mércores, 13 de maio de 2020

Novos Libros para a Biblioteca da EMAO. 6 [BIBLIOTECA]



O noso fondo moderno especializado en arte e oficios artísticos e tradicionais creouse no ano 2009, desde entón non deixou de crecer, todos os anos incorpóranse novos títulos. Hoxe continuamos informando dos libros recentemente adquiridos para a nosa biblioteca.

Aquí tedes un pequeno resumo dalgunhas destas novas adquisicións:

Bocetaje: las bases / Koos Eissen & Roselien Steur.-- Amsterdam : Bispublishers, cop. 2013


As Bases explica como aprender a debuxar claro e de modo completo, utilizando ilustracións paso a paso, exemplos e estratexias. O lector aprenderá a utilizar e dominar as diferentes técnicas e a como aplicar bosquexos durante o proceso de deseño. É un libro perfecto para aqueles que empezaron a bocetar nos primeiros anos de arte e deseño. Para aqueles que desexan revisar as bases de como bocetar correctamente, dunha maneira fácil e eficiente.

Dibujo de la figura humana : gestos, postura y movimientos / Daniela Brambilla.-- Barcelona : Promopress, 2015


Este libro non reúne indicacións sobre como se debe debuxar, pero si suxestións para empezar a debuxar, en particular, o corpo humano. Os exercicios propostos ensinan a observar e dividir en partes un proceso que coa práctica convértese en algo totalmente instintivo. As regras serven para evitar o medo e facelo todo con naturalidade. Para facilitar a aprendizaxe e a asociación entre os diversos temas ao final do libro a autora ofrece un esquema que resume os temas e combínaos con sesións de estudo. Este título está dirixido a todos aqueles que queren iniciar un camiño de coñecemento; aos que xa debuxan e queren descubrir outros puntos de vista, e aos que ensinan debuxo e desexan atopar unha integración de métodos e novas asociacións orientadas ao desenvolvemento da procura creativa.

Tramas : la geometría secreta de los pintores / Charles Bouleau ; prefacio de Jacques Villon.--  Madrid : Akal, D.L. 2006 


A obra pretende constituír un completo inventario e unha historia exhaustiva dos métodos pictóricos de composición, realizados a partir da análise concreta da xeometría subxacente á obra dos pintores, á luz das fontes escritas.

Encuadernación creativa : 15 proyectos maravillosos para encuadernar libros / Rachel Hazell.-- Barcelona : Blume, cop. 2019 


Unha selección accesible de proxectos de encadernación creativos con diferentes técnicas de corte e encartado, ademais de diferentes tipos de costuras. Unha mostra de estruturas básicas para probar con diferentes escalas e materiais. Tanto para persoas xa iniciadas na encadernación como para principiantes, os coñecementos e paixón da autora por este oficio serán unha inspiración para explorar as múltiples posibilidades do libro artístico.

A carpintería de ribeira en Galicia (1940-2000) / José Mª de Juan-García Aguado.-- Cangas do Morrazo : Morgante, D.L. 2011 


A obra A carpintería de ribeira en Galicia (1940-2000) explica de xeito detallado o proceso para construír unha embarcación de madeira de xeito practicamente artesanal, segundo o legado dos nosos antepasados. Este manual amplía o material que xa existe sobre a carpintería de ribeira, e ten o valor engadido de vir acompañado de fotografías, ilustracións e gráficos. Así mesmo, achega información sobre os mestres construtores en Galicia, con fotografías destes e dos seus barcos.

Ningún comentario:

Publicar un comentario

¡Anímate a participar cos teus comentarios!