Espello amigo [DEBUXO]

Gloria é unha alumna do grupo Superior que pasa este confinamento en soidade.
Cando retratamos a unha persoa, cando a debuxamos,  achegámonos a ela dun xeito especial. O retratado despóxase da intimidade sentíndose observado, e sentindo que a mirada do outro pode ser quen de entrar nos seus pensamentos máis íntimos, e descubrir nun descoido eses segredos inconfesables. O retratista procura facer un labor de búsqueda no rostro do outro co fin de atopar non só a forma senón a esencia da vida do retratado... chegando a captar a personalidade deste. Isto era o que Oscar Kokoschka procuraba. Os seus retratos psicolóxicos achegan o esencial da personalidade do retratado e polo xeral os modelos non quedaban moi contentos co resultado.

RETRATOS DE KOKOSCHKA

Voltamos a Gloria, que non ten a ninguén a quen retratar agás ela mesma. Un bo xeito de descubrirse a través da súa mirada, atopándose e reflexionándose, como tamén fixera cunha forza especial a artista expresionista  Käthe Köllwitz e que como o caso de Kokoschka os seus retratos resultan a mostra clara dunhas circunstancias duras e adversas marcadas pola guerra.

AUTORRETRATOS DE KÄTHE KÖLLWITZ

Déixovos a serie de Autorretratos que fixo Gloria estes días. Son un bo estudo de aprendizaxe. Espero que vos gusten.