Marguerite Wildenhain deu á cerámica un enfoque duradeiro, práctico e simple. Era filla de alemán e inglesa e, tras estudar na Escola de Artes Aplicadas de Berlín, chegou á Bauhaus cando o obradoiro de cerámica só era "unha habitación cun forno".
En 1929 alcanzou a meta Bauhaus das cerámicas manufacturadas en serie, grazas a contar cun forno de proba e cooperar coa Royal Porcelain de Berlín, lanzando produtos funcionais e baratos co slogan de 'porcelana para a nova vivenda'. Quizá polo éxito, a pesar da súa ascendencia xudía, puido continuar producíndoa durante o período nazi, borrando o apelido dos papeis públicos.
Casou cun colega da Bauhaus, Franz Wildenhain, en 1930, e decidiron mudarse a Putte, en Holanda, onde abriron o obradoiro de cerámica Het Kruikje (A Ola). Sete anos despois volveu asociarse coa industria e, por encargo do Goberno holandés, creou o xogo de té “Five O’ Clock” para a Exposición Internacional de París.
A invasión nazi dos Países Baixos, en 1940, decidiuna a emigrar aos Estados Unidos. E en California, Marguerite ensinou no Colexio de Artes e Oficios de Oakland e formou a unha lexión de mozos ceramistas en “Pond Farm”, unha colonia de artistas en Guerneville, onde acabou placidamente os seus días.
Este movimiento me gusta mucho. Hay algún modo de ver el texto en español. Intento adivinar pero hay cosas que me escapan.
ResponderEliminar