O MoMA Publica unha Lista de Cancións Inspiradas nas Obras de Arte [BIBLIOTECA]

Onte falabamos dalgúns museos que ofrecen a posibilidade de visitas virtuais guiadas ou o acceso a gran parte das súas coleccións. Entre eles estaba o MoMA (Museum of Modern Art). 

Hoxe volvemos a este museo porque ofrece unha playlist con cancións inspiradas por artistas e as súas obras de arte.

Algúns exemplos son: o cantante e compositor Don McLean que escribiu a súa canción "Vincent" inspirado pola noite estrelada de Vincent van Gogh.

Stephen Sondheim e James Lapine escribiron un musical completo, “Sunday In the Park With George”, inspirados na pintura puntillista de Georges Seurat, “Tarde de domingo na illa da Grande Jatte” . 

Na canción "Ata logo, Frank Lloyd Wright" Paul Simon utiliza o falecemento do arquitecto como unha metáfora da súa inminente separación de Art Garfunkel.

Peter Gabriel escribiu a canción "Don’t Give Up" despois de ver a exposición "Dust Bowl" da fotoperiodista Dorothea Lange .

A continuación podemos ver unha lista de reprodución destas e doutras melodías froito da emoción que algúns artistas e as súas obras de arte produciron nestes cantantes e compositores.