Novos Libros para a Biblioteca da EMAO. 4 [BIBLIOTECA]

Continuamos coa divulgación dos libros recentemente adquiridos pola biblioteca para o noso fondo moderno, especializado en arte e oficios artísticos e tradicionais. 

Espero que sexan do voso agrado.

Hecho a mano : guía para ceramistas / Melissa Weiss.-- Barcelona : Acanto, cop. 2019

Este libro vai dirixido a ceramistas que traballan a moitos niveis. É un libro que rende homenaxe á tradición pero tamén presenta novas formas de aproximarse á arxila. Se es principiante, atoparás nel a información básica que necesitas. Se es un ceramista experimentado en busca de novas formas de traballar a man en profundidade, este libro tamén é para ti.

Diseño de joyas : técnicas y métodos de dibujo e ilustración profesionales / Manuela Brambatti, Cosimo Vinci ; textos históricos de Alessandra Possamai.-- Barcelona : Promopress, 2019 

Este libro analiza os aspectos para representar graficamente unha gran variedade de xoias. As relacións de volume, o equilibrio entre cheo-baleiro, o tratamento das superficies metálicas, os materiais e cores máis cálidas e os máis fríos e a relación entre o soporte e a pedra explícanse en profundidade xunto coas formas de iluminar a xoia, o tratamento da luz e os clarescuros. O obxectivo non é mostrar xoias acabadas senón máis ben proporcionar as ferramentas para adquirir un método de traballo que permita representar ben as ideas, desde as proxeccións ortogonais e axonométricas ata as técnicas (acuarela, témpera, tinta, técnica mixta) e os diferentes soportes. O libro empeza coas estruturas xeométricas simples para ir evolucionando, a partir de varias deformacións e multiplicacións, en formas máis complexas.

Realismo imaginativo : cómo pintar lo que no existe / James Gurney.-- Madrid : Anaya Multimedia, D.L. 2016

A maioría dos manuais de debuxo ensínannos como debuxar ou pintar o que vemos: bodegóns, paisaxes, retratos. Que sucede, en cambio, cando queremos crear unha imaxe realista de algo que só existe na nosa imaxinación? Este libro mostra os métodos máis eficaces utilizados polos artistas, desde o Renacemento ata os nosos días. «Realismo imaxinativo de Gurney é unha mina de ouro para artistas que queren crear imaxes evocadoras, impactantes, que deleiten ao espectador con ricos elementos visuais doutro mundo».

Manual de dibujo abreviado = Ryakuga hayaoshie / Katsushika Hokusai ; edición de V. David Almazán Tomás.-- Vitoria - Gasteiz : Sans Soleil, 2018

Este manual de debuxo do artista Katsushika Hokusai (1760-1849), é unha obra visualmente fascinante que nos mergullará no complexo mundo visual do mestre xaponés. Dentro da súa produción atópanse uns sorprendentes manuais de pintura nos que Hokusai transmite tanto a artistas en formación como a afeccionados ás artes do pincel as súas insólitas técnicas e a súa particular visión da composición. Unha coidada edición dirixida tanto á amantes da arte e a cultura de Xapón, como tamén aos artistas, aos estudantes de debuxo e deseño e, mesmo, aos interesados no manga, que teñen en Hokusai unha referencia indispensable.

Fortuny o el arte como distinción de clase / Carlos Reyero.-- Madrid : Cátedra, 2017

A mediados do século XIX, a arte empezou a funcionar como un elemento de prestixio para unha nova elite desexosa de exhibir o seu poder, non sempre experta en sutilezas estéticas. A posesión e o recoñecemento das obras de Fortuny converteuse nun signo de distinción de clase que aparece profundamente determinado por paixóns humanas. Esta circunstancia singular serve de arranque para penetrarse nun universo de intereses mundanos que vai máis aló da pura traxectoria vital do pintor, Mariano Fortuny y Marsal, observada desde unha multiplicidade de puntos de vista, tales como a amizade, o amor, a frivolidade, a presunción, o sexo ou a nostalxia. 

Las artes de los reinos de África : la majestad de la forma / Suzanne Preston Blier.-- Madrid : Akal, D.L. 2011 

Esta obra explora as distintas formas en que os gobernantes africanos se serviron da arte e a arquitectura para definir a súa identidade individual e estatal desde o século XVI ata finais do XX.
Reúne un rico repertorio de ilustracións que inclúen gravados do século XIX, fotografías contemporáneas de gobernantes co seu séquito, obxectos in situ e expostos en museos, e debuxos explicativos de símbolos e motivos decorativos da realeza. Palabra e imaxe únense, pois, para ofrecer unha visión única da arte dos reinos de África, cuxa perenne importancia quedou de manifesto nas comunidades africanas recolocadas nas Américas. 

Continuará...