Zapatos: liña [DEBUXO]

Vanme chegando debuxos das propostas que fago... perspectivas, retratos, obxectos pequenos. Podedes ver seleccionadas algunhas destas pezas nos popurris ou libretas. Hoxe quero que vexades debuxos do alumnado dos grupos Básico e Iniciación na serie de exercicios destes días.
Traballamos as posibilidades da liña e o punto nunha serie de obxecto-zapato que xa rematamos.

Son varias as posibilidades que exploramos:

LIÑA CONTORNO. LÍMITE DAS FORMAS

Comezamos polo contorno, debuxando os límites da forma, pechando espazos e entendendo que os obxectos son formas que se poden traducir a formas básicas.

Debuxos: Manuela e Violeta

LIÑA VOLUME

A liña como xeradora de volume. Os cambios de dirección das liñas dan efectos volumétricos sen aplicar luces e sombras.

Debuxos: Carmen e Olga

LIÑAS PARALELAS

As liñas nunha dirección que non se cortan, pero darán un efecto de grises diferentes xuntando ou separando as mesmas.

Debuxos: Olga e Andrea

PUNTOS

A concetración e superposición de puntos xera escuros, a separación e dispersión de puntos xera os claros.

Debuxos: Jose e Bea

COMBINADOS

A mestura da liña e do punto con todas as súas posibilidades coa finalidade de xerar texturas, escalas de grises e volumes. Este sería o último traballo desta serie. Agardo os vosos debuxos.

Primeiros combinados

Debuxos: Maikel e Violeta