Estravaganzza barroca [CAIM Zanfona]

Se a zanfona é xa de por si un instrumento misterioso que chama a atención de quen a sente soar ao lonxe, canto máis este híbrido entre zanfona e órgano, froito do maxín de "a saber quén", que chegou a espertar o interese do mesmísimo Haydn, quen compuxo 14 obras para esta "estravaganzza", a Lira Organizatta.

Trátase dunha zanfona á que se lle incorporou unha fileira de tubos sonoros que reciben o ar por medio dun mecanismo de foles que funcionan co mesmo xiro da manivela. Cada tecla abre o paso do ar ao seu respectivo tubo, mesturando os timbres de cada nota. Poden soar xuntos ou por separado, como no caso desta composición. No modo órgano, tal como se aprecia no vídeo, o sistema permite facer acordes, cousa que unha zanfona non pode facer.

Obsérvese a diferente disposición dos tubos sonoros deste outro modelo e a altura da caixa armónica que alberga os foles no seu interior.