Entrevista a Santiago Besteiro [Coiro]

E xa que rompemos o confinamento e estabamos por Lugo achegámonos a Monterroso para coñecer o obradoiro de Santiago Besteiro.

Santiago Besteiro

-¿Cómo comezaches no coiro?

-O meu primeiro contacto co coiro foi nunha formación que fixen na Escola de Arte e Deseño Ramón Falcón.  No ciclo superior de Artes Aplicadas á Madeira tíñamos una asignatura que era  Repuxado en coiro, alí aprendíamos as técnicas de repuxado en coiro así coma  policromías e dourados sobre este.

Compartía piso con dous compañeiros de ciclo, e un deles aficionouse moito co coiro e comezou a facer carteiras e moedeiros, e animoume a traballar con el. Así foi o comenzo.

-¿Qué ten o coiro que non teña outro material?

-Para min o coiro e un material moi fermoso, refírome ao coiro de curtición vexetal. Transmite calidez, ten bastantes posibilidades plásticas e visualmente describe na súa flor unha paisaxe coas engurras, marcas e cicatrices que reflicten a vida dese animal. Ao mesmo tempo creo que darlle un bo uso ao coiro dun animal é un xeito de renderlle tributo e respecto.

-¿Dentro das técnicas que coñeces cal é a tua favorita?

-Non teño ninguna favorita, gústame a simplicidade na vida e intento sempre levala ao meu traballo. Penso que a expresión do propio material é suficiente, e intento darlle o protagonismo a iso.

-¿ Qué peza tes ganas de facer e aínda non fixeches?

-Pois unhas cantas, de feito espero poder levar a cabo nesta corentena eses proxectos pendentes. Entre eles unhas esculturas que levan meses bocetadas.

-¿Qué consello lle darías a alguén que vai empezar?

-Que pense nun proxecto, e que defina o máximo posible o camiño para saber por onde avanzar. Debes de crer en ti mesmo e valorar o que fas. A valoración comeza por ser crítico co teu traballo, e o criterio obtelo coa formación e ca curiosidade. Hai que ter curiosidade por ver que se fai noutros lugares, e estar ao tanto das innovacións que xorden para este oficio. En resumo: Fórmate, traballa e analiza constantemente.

-¿ Tes alguna ferramenta especial?

-O certo é que me gustan moito as ferramentas clásicas, como pode ser a coitela de medialúa, os fileteadores de ferro ou as gubias pero non teño ninguna predilecta, todas me axudan.

  

-¿Tes algún referente no oficio que consideres inspirador?

-Os meus referentes foron  libros xaponeses e ingleses, onde se amosaban técnicas para poder levar a cabo os meus deseños. E tamén fixen moi bos amigo no camiño, entre eles un garnicioneiro madrileño que leva 45 anos no oficio e que me ensinou moitas cousas e me axudou a corrixir moitos erros. Tiven sorte, pois atopei moita xente que de maneira desinteresada me axudou no camiño.

Grazas Emao por invitarme a participar e grazas os lectores polo tempo de lectura e atención.

Mochila Bento

Bolso Bento

Carteiras Sellier

Bolso Bento

Santiago Besteiro
design@santiagobesteiro.com
+34 661 210 044
www.santiagobesteiro.com