Mulleres escultoras: Os obradoiros do silencio (parte 9) Anne Hyatt Huntington [TALLA E ESCULTURA]

Anne Hyatt Huntington

La escultora hispanista

Anne Hyatt Huntington foi unha escultora americana de gran prestixio internacional que se irmandou coa cultura española despois de casar co  hispanista Archer Milton Huntington, fundador da  Hispanic Society of America, que lle transmitiu o seu amor pola lingua e a cultura española.
Anna Vaughn  Hyatt naceu o 10 de marzo de 1876 en Cambridge, Massachussets. O seu pai foi o zoólogo e  paleontólogo Alpheus Hyatt, profesor na Universidade de Harvard e o MIT. Anna Hyatt estudou no Art Students League de Nova York e na Escola de Belas Artes da Universidade de Syracuse e formouse con varios escultores, entre os que se conta  Gutzon  Borglum. Influída pola actividade do seu pai, o seu interese pola fauna manifestouse de forma temperá, comezou a estudar a anatomía humana e animal, o comportamento dos animais realizando numerosos apuntamentos escultóricos no zoolóxico do  Bronx, onde ía co seu  trípode e arxila a capturar os movementos dos animais. A súa paixón polos animais etiquetouna como escultora fundamentalmente  animalísta. Dese período é a obra  Reaching Jaguar, 1906.

Reaching Jaguar, 1906

Empezou a expoñer a súa obra en 1898, e en 1906 xa alcanzara unha reputación como escultora animalística, e co tempo converterase na escultora de animais máis famosa da historia, sobre todo polas súas esculturas ecuestres, que constituíron unha das partes fundamentais no facer da súa traxectoria artística. Viviu en Europa de 1906 a 1908. En Nápoles moldea un colosal León, escultura colocada no Oakwood Park de Ohio. En 1910 obtivo unha mención de honra no Salón de París coa estatua ecuestre de Juana de Arco, que se erixiu en Riverside Drive, Nova York, en 1915, co motivo do 500 aniversario do nacemento da heroína francesa. O goberno francés encárgalle unha copia para Blois, a súa obra é moi valorada e comeza a recibir mencións e premios que a levan a ter unha gran cantidade de encargos que a sitúan nunha situación económica de privilexio. En 1916 convértese nun membro asociado da National Academy of Desing de New York.

Juana de Arco, 1910

En 1911 realiza a súa escultura ecuestre Charioteer and de horse. Ademais das súas esculturas de carácter animalístico tamén se sente atraída polos temas mitológicos, Diana of the Chase (1922), coa que gaña a medalla de ouro Saltus, ao mérito artístico outorgada pola National Academy of Desing de Nova York.

Diana of the Chase, 1922

En 1923 contraeu matrimonio á idade de 47 anos nunha cerimonia secreta realizada no seu estudo con Archer Milton Huntington, hispanista millonario fundador da  Hispanic Society of  America, quen lle transmitiu o seu amor pola lingua e a cultura españolas. A partir de aquí comeza a traballar xunto ao seu marido en temas de carácter hispano. De 1927 a 1944 decorou os patios da  Hispanic Society con varias obras monumentais, entre as que destaca a estatua ecuestre do Cid, que se converteu nun símbolo da institución. A pedimento do duque De Alba realiza unha copia da estatua do Cid para Sevilla, e o Rey concedeulle por esta obra a Gran Cruz de Alfonso XII, primeira muller en recibila. En 1930 creou, xunto ao seu marido, os  Brookgreen Gardens, un gran museo de escultura ao aire libre, e en 1932, o Mariner’ s Museum en Newport News, Virginia. A súa actividade  filantrópica e de mecenado inclúe igualmente numerosas doazóns a organizacións cívicas e museos, como o Museo Nacional de Cerámica de Valencia.

Charioteer and the horse,1911

“...a señora Anna Hyatt Huntington é desde agora unha valenciana máis, pero valenciana que dá prestixio e honra á súa patria adoptiva; o seu nome ha de perdurar na memoria e o agarimo no corazón de todo valenciano que sinta intensamente o amor patrio.” (González  Martí,  Feriario, 1964).

Outros dos numerosos premios e distincións coas que conta a escultora son a Medalla de Ouro da Academy of Arts and Letters (1930), a Lexión de Honra do goberno francés (1933), a Widener Gold Medal da  Fine Arts Academy de Pensilvania (1937) e a Medalla de Honra da National Sculpture Society (1940).

Anna Hyatt Huntington faleceu o 4 de outubro de 1973 aos 97 anos de idade.

Enlaces web e bibliografía:

Escultoras en su contexto. Barrionuevo Perez Raquel, Visión Libros.

Mujeres en la historia 

Ecured

Anne Hyatt Huntington: de la Hispanic Society al Museo Nacional de  Cerámica