección, unha catalogación de obxectos, un inventario. 

Nela atopamos materiais como a prata, o vidro e a porcelana. 

Aneis-obxecto Inventarium 2002, prata e porcelana. K.Prins

Aneis-obxecto Inventarium, prata e vidro. K.Prins

Broche Inventarium, prata e porcelana. K.Prins.

A seguir unha das últimas coleccións, Shifting Perspectives (perspectivas cambiantes).

Aquí Katja Prins traslada o diálogo do corpo e a tecnoloxía cara á relación coa arquitectura,

pois como na ourivaría o home é a medida de tódalas cousas.

Aquí centrarase nos planos, nos espazos, na cor, nas texturas, nun contorno de construción, 

empregando a prata e o plástico. 

Nesta serie de catro broches observade a limpeza de liñas, 

como une as distintas pezas cunhas garras anchas que dan un aspecto moi mecánico e industrial, como xera estes espazos tranquilos e baleiros cos planos, a cor e a textura. 

Fixadevos tamén en como foron feitas estas fotografías, 

todo é composición, 

empregan fondos bicolor e xeométricos, 

o conxunto semellan cadros abstractos en tons pastel, 

pura harmonía. 

Isto é moi importante á hora de presentar as nosas pezas, 

todo está atado, nada é azaroso.

A seguir tedes un colar da mesma colección feito con prata, plástico e cordón de seda.

Para min Katja Prins é unha das miñas artistas favoritas, 

o seu traballo é super limpo, excelentemente acabado, a súa obra ten mensaxe e dialoga co espectador, e mantén unha evolución coherente e fiel á súa maneira de facer. 

Aquí vistes un exemplo do seu traballo pero na súa web podedes pesquisar e encontrar moitas máis coleccións, imaxes e información.

Katja Prins

Espero que vos guste tanto como a mín e vos inspire!!!

Grazas por visitarnos ;D