luns, 20 de abril de 2020

Unha planta para o xardín [CAIM ZANFONA]

Este é o “freixo de montaña australiano” ou “eucalipto regnans”,  unha especie botánica de Eucalyptus do sueste de Australia, Tasmania e Victoria coñecida por acadar imbatibles alturas de 110 m. descrita como a máis alta das plantas con flor.
Pola súa rapidez de crecemento de máis dun metro ao ano, pódese atopar cultivado en moitas rexións do mundo para a produción de madeira, fabricación de polpa de papel e a obtención de aceite esencial.

É unha árbore perennefolia, cun tronco recto agrisado de cortiza lisa, agás nos primeiros 5-15 m, que é rugosa. A súa folla ten forma de fouce e as flores preséntanse en acios de 9-15 mm. Atópase en áreas montañosas frescas, de chan profundo, con alta pluviosidade e ten unha vida media de 400 anos.
Asemade do seu tamaño descomunal, chama especialmente a atención o feito de que esta especie de eucalipto non se recupera despois dun incendio, rexenerándose só as sementes que se liberan das súas cápsulas leñosas pola calor.



Ningún comentario:

Publicar un comentario

¡Anímate a participar cos teus comentarios!