EMAO EN LIÑA: Entrevista a Ana Alonso, do Obradoiro Cabuxa. [Coiro]

luns, 4 de maio de 2020

Entrevista a Ana Alonso, do Obradoiro Cabuxa. [Coiro]

Bolso "Árbol"

Rompemos hoxe o noso confinamento xa algo suavizado para facer unha escapada ata Baldráns, en Tui, para coñecer o Obradoiro Cabuxa da man dunha das súas artesás, Ana Alonso.

-¿Como comezaches no Coiro?
-Nos oitenta, fixen unha viaxe a Granada e coñecín a uns artesáns que facían sandalias de coiro, estiven con eles varios meses enganchada ao material e á maneira de traballar, a partir de aí seguín experimentando con este material ata o dia de hoxe.

-¿Que ten o coiro que non teña outro material?
-No coiro sempre encontrei o soporte perfecto para desenvolver a miña creatividade.

-¿Dentro das técnicas que coñeces cal é a túa favorita?
-Sen dúbida a estampación, e todas as formas de decoración do coiro, tinturas, pinturas, gravados...

-¿Que peza tes ganas de facer e aínda non fixeches?
-Unha maleta de viaxe.

-¿Que consello lle darías a alguén que está a empezar?
-Que experimente todas as posibilidades deste material tan versátil antes de centrarse nunha soa técnica.

-¿Tes algunha ferramenta "especial"?

Pata de Cabra e Buríl

-Si, teño dúas ferramentas ás que lle teño un especial cariño, e son unha pata de cabra e un buril de madeira de buxo, a madeira regalouma unha amiga de Celanova, e as ferramentas fíxomas un artesán tallista de madeira hai xa bastantes anos.

-¿Tes algún referente no oficio que consideres como inspirador?
-Hai moitos e moi bos artesáns do coiro, nacionais e internacionais, a lista seria moi grande e seguro que quedaría alguén atrás...