Encaixe de palillos ou a liberdade do confinamento. Cap 11. MANCA AHLIN (MATZALIN) [ENCAIXE DE PALILLOS]

A importacia do material para realizar un mural de encaixe, Mantzalin

Mantzalin, mural realizado con fíos eléctricos

Durante esta semana falaremos de artistas encaixeiras que relacionan o seu traballo directamente co espazo que nos rodea dunha forma ou outra. Por medio da propia materia, da luz, a pintura, etc. Descontextualizando o elemento encaixeiro para convertelo nun mural ou unha parede.


Desde fóra da disciplina encaixeira vemos o encaixe de palillos como ese elemento decorativo que as nosas avoas facían ou tiñan encima do aparador, non?

Desde este blog, queremos ofrecervos unha perspectiva do que hoxe en día é facer encaixe de palillos. Por iso, a nosa especialidade aquí na EMAO chámase DESEÑO E ENCAIXE DE PALILLOS, xa que é moi importante que entendamos a tradición e o presente para poder continuar o futuro desta marabillosa arte.

Mantzalin, unha encaixeira revoltosa co espazo e a luz. O seu traballo desenvólvese no chan xa que as súas pezas son tan enormes que para tecer necesita o chan para logo colocar as súas pezas como paredes que separan espazos. Leva a tradición encaixeira a unha escala xigantesca, o cal o fai moi contemporáneo.

A gran escala un dos late motivs de Mantzalin

Fíos ou cableado que se tece converténdoo nun mural encaixeiro

O traballo do volume e a luz

A luz, elemento que vai da man no universo desta artista