A arte de crear obxectos [OURIVARÍA]

Neste artigo quero amosarvos a construción de obxectos en prata,
en concreto a través dunha empresa Vienesa,

a Wiener Silber Manufactur.

  Floreriros Loa e Vesu deseñados por Zaha Hadid Architects e
fabricados pola Wiener Silber Manufactur

Aquí tedes o vídeo de como se elaboran eses floreiros de prata deseñados por Zaha Hadid, empregando as técnicas de forxa e cicelado, un exquisito e laborioso traballo que amosa que as técnicas tradicionais teñen cabida nas creacións máis contemporáneas.

  

A historia desta empresa remóntase ao ano 1882 cando o ourive Alexander Sturm a creou cumprindo así o seu soño, e satisfacendo a necesidade da clase media alta vienesa con cuberterías de prata e demais obxectos. O taller producía obxectos de calidade cun exquisito virtuosismo artesanal abarcando e adaptándose a unha enorme variedade de estilos.

O xoierio "Cassette Kolo Moser"
 foi un encargo do compositor Gustav Mahler
para regalar a súa muller en 1902, e foi deseñado por Kolo Moser
e construído por Alexander Sturm.

Nos anos da Segunda Guerra Mundial os propietarios seguiron adiante coa empresa adaptándose, e en 1950 conectaron coa vangarda artística outra vez, e a creación de deseños co arquitecto Werkbund Oswald Haerdtl axudan a alcanzar novas metas. 

Xerra deseñada por Oswald Haerdtl en 1954

En 2008 comezou unha etapa nova preservando a tradición pero cunha visión innovadora, 

Georg Stradiot funda a Wiener Silber Manufactur.

Os arquivos da empresa conteñen sobre 11.000 deseños orixinais, entre eles os de Josef Hoffmann, Otto Prutscher, Kolo Moser e Oswald Haerdtl.

Actualmente recoñecidos deseñadores contemporáneos como Zaha Hadid, Erwin Wurm, Charlotte Talbot, Tomas Alonso, e outros, todos eles continúan coa tradición da compañía de estar por diante dos tempos.

Todos os produtos da empresa levan un trevo de catro follas, este é o selo memorable desta compañía que produce no sur de Viena. Estes produtos están dispoñibles na súa exclusiva tenda no centro da cidade e noutras tendas especializadas. 

Bar Set deseñado por Tomás Alonso 2013

O deseñador Tomás Alonso é vigués, estudou no Royal College of Art de Londres. 

En 2006 fundou o colectivo de deseño OKAYstudio. 

Recibiu o primeiro premio no Concurso Internacional de Deseño Promosedia en 2008 coa súa cadeira nº7.

Como parte da Vienna Desing Week en 2011 creou o "Servicio de té" que podedes ver a súa elaboración no seguinte vídeo, para el inspírase e reinterpreta as formas xeométricas de Josef Hoffmann, en 2013 deseñou o conxunto "Bar Set".

En 2015 Tomás Alonso recibiu o Premio Swarovski ao Diseñador do Futuro. 

Esta empresa é un grande exemplo da unión do deseño e a tradición ourive, 

oxalá existisen moitas empresas así

que desen valor ao deseño, á funcionalidade e ao bo facer dos artesáns tradicionais. 

Espero que vós guste e vós inspire!!! ;D